2009年9月9日星期三

日式紅豆餡 Azuki Bean Filling

        紅豆餡或紅豆沙都係我一直想整好耐嘅嘢,所以都已經放咗喺個 To Do List 裡面好耐喇!但因為人懶,成日都唔想郁手整,但日卒之的起心肝郁手整喇,因為今日我要用到呢個餡去整嘢嘛!





材料:
紅豆      300 (即半斤)
糖          150 – 180
         1/8茶匙
水          適量

- 先將紅豆洗淨,放入煲內並加水至蓋過紅豆面,煲滾。

- 煲滾後,加入 200ml 水繼續煲,煲滾後再煲多 3 分鐘。

- 熄火,盛起紅豆,倒去煮豆水,再次重覆以上步驟一次。

- 熄火後將紅豆盛起並沖洗,之後再放番入煲內加水,用大火煲滾。

- 煲滾後轉細火煲 1個鐘至豆腍。

- 舀起表面泡沫之後,加糖同鹽,拌勻,煮至適合濃稠度。

食譜係嚟自櫻井景子嘅《和菓子‧和甘味》(秋冬篇)



 

如果你都好似我咁有真空煲的話,你可以考慮用我呢個方法,比較方便容易:

- 先將紅豆洗乾淨,用水浸過夜。

- 煲滾水,倒入紅豆,大火煲到滾番之後,就轉中細火煲多 15分鐘。

- 之後轉番大火煲半分鐘,就可以將內鍋放入真空煲度。

- 約三個鐘後,將內鍋放上火煲番滾 ( 如果水太少的話可適量加水 )

- 加入糖同鹽後,轉中細火繼續煲,煲至適合濃稠度就完成。



 我今次一次過煮多一倍份量,攤凍紅豆餡後用膠盒裝好,放上冰格
儲存,到有需要用時就前一晚拎返落下格解凍,方便好多。





Notes:
- 浸紅豆時,記得用個大嘅容器,因為紅豆會吸水並發脹到兩倍以上大小。


- 到最後步驟將紅豆煮成蓉時,記得不時攪拌,以免黐底。而且可以將紅豆略壓
 
豆沙壓出。

- 今次我就用 180 糖去煮,雖然就咁食就非常之甜,但因為我會用嚟整冷凍食
 
品,到時甜味就會減低,所以要因應個人口味增減糖嘅份量。


- 櫻井老師喺書中曾提到中式紅豆沙同日式紅豆餡可以互用,但我個人就比較喜歡
 
式紅豆餡,因為無任何油份,無咁膩;而且保留豆粒,更有 o趙頭!

4 則留言:

  1. 日本果子真係10隻有9隻半都用小豆(紅豆)餡, 不過中國人的紅豆茸係香d.......雖然我係日迷.
    [版主回覆09/12/2009 22:02:00]        因為有用油炒過所以香 啲?

    回覆刪除
  2. 好提議!放落冰格,下次我都整多d!
    [版主回覆09/12/2009 22:01:00]        係呀,真係要放上冰箱呀,我 "畢" 起 咗一碗, 諗住第二日就用佢 嚟蒸蛋糕,所以無放入雪櫃,到第二日拎 嚟用時,表面個層已經變 咗喇!

    回覆刪除
  3.  唔知點解次次想煲紅豆沙都唔係好得,煲極都唔軟既.
    唔通我落得太多水同埋凍水已經落煲既問題...
    [版主回覆05/21/2011 23:21:00]        如果想豆類易 啲煲腍,最好前一晚先將豆洗乾淨,之後用水浸過夜,妳會發現 啲豆會發大好多,同埋已經腍腍 哋,之後一定要滾水落煲,因 為熱脹冷縮 嘅原理會容易爆開好多,如果凍水落煲, 啲豆就即刻慢慢咁 "適應" 水溫,無 咗熱脹冷縮,所以會出現煲唔腍情況。到紅豆沙煮好時,妳可以用湯勺將 啲紅豆稍為壓一壓,咁 啲豆沙就更加容易走出 嚟。

    回覆刪除
  4. 真既?等我試下先...我見我媽次次煲紅豆沙都成功,自己就失敗,原來係咁既原理!
    [版主回覆05/22/2011 01:35:00]        係 o架,我睇過 Annie 本食譜教煲粥都係要滾水落米先至容易煲到開花,情況一樣!         妳試試啦,希望妳今次成功!

    回覆刪除