2013年5月13日星期一

抹茶豆腐雙色雪芳


早排見到好多 blog 友都整雙色或三色雪芳蛋糕,我自己都成日話想整一次,但係始終得個講字,皆因思想上其實係極為積極,但可惜肉體上勁唔多願郁囉!! 

不過今日卒之都的起心肝去整,因為呢個蛋糕係一個 functional cake,如果今日都仲唔整的話,以後都再無機會㗎喇! 





查實呢個係一個 farewell cake,因為聽日係音樂中心同事 Vivi 最後一日
返工喇!Vivi 佢辦事落力周到,好多嘢都唔使我親自處理,
等我可以專注教學,所以特登整個蛋糕送俾佢,
多謝佢一直嘅幫忙。






 



估唔到第一次整都 OK 成功喎!不過就整得唔係咁完美,兩個蛋糕
都有少少較大氣孔,可能係因為麵糊唔係一氣呵成咁倒入模,
而係逐少勺入,變成兩隻顏色麵糊之間容易有氣孔。







 



因為個蛋糕係要送俾人,所以唔可以切開嚟影相,大家將就一下
睇住呢啲切出嘅剩餘物資吧! 因為抹茶味實在
太香濃,所以完全食唔到豆腐香味。





 



剛好剩咗一個紙杯份量嘅麵糊,焗好之後就成為
送俾媽咪嘅母親節禮物哦!

 





若果大家都有興趣想試整的話,可以參考番之前嘅《豆腐紅豆抹茶雪芳》同《豆腐雪芳蛋糕》。

3 則留言:

  1. 緊張大師-小女人2013年5月13日 上午7:24

    你一出就出咁多蛋糕,你好掂呀,我昨日整了兩款都好累了,你的雙色混得好美呢.
    [緊張大師-小女人回覆06/05/2013 09:33:02]係呀,現在年青人個個都係咁架,所以現在無野講啦.收聲罷啦.
    [版主回覆06/02/2013 23:21:38]大把人都只看眼前事,唔會理後果,同埋佢哋會覺得呢啲嘢有排都唔會發生喺自己身上!
    [緊張大師-小女人回覆06/02/2013 21:24:31]唔好提呢個強國人,提起都火都來,真係好無人性,食物又差,唔係咁架?我家真係唔浪費,由大到細個個都好有品德,吃自助餐夠就可以不會係咁食係咁食,現今食物越來越少啦,仲浪費得起嗎?
    [版主回覆05/31/2013 15:58:25]廚餘咁多,咪多得嗰啲出公數嘅飯局囉,反正唔使自己真金白銀俾錢咪狂叫到成枱餸囉!強國情況仲嚴重啦!
    [緊張大師-小女人回覆05/28/2013 17:27:09]我今日見到新聞那些廚餘浪費得好得人驚....唔好咁樣好唔好呀?真係好多人無得食呢.個世界好恐怖呀
    [版主回覆05/28/2013 15:25:09]講得無錯,呢個世界有啲人真係連飲啖乾淨食水都係奢望哦!
    [緊張大師-小女人回覆05/24/2013 10:17:42]不要浪費這是美德好多地方好多人無野食呀
    [版主回覆05/22/2013 21:06:11]我都係咁呀!除非嗰樣嘢失敗到 "埋唔到欄" 啦,咁就即刻送俾 "大口仔"!
    [緊張大師-小女人回覆05/22/2013 07:56:04]知道,我一定會再來的,我係打不死........嘻嘻,努力再試,你知嗎,無人食我真係一個人食晒全部,分幾日食都要,我不會浪費
    [版主回覆05/21/2013 16:19:22]咁妳試多次,快手快腳,睇吓好唔好啲!
    [緊張大師-小女人回覆05/19/2013 14:05:36]我整過雲石蛋糕兩三次效果不太理想.可能就係(快手快腳至得)呢樣唔得
    [版主回覆05/18/2013 22:21:48]不如妳都試試呢種混色呀!幾好玩,不過真係要快手快腳至得!

    回覆刪除
  2. 混色混得好靚 !
    [版主回覆05/18/2013 22:20:26]多謝芹菜!

    回覆刪除
  3. 這種雙色雪芳, 我都覺得要好好配對味道, 否則只有顏色有對比, 食味始終只以其一取勝.
    [版主回覆05/18/2013 22:20:06]講得無錯!

    回覆刪除