今日沖咗明仔送俾我果包櫻花綠茶嚟飲啦，真係好香濃呀！而且茶葉本身都好靚，仲見到有片片櫻花瓣，好好 feel 呀！
真係好似明仔咁講，沖咗幾次都仲好濃味呢！
淡粉紅色果啲就係櫻花瓣喇！
你哋咪以為我呢套全透明嘅杯碟係專登買嚟沖花茶呀，其實佢係件 "古董" 嚟 o架，我諗閒閒哋都有七、八十年歷史啊！好耐之前我同媽咪一齊去探伯伯、伯娘時，伯伯話執嘢果陣，搵到呢套透明茶杯碟，佢話要交番俾媽咪，因為其實佢係我婆婆以前用開 o架，不過佢走咗之後，就一直由伯伯 keep 住，咁果陣搵得番出嚟就自然會交熏俾媽咪。我當時見到都好鍾意呀，心諗，乜果陣都有啲咁靚嘅茶具！？同時亦諗都諗唔到，到依家我寫 blog 時，又啱用嚟影相，效果仲唔錯 o添！
喺呢一刻，我個 blog 度有我嘅文字，有媽咪嘅靚相，仲有婆婆以前用過嘅茶杯，我哋卒之可以 "三代同堂" 喇，好開心呀！
對於一般人嚟講，三代同堂可能係好普通嘅事，但對於我媽咪嚟講，絕對係一個奇蹟，包括我自己都係咁諗！
你哋亦都可以喺 Facebook Fans Page 度搵我 o架，我間小店叫做 La Cucina di Kestrel 呀，快啲 click 入去做我個 fans 啦！
真係好珍貴既茶具, 你要好好地保存呀.......以前好多野既質地都好過依家多多聲啦......
回覆刪除如果係水晶既 ,就更加正呀......
[版主回覆05/18/2010 00:08:00] 係呀，我好小心 o架啦！上次我打爛 咗個 玻璃盅 ，個心好唔舒服呀 ！
哈哈~好野!!我d茶葉可以用係古董杯到
回覆刪除你鍾意就好了,真係沖多幾次都仲好出味,keke
[版主回覆05/18/2010 00:25:00] 係呀，真係好正，同埋沖完之後 啲茶 葉好靚，好嫩綠呀！ 都要再次多謝你送俾我啦！
一個古董茶杯, 貫通了一家人的關係, 飲啖茶都香d.
回覆刪除哇, 呢個古董好新潮呀!
[版主回覆05/19/2010 15:43:00] 係呀，我表舅父拎出 嚟時 ，我仲以為佢嫌新潮唔用咋！點知原來係我婆婆 嘅！