原本我哋約好咗阿聰喺南門市場會合，之後一齊去永康街食晚飯，但係我哋行完街市都未夠鐘，於是就喺附近行一陣。其實附近多數係住宅同商住物業，條街又靜過鬼，加上又大風又凍，都無乜好行，點知突然俾我哋見到一樣同我哋好有關係嘅嘢噃：
你哋知唔知係乜嘢嚟哩？Studio？音樂廳？音樂機構？通通都唔係，真正答案就係：
登登登櫈，就係一座好普通嘅住宅物業。估唔到啲台灣人都幾有音樂修養 o架噃，搭的士去永康街時，仲見到有「法國號教會 」o添呀！
我哋就係喺呢間「度小月」度食晚飯喇。佢係台南一間名店嚟 o架！
睇唔睇到呀，個電視播緊蔡瀾介紹佢哋嘅節目呀！
門口個阿姐整緊啲乜呢？
咪就係佢哋嘅招牌菜「蒸肉圓」囉！
呢碗應該係担仔麵。
裡面嘅環境，都幾舒服，幾有格調。
肉燥飯、担仔麵同龍鬚菜。
再嚟多樣燒虱目魚同酥炸蚵仔。
當然唔少得招牌菜「蒸蝦仁肉圓」啦！總括嚟講，啲嘢食同環境都唔錯 o架！
食完晚飯，沿住永康街同附近嘅「師大夜市」周圍行吓、睇吓嘢，等啲嘢食消化得七七八八，咁就可以繼續挑戰落去。
個店名幾攪笑！
買咗個九層塔加蛋嘅抓餅，啲九層塔嘅香味好濃。
你哋見到 "割包" 會諗起咩哩？我就諗起都唔會幫襯囉！
行完一輪，都覺得有少少肚餓，我哋就搵咗一間兩舖合一嘅食店醫肚。一邊係食湯麵抄手，另一邊係食甜品。
呢兩碗係麻辣豬紅湯麵同肉丸湯 (好似係啩，太耐唔記得咗喇 ) 。
呢三碗當然衝係甜品啦，有花生豆腐花、燒鮮草豆腐花同黑糖薑汁豆腐花。
第一日嘅行程就到此為止，第二日繼續。
沒有留言:
發佈留言