2011年4月12日星期二

蔥油薄餅

        屋企儲埋儲埋好多蔥,喺呢個時候,要清哂佢的話,最好就係整蔥油薄餅 o架喇!




材料:
中筋麵粉    
250 克
即用酵母     2.5 克
泡打粉         2.5 克
水                125
蔥花             25

鹽                 適量

- 麵粉、泡打粉及即用酵母拌勻,加入水搓成麵糰。

- 麵糰靜置 30 分鐘,之後再搓至光滑、壓扁,放上蔥花及鹽,包好後搓勻。

- 將麵糰搓成長條狀,平均分割成四份擀麵棍擀薄至 0.5 厘米厚。

- 燒熱油,將麵餅兩面煎至微微焦黃色。

- 加入少量水,冚上鑊蓋煮至水乾。

- 之後再將麵餅兩面煎香即成。

以上材料份量可做直徑約 4 吋半圓餅 4 件。

食譜出自《餅》。





呢個食譜整出嘅蔥油餅軟熟好多,同之前整蔥花大鍋餅好唔同!

 


下次試吓煮乾水後直接上碟唔再煎番香,睇吓餅皮會唔會無咁乾先!

 



Notes
- 中筋麵粉可用高筋麵粉及低筋麵粉混合而成,份量為 1:1。

3 則留言:

  1. 我鐘意有一層層既蔥油餅....面脆脆地既....要勁多蔥...
    [版主回覆04/13/2011 18:09:00]        點樣一層層法呀?妳係指好似酥皮咁一層層果隻定係好似台式抓餅果隻呀?         講起勁多蔥,我就係貪香口,落 咗食譜多一倍份量,點知都搓勻時變得勁濕,雙手黐到呢……即刻叫我老豆幫我狂落粉至埋到欄咋!

    回覆刪除
  2. 薄餅我鍾意呀! 請問你試唔試整酸梅呢! 因我見d青梅好靚忍唔住買咗, 但又唔知點整喎~~
    [版主回覆04/13/2011 18:11:00]        鍾意就郁手整啦!唔難整 o架!         妳係想整咩酸梅呀,中式酸梅?我個 friend 買好多番 嚟浸梅酒 呀!

    回覆刪除
  3. 係攤開一張薄皮..掃油+鹽+蔥...捲起再按扁...咁咪一層層囉..你呢本書度都應該有既...
    [版主回覆04/14/2011 00:28:00]        哦,係呢隻蔥油餅!我第一次整就係整呢款喇!不過當時唔知點解 啲層次唔明顯呢?

    回覆刪除