呢兩個禮拜「先施百貨」喺我屋企附近個屋邨商場度擺展銷場，真係估唔到呢間老牌百貨公司都會去到入嚟屯門嘅屋邨商場擺攤位，唔通「領匯」真係有啲 "偈仔" ？
原本諗住去睇吓有無銀包啱，點知整吓整吓最終又係變咗買同食有關嘅用具，由細到大，真係從未諗過自己會成日買埋哂啲廚房用具、餐具、砂煲 "冷" 罉之類嘅嘢。
今日去買餸經過商場時就買咗呢兩個密氣玻璃樽。
原本呢兩個玻璃樽係用嚟裝茶葉嘅，所以好密氣。
我見到都幾靚，而且價錢又唔貴，兩個夾埋 $50 都唔駛，真係抵到爛！
不過我唔會要嚟裝茶葉 o架，係有其他用途，到時再為大家報導。
另外再買多兩個相同牌子嘅膠蓋玻璃樽，呢兩個仲抵呀，$12 一套兩個，
雖然唔及果兩個玻璃樽咁密氣，不過都唔係太差，用嚟裝啲唔怕
翻潮嘅食材都 OK o架！
我去咗APM喇 !
回覆刪除[版主回覆08/14/2009 23:07:00] 咁有咩見聞呀？Rachel 繼續係萬人迷？
我用的係有個LOCK嗰種, 一個可用好多年, 抵丫.
回覆刪除[版主回覆08/15/2009 15:21:00] 係呀，我屋企都有果隻密氣樽。我買呢個樽除 咗 貪佢密氣之外，仲可以裝飾呢！
我都係日本城買咗兩個，諗住整MACARRON送比朋友。
回覆刪除[版主回覆08/22/2009 18:03:00] 哈哈，我其實咪就係買 嚟裝自己整 嘅餅囉，影相靚 啲嘛！妳買果個都係咁款 o架？