2010年11月30日星期二

鮮橙煎軟雞

        西檸煎軟雞都已經整過兩次喇,今晚就攪攪新意思,用橙代替檸檬,做出呢款鮮橙煎軟雞。



材料:
急凍雞扒
粟粉
雞蛋


醃料:


雞粉
生抽
玫瑰露


芡汁料:

橙皮果醬
白醋


吉士粉


- 雞扒解凍後洗乾淨,用抹手紙索乾水,之後用醃料醃好。


- 雞蛋拂打成蛋液,將醃好嘅雞扒蘸上蛋液,再撲上粟粉。


- 燒熱油,先將雞皮果一面煎至金黃香脆,之後翻轉將另一面煎熟,盛起。


- 橙刨皮後,榨出橙汁,連同橙皮茸、橙皮果醬、白醋、糖同鹽一切煮滾。


- 吉士粉用小量水調勻後,倒入煮滾汁料內埋薄芡。


- 將芡汁淋上已切件雞扒即成。



用橙汁埋芡無用檸檬汁咁酸,但就多咗一份橙皮果醬嘅甘味。


 



煎雞扒係我唯一會連埋雞皮一齊整,因為雞皮煎到香脆之餘,
皮下脂肪亦被煎到溶哂,所以食落唔會覺得肥膩。




Notes
- 橙皮果醬可依個人口味而用。


- 雞扒最好用醃料醃一個鐘以上,令雞肉更入味。


- 煮芡汁時,可預先留起小量橙汁代替水去開吉士粉。



        你哋亦都可以喺
Facebook Fans Page 度搵我 o架,我間小店叫做 La Cucina di Kestrel 呀,快啲 click 入去做我個 fans 啦!


2010年11月29日星期一

布朗尼 Brownie

        好耐無整布朗尼喇,對上一次已經係年幾前嘅事。上一次布朗尼 texture 比較實淨、鬆化,今次就用咗另一個食譜,特別之處係烤盤內加水焗,所以成品完全係另一種口感,相對比較濕潤之餘,仲有種入口即溶嘅感覺,真係好特別!

        大家有興趣試試呢個食譜嗎?



2010年11月27日星期六

麻婆豆腐

一個無人不識經典四川菜,亦係一個家常餸菜 麻婆豆腐,好辣嘅你相信對呢個餸菜一定唔會陌生。至於我呢,當然都好鍾意食啦,以前媽咪煮嚫呢個餸時,我幾乎淨係食呢一味餸都已經夠食哂一碗飯喇!


    其實我自己間中都會整麻婆豆腐,不過都係好求其,總之有豆腐、肉碎同辣醬就算數。今晚用料就講究少少,不過肯定都唔係正宗做法囉!





材料:
腍豆腐
免治豬肉
乾蔥頭
蒜蓉
蔥花


醃料:


紹酒
生抽
粟粉


調味料:
花椒粉
紹酒
豆瓣醬
辣油
生抽
麻油


- 豬肉用醃料醃好;豆腐切粒、汆水,瀝乾備用;乾蔥頭去衣後切成乾蔥蓉。


- 燒熱油,爆香花椒粉、乾蔥蓉同蒜蓉,加入豬肉兜炒,灒酒,炒至八成熟。


- 加入調味料及適量水拌勻,之後落豆腐,輕手兜炒,最後灑上蔥花及麻油,兜
  勻即成。





今次係第一次加花椒落去煮,果然風味截然不同。


 





辣醬、辣油同花椒落得重手咗,食完個胃有少少
唔舒服 o添!

 

Notes
- 花椒粉可用花椒粒磨碎而成。


- 豆腐汆水後可減少 "化水",而且亦變得較實淨,兜炒時不易爛。


- 若汁太多的話,可用粟粉埋薄芡。



    你哋亦都可以喺
Facebook Fans Page 度搵我 o架,我間小店叫做 La Cucina di Kestrel 呀,快啲 click 入去做我個 fans


2010年11月24日星期三

人試人愛的合桃香蕉蛋糕

        一直都好鍾意食自家製香蕉蛋糕,唔落香油都香味四溢,而且食味同蛋糕質地都好合心意,為食貓呢個食譜真係超正,呢兩個禮拜已經整咗兩次喇!



