2010年6月6日星期日

阿參鯖魚柳

        打開雪櫃搵嘢,摷吓摷吓,搵到樽阿參醬,完全唔記得有佢嘅存在!!咁啱老豆呢幾日又喺農場度拎啲新鮮金不換同佛手瓜返嚟,咁就真係啱哂喇,可以煮東南亞口味餸。




材料:
急凍鯖魚柳
佛手瓜
臭豆
乾蔥頭
金不換


醃料:

胡椒粉
紹酒


調味料:

阿參醬
紹酒


- 魚柳解凍後洗乾淨,用抹手紙索乾水份,用醃料醃好。


- 臭豆洗乾淨後開邊;佛手瓜去皮、去核後切粗片。


- 乾蔥頭去衣後切片;金不換洗乾淨,備用。


- 燒熱油,魚柳無皮果面先撲上少少粟粉,然後放上鑊,煎到兩面金黃就可以盛起。


- 跟住放臭豆入鑊內兜炒一陣,盛起備用。


- 略加適量油,爆香乾蔥頭後再加入佛手瓜,兜炒幾吓後灒酒。


- 將魚柳同臭豆回鑊,加入調味料,兜勻後加適量水。


- 冚上鑊蓋,用中慢火煮至瓜同豆腍身後,轉大火將醬汁略收乾,加入金不換兜炒幾
  下即成。




呢幾棵係新鮮金不換,第一次見到連埋花嘅樣。




Notes
- 糖嘅份量可以落多少少,因為阿參醬比較鹹、比較濃味。


- 若果煮好後醬汁仍多的話,可用粟粉水埋芡。


- 金不換一定要最後先好落,因為煮得耐的話香味就會減少。


- 臭豆可以喺專賣東南亞食材嘅鋪頭度搵到。



        你哋亦都可以喺
Facebook Fans Page 度搵我 o架,我間小店叫做 La Cucina di Kestrel 呀,快啲 click 入去做我個 fans


2 則留言:

  1. 喂 ,好正既魚喎  ,好惹味呀 ,不過我唔鐘意臭豆呀 ,呢家野都俾你買到.....
    金不換好正呀.......好鐘意佢既味道......
    [版主回覆06/07/2010 01:49:00]        係呀,真係好好味 o架!其實我都係好耐之前食過一次臭豆,印象已經好模糊,唔記得係點樣,所以再買多次 嚟試 吓囉,不過應 該無下次!我係 喺「營多」超市買咋嘛!
            我都好鍾意金不換味道呀!

    回覆刪除
  2. 仲有呀.....叔婆有你想食既紫蘇梅飯團家 ,唔係落飯素 ,係粒梅包係入面既....咬落酸咪咪........好正呀....仲有好多款唔同餡.....
    佢仲有盒裝梅買 ,係賣泡菜地方.......不過唔可以放太耐囉.......
    [版主回覆06/07/2010 01:51:00]        嘩,成粒梅包入飯糰度,會唔會好酸 o架!我驚食完會變超人呀!!  咁「叔婆」賣得貴唔貴呀?

    回覆刪除