2011年4月19日星期二

麻辣朱古力 Spicy Chocolate

        今日整咗我人生中第一個朱古力,成功做到調溫,好開心呀!

        不甘平凡嘅我,當然唔會就咁溶啲朱古力,之後等佢凝固番就算啦,咁做實在太無聊喇! 所以我就玩嘢,做個麻辣朱古力試吓先,反正 Lindt 果隻辣味朱古力咁貴,我一定唔捨得買,但係一直又好想試,咁咪又係果句:自己郁手整囉!



材料:
調溫朱古力
55%      100 克
辣椒粉                       2 茶匙
花椒粉                       1 茶匙


- 先將 3/4 份朱古力加熱溶化至 50 - 55°C。

- 加入剩餘1/4 份朱古力,攪拌至溶化,待溫度降至 28 - 29°C。

- 再次將朱古力漿加熱至 32°C 左右,即完成調溫步驟。

- 加入拌辣椒粉花椒粉,拌勻。

- 將朱古力漿倒入模內,用匙羹輕壓朱古力漿表面,令表面平滑。

- 用抹刀刮去朱古力模表面多餘嘅朱古力漿,並且掃平表面。

- 放入雪櫃內雪約 30 分鐘至凝固後即可脫模。
 
 
 

略嫌麻辣味唔夠濃,下次辣椒粉同花椒粉可以落重手啲。

 

 
 
 
唔知點解,呢個模整完出嘅朱古力,做形有啲似 Keroro 個頭!

 
 
Notes
- 朱古力濃度、花椒粉及辣椒粉份量可因應個人口味作出調整。

- 用微波爐加熱朱古力的話,最好以每次 10 秒時間將佢溶化,以免燒焦。

- 若要測試朱古力是否成功調溫,可用刀尖蘸少少朱古力漿,之後放入雪櫃內,若
  果能夠在幾分鐘內凝固,兼且表面有光澤,即代表調溫成功。
 
 

5 則留言:

  1. 落咁少辣...起碼落夠半斤先和味嘛...調溫唔錯喎...直情係keroro啦..畫埋眼口鼻...
    [版主回覆04/21/2011 13:12:00]        半斤辣椒粉!?想辣死我咩!         第一次調溫算係咁啦!         係喎,應該用白古力幫佢加番 啲眼耳口鼻喎!

    回覆刪除
  2. wa wa:P
    [版主回覆04/21/2011 13:09:00]        Surprise!!

    回覆刪除
  3. 朱古力都要麻辣......................! 好驚喎~~~~~~~~~~~
    [版主回覆04/21/2011 13:08:00]        咁先有驚喜嘛!超市都有瑞士蓮辣朱古力賣啦!

    回覆刪除
  4. (Empty)
    [版主回覆04/22/2011 23:57:00]         整啦,麻辣 o架, 啱妳食 呀!

    回覆刪除
  5. (Empty)
    [版主回覆04/22/2011 23:57:00]        復活節快樂!

    回覆刪除