2009年3月21日星期六

台北自遊行 (第一天) II

        好啦,生完 "痱滋 ",我哋就分頭行事,阿聰繼續睇佢CD,我同 Winnie、Li Kien 去行紅樓劇院。



        紅樓劇院曾遇祝融,幸得當地一位富商出資修復,依家已經租哂俾啲食肆做生意。



        劇院外嘅跳蚤市場。


 



        呢啲應該係番梘。


 



        你哋估吓呢樣嘢有咩用?其實係口罩嘅,因為當地氣車癈氣問題嚴重,所以大部份揸電單車嘅人都會戴口罩。


 



        兩位小姐都對啲髮簪好有興趣,大部份都用檀木做,有啲仲係人手做嘅 o添!不過價錢就唔平,都係睇吓算啦。


        跟住我哋就入去劇院裡面行吓。














        Winnie 一見到就話要影啦!我問點解,原來佢話呢幅係幾米作品嚟 o架。


 



        我就覺得呢幅話好 cute,Lego人化身成哲古華拉攪革命,所以個標題係將「革命」個英文字 "Revolution" 改成為 "Legolution",即 "Lego" + "Revolution"。


 



        行完紅樓,我哋就搭幾個站地鐵去「南門市場」,睇定啲手信嘛!阿蘇去台灣果次個特輯都叫人嚟呢度買嘢啦!


沒有留言:

發佈留言