因為我唔係成日都整麵包，所以一直都只係用細包裝 15 克果隻即用酵母，但係用開「二記」果隻牌子斷咗貨好耐都未有返貨，咁就唯有買大包裝果隻啦！
星期一整果個杏仁提子肉桂卷已經開始用大包裝果隻酵母。原本我問過個職員，開封後點處理，佢話俾我聽用密實盒裝好，放喺陰涼地方就 OK，不過要盡快用哂佢。盡快用哂佢！？無可能囉，你估我由朝到晚都整包咩，成 500 克一包 o架，每次都只係用得果幾克，有排用啦！
所以開咗封之後，我就將佢倒入個密實袋度，之後再用膠盒裝住佢，然後放入冰格度保存，咁就可以放好耐喇！
酵母喺低溫下會停止活動，所以放入冰箱保存係最佳方法。
我用開新鮮酵母, 每次買返黎分開細份, 用保鮮紙包好, 再放入保鮮盒, 再保存在冰箱, 都可以用好耐.
回覆刪除[版主回覆11/06/2010 19:11:00] 我又未試過用新鮮酵母喎！同乾酵母有咩分別呢？
佢一出雪櫃, 便會吸收空氣中的水分受潮, 好高風險架! 不如分好多小包再入盒啦!
回覆刪除[版主回覆11/06/2010 19:13:00] 應該唔會咁危險 啩，我用細包裝果陣都係咁拎出拎入都無事喎！
朋友都喺咁教我架!
回覆刪除[版主回覆11/06/2010 19:13:00] 咁呢個方法 OK 嗎？
我一小包都用好耐，懶鬼
回覆刪除[版主回覆11/06/2010 19:15:00] 其實我都係，不過斷貨咁耐無得賣先迫住買大包咋！
放下格有冇問題架.
回覆刪除[版主回覆11/06/2010 19:14:00] 我驚放下格唔夠凍， 啲 酵母好快玩完！
OK啊!
回覆刪除[版主回覆11/08/2010 13:41:00] 咁就得喇！