佛誕快樂！

        今日係佛誕，喺呢度同各位佛教徒朋友、佛教徒 blog 友講聲：佛誕快樂，阿彌陀佛！

之前嘅佛誕日，我都會同媽咪去蝴蝶灣望海觀音度浴佛，今年都照舊，
朝早教完 Ryan 之後就直接出去浴佛。

 

每年嘅佛誕都天公造美，唔會落大雨，亦唔會好猛太陽，好舒服。

 

望海觀音內嘅紀念品攤位。

 

如果無記錯的話，媽咪話俾我聽，佛陀出世時就係咁樣 "指天篤地"。

 

到我浴佛啦！我專登請其中一位師兄幫我影相留念。

 

浴完佛之後就放低一封利是作為添香油及維持道場管理開支。

 

噚日出去大角咀社區中心教琴前，專登去咗旺角花墟買荷花
返屋企供佛，$25 / 3枝，合理吧！

 

原來花墟啲花都真係幾平，見到啲玫瑰都只係 $20 - 35 / 1扎，真係無諗過
會係咁平，一直對佢嘅印象都係勁貴，因為我只係逢母親節、
情人節時喺電視聽到 "行情"，喺咁嘅日子，
梗係貴到阿媽都唔認得啦！。

 

既然咁平，咁就順便買扎送俾媽咪啦！咁大個仔都係第一次買玫瑰咋！
我好鍾意呢隻顏色呢！

 

唔識插花呀，求求其其、高低錯落咁插咋！

 

唉，早知啲花原來可以平到咁，我就一早買嚟送俾媽咪啦！
雖然媽咪依家唔可以親手接過我送俾佢嘅花，
但我知道佢一定感受到我呢份心意嘅。

 

 

        你哋亦都可以喺 Facebook Fans Page 度搵我 o架，我間小店叫做 La Cucina di Kestrel 呀，快啲 click 入去做我個 fans 啦！