上次學生 Ryan 個妹妹 Rylie 滿月時，我整咗字母香蕉小蛋糕送俾佢，點知有人即刻呷醋呷到出哂面，話我做乜要整蛋糕俾妹妹唔整俾佢，仲話要我整個大蛋糕送番俾佢 o添！咁我就話，如果佢以後上堂聽話，又肯練琴的話，我就整個大蛋糕俾佢。
老實講，其實 Ryan 呢段時間都唔算太乖，都係懶練琴，理應唔會整蛋糕送俾佢，不過見上次佢又送咗個掛飾俾我，咁我就送番個蛋糕俾佢做生日禮物，當係回禮啦！佢今個禮拜日生日呀！所以之前我整果個芒果慕斯蛋糕其實係今次嘅預習嚟 o架！
今次個蛋糕面加咗層芒果啫喱，賣相即刻唔同哂！
點呀，你哋覺得個蛋糕靚唔靚呀？驟眼睇就幾靚嘅，但係其實都仲有好多瑕疵 o架，有待改進呢！不過，今次呢個蛋糕就比上次果個有改善，都係多得我嘅 "御用糕餅顧問" 明仔，佢教咗我幾個好實用嘅 technique，真係好好多！所以每次我要整一啲對我嚟講有一定難度嘅蛋糕時，我都一定會事先請教佢，費事到時勁失手兼浪費食材。今晚我教緊 Ryan 時佢都有打電話俾我，問我個蛋糕掂唔掂，我就好開心咁同佢講：「掂呀！」不過佢聽到有琴聲，知道我教緊琴，所以佢話遲啲先再傾，所以我未同佢講聲多謝，好啦，就趁依家喺度同佢講聲：「多謝你呀，明仔！」
第一次玩朱古力轉印紙，我專登揀五線譜圖案 o架，不過張轉印紙有啲 "花"，同埋份樂譜係倒轉咗嘅，無辦法啦，佢哋唔係音樂人，唔識睇呢份 "譜" o架啦，哈哈！！
原來轉印紙都唔易整得靚，你睇吓塊朱古力有 "崩" 位就知啦！
你睇呢隻 Ryan 幾識擺 pose，趴喺度影都俾佢諗到！
Ryan，happy birthday！！
上次俾 blog 友毛豆 "嚇一嚇" 我之後，即刻買過個新模，但原來呢個新模
差少少先夠 6 吋，所以有料用剩，啱啱好夠整兩杯細 mousse。
你哋亦都可以喺 Facebook Fans Page 度搵我 o架，我間小店叫做 La Cucina di Kestrel 呀，快啲 click 入去做我個 fans 啦！
唔使客氣,成功左就好啦~仲整得好好添~keke
回覆刪除[版主回覆05/15/2010 00:30:00] 遲 啲再整大 嘢時再要請教你呀！
好掂又好靚既生日蛋糕呀 ,happy b'day to Ryan 呢次安樂哂啦 .......
回覆刪除我都覺張古力譜怪怪地啦 ,原來調轉左都有既 ,唔係路既都.......回水啦要......定係佢呢張係錯版呢 ,係你就發達啦.......
我唔係嚇你喎 ,金屬甩色真係可大可小啦.......
[版主回覆05/15/2010 21:38:00] 妳唔好讚我啦，真實睇個蛋糕其實好多 "缺陷" o架，妳見到實彈到一文不值！！ 咁我寧願張轉印紙係錯體，都唔要佢回水啦，咁我就發大達喇！ 今次完全無甩色喇，先頭都仲俾妳嚇死 o架，買完返 嚟妳仲話我唔 買好過買，幾驚呀！好彩無事咋！咁個舊圈我會用 嚟整 啲要包牛油紙 喺圈內 嘅時候先用，好似整 brownie 咁囉，因為始終佢係足 6 吋呀！ 遲 啲得閒掟上 嚟俾妳睇 吓新舊模究竟有咩分別！