2017年3月22日星期三

入爐玻璃煲

        老友屋企真係好掂,次次都可以儲夠超市印花換嘢,對我嚟講,儲個印花都拍得住增肥咁艱難,依家仲連米都唔係超市買,真係幾乎無可能會有印花。
 
        老友今次仲犀利,印花多到換完個超大 mixing bowl 同量杯後,都仲有好多剩,問我有冇嘢想換,既然係咁,我都唔客氣喇,就換個玻璃煲啦!
 

2017年3月14日星期二

2017年3月9日星期四

酵母素調味

        一直以嚟都有人話蠔係屬於素食,所以會用蠔豉去煮齋,但我就將蠔視之為一般海產,所以我唔會用嚟煮齋,即係煮素菜時連蠔油都唔會用。
 
        市面上大部份素蠔油唔單只味道唔似蠔油,我自己就覺得根本本身個味道都唔多好,所以我一直都無用呢樣調味料。有一日,突然間想嘗試用酵母素 (marmite) 去代替蠔油煮齋,前兩日終於試咗,效果唔錯,雖然同樣完全無蠔油味道,但覺得好味過用素蠔油哦!