水蜜桃食後感

        報告、報告，小弟已經食咗兩個加州水蜜桃喇！哈哈，果然俾 Frankie 估中，真係打咗針喎！！

        點解咁講，事緣上次食過 Louisa 個日本水蜜桃無乜味道，我就同佢哋講，咁我對我果幾個水蜜桃都無乜期望喇，Louisa 話未必，可能甜呢，跟住 Frankie 就話，係呀，可能打咗針，咁咪甜囉！所以我咪咁講囉，死未！

除咗甜之外，黃桃就比較香同腍身。

 

而白桃就無咁香甜，但係就勁爽脆，唔知係咪其實未夠熟，要再
熟啲先食得呢！

        我懷疑水蜜桃係含好豐富嘅鐵質，呢頭批緊皮，果頭就即刻變啡色，仲快過蘋果、雪梨同香蕉呀！

        有機會見到減價就再 encore！報告完畢。