2010年5月9日星期日

自家製芝麻醬

        因為嚟緊想整recipe 會用到芝麻醬,而且之前買落果包芝麻又放喺雪櫃好耐都未用哂,咁就不如用嚟整芝麻醬好過啦!自己整可以經濟啲,而且又唔難整,但最重要係可以用少啲油。出邊賣果啲多數都見到有好多油浸住啲醬,睇見都好恐佈,自己整的話就可以控制油嘅用量,而且我係用橄欖油嚟整,相對地健康好多。

        整好嘅芝麻醬可以用嚟搽麵包、整包餅、做湯丸餡、做醃料或蘸醬都得,既方便又好用呢!


材料:
白芝麻
橄欖油


- 將芝麻洗乾淨、瀝乾水。

- 芝麻放白鑊內炒香,盛起攤凍。

- 將芝麻放入攪拌機內,用乾磨刀打成粉狀。

- 加入適量橄欖油拌勻即成。




Notes:

- 用黑芝麻代替白芝麻,即可做成黑芝麻醬,可參考《黑芝麻粉》的製作步驟相片。

- 攪打芝麻粉時,盡量越幼細越好,做出芝麻醬就越幼滑。

- 橄欖油可用任何植物油代替。


- 隔咗一段時間無用到的話,芝麻醬會變得乾身,需要再加入少量油先可再用,否則
  就會變番做粉狀,結成一嚿顆粒。




2 則留言:

  1. 打算拎出去開檔呀........芝麻醬  ,花生醬我都鐘意........
    [版主回覆05/10/2010 01:25:00]        開檔?賣腸粉呀!!         我都勁鍾意食花生醬呀!

    回覆刪除
  2. 請問如用其他植物油時,需要 煮滾待涼 後才用嗎?
    [版主回覆05/12/2010 19:07:00]        呀,我又無 諗過呢個問題喎,因為我屋企一直都係用橄欖油或橄欖調和油 嚟煮食 o架!不過我 諗花生油就一定唔會用啦!因為香味勁濃,會蓋過哂芝麻味。         小米油同橄欖油就一定可以就咁用,如果妳驚的話,都可以用熟油整 嘅!最好揀 啲可以用 嚟撈沙律 嘅油就唔駛驚啦!

    回覆刪除