香蔥青咖喱豆腐

        早前見全身酸軟唔願郁嘅通少整咗個懶人白汁，同樣覺得成身 "攰賴賴" 嘅我，今日都整番個懶人餸先。

材料：
腍豆腐
免治豬肉
蒜茸
蔥花

醃料：
鹽
糖
生抽
老抽
紹酒
粟粉
水
油

調味料：
鹽
糖
青咖喱醬
麻油
紹酒

- 豬肉先用醃料醃 30 分鐘以上。

- 燒熱油，爆香蒜茸，將免治豬肉落鑊鬆開，灒酒，炒至九成熟。

- 加入豆腐，落鹽、糖同青咖喱醬調味。

- 兜勻所有材料後，加埋蔥花，再灑上麻油，兜兩兜就可以上碟。

 

 P.S.  呢個 "懶人餸" 夠懶未？