2009年3月25日星期三

台北自遊行 (第二天) III

        去完天元宮,本來會去漁人碼頭 o架,不過喺山上面時啲雨已經越落越大,到返到地面時就仲犀利,所以就取消咗呢個景點喇,就直接去咗一條手信街度食嘢同買。(Winnie 妳睇完就留個 message 喺度,話番條街名俾我知啦! Thanks)


        去到淡水,原來一定要食 "阿給" o架 ( "給" 字讀音係 "基" 第 4聲,你睇吓個英文就估到點讀 o架啦 ) ! 





        我4 款都叫齊哂嚟試呀,都幾好食喎!


        返到嚟香港,同 Gordon 講番個行程,佢知道我哋去過淡水,都即刻問有無食 阿給",咁你話 "阿給" 係咪淡水嘅 "代言人 / 旅遊大使" 呢!食完 "阿給",啲雨細咗好多 lu,我哋就沿住條手信街慢慢行番出淡水車站,一路都買咗唔少手信。


        買完嘢我哋就搭番地鐵去士林夜市度 "掃街" 喇,當然係要匯合埋阿聰啦,因為掃街先至係遊台北嘅重頭戲嘛!



        你睇,個個都有 "斬穫" 喎!


 



        夜市內各式食肆。




        呢檔就係最多人排隊買炸雞排嘅。你話 Winnie 喺度做乜呢?佢話佢自己好似揸住個袋喺度乞雞排食咁喎!點解無影度舊雞排?因為塊大大舊、熱辣辣雞排非常吸引,大家都淨係掛住食都唔記得影相 lu


 




        啱又去乞完食兼 show 戰利品!?


 



        見到個白苦瓜就知道我食乜啦!咪就係飲蜂蜜白苦瓜汁囉,我覺得甜甜哋、甘甘哋,幾好飲喎!


 



        行完露天夜市,就過對面行埋室內夜市。


 



        室內夜市同樣咁熱鬧。


 



        我哋就喺呢間「忠誠號」度食蚵仔煎。





        食完蚵仔煎,佢哋話見周圍都有賣牛排,諗住梗係好出名 o架喇,所以就叫咗呢個套餐嚟試。半夜三更都食得咁豐富!?


 



        呢個係花枝,即係魷魚羹囉


        因為掃街掃好耐,所以到我哋離開士林夜市時已經好晏,我哋搭返酒店果班地鐵應該係尾班車嚟 o架喇,所以趕得好急,見到好多人都跑住去嘟卡入閘。



         所以到咗月台等車時,Li Kien 話要影低個時間做見證 / 紀念喎!


 



        車廂內的一對 "殘花敗柳 "!呀,唔係,係 "貌美如花" 先至真,唔好意思,呵呵!


        第二日嘅行程又完滿結束喇,返酒店瞓覺 lu,zzz…zzz…zzz…zzz……


 


1 則留言:

  1. 補充街名: 淡水老街
    [版主回覆03/26/2009 13:29:00]        "些些"!

    回覆刪除