        因為上星期係伯伯嘅生日,所以做個合桃香蕉蛋糕俾佢做生日蛋糕。因為老人家佢有糖尿病,唔食得太甜,所以將部份黃糖用黑糖代替,因而蛋糕色澤比較深。伯伯好似唔係好 buy 啲鬼佬蛋糕,食咗一細嚿就無再食喇,但伯娘就一味讚好食,食完一嚿又一嚿。唔知點解,整嚫香蕉蛋糕都好似硬係要長方形咁嘅,由於呢次係當做生日蛋糕,所以我就刻意用圓模嚟整,"打破傳統" 呀!


 



老豆早前講過,如果整開香蕉蛋糕的話就整一條俾佢個農場 friend
咁所以應佢要求,另一半麵糊就整送俾佢個 friend 喇!
咁呢次自己就無份 lu!


 



        上次咪同大家分享過,老豆一個跟我素未謀面嘅舊同事去旅行時買咗個陶笛送俾我做手信嘅,佢實在好有我心,所以今個禮拜我又專登整番條合桃香蕉蛋糕送俾佢做回禮,因為呢次係要嚟送禮,所以面頭灑番少少糖霜,望落好睇。我成日都覺得,呢個香蕉蛋糕最啱就係要送俾一啲唔係太清楚對方口味嘅人做拌手禮,相信應該無人會唔鍾意,除非對方根本唔鍾意食西式嘢,又或者係佢唔鍾意食香蕉,咁就真係無得好講啦!所以送香蕉蛋糕俾人應該算係最穩陣 o架喇!剩低果一條蛋糕,今次卒之自己都有份享用喇。


        其實唔單只我鍾意食呢個香蕉蛋糕,曾經食過朋友、學生、甚至同事,都無一不讚,唔係講笑,整呢個蛋糕送俾人,真係可以扮哂專業 o架 !!但實情係,烘焙世界裡面,其實算係最低級,最無難度可言 o架喇,只係果啲對烘焙完全無認識嘅人就會覺得你好掂囉!!! 


        有興趣想試整嘅朋友,請參考番之前香蕉蛋糕食譜,又或者直接 click 番上面為食貓條 link 啦!


2010年11月23日星期二

越南炸春卷

        今晚又再整越南春卷喇,不過今次係整炸春卷,而且材料同上次個鮮春卷都有少少唔同,今次改用咗雞肉同青瓜,食落比較清爽,而炸過嘅米紙亦香口好多。



材料:
越南米紙
雞柳
溫室青瓜
木耳絲
粉絲
金不換
可樂

醃料:


魚露
胡椒粉


調味料:
豉油雞汁
紹酒


- 雞柳洗乾淨,將筋起出,之後切成雞絲,用醃料醃好。


- 粉絲用清水浸軟後洗乾淨;木耳絲用清水浸發後洗淨;


- 青瓜洗乾淨後開邊、去瓤,之後切成幼條;金不換洗淨備用。


- 煲滾水,放木耳絲入內汆水,之後盛起瀝乾水份。


- 燒熱油,放雞柳入鑊炒至半熟,灒酒,加入木耳絲及粉絲兜炒。


- 加入調味料,兜炒至所有材料熟透後就可以盛起,攤凍備用。


- 米紙放入可樂內浸透,拎出後用抹手紙或毛巾索乾多餘水份。


- 米紙上放上一片金不換及適量炒熟餡料,再放入青瓜條。


- 先將米紙底部摺起,跟住左右摺入,之後再向上捲起收口黏緊。


- 燒熱油,將包好嘅春卷逐一炸至金黃即成。



好難得我會炸嘢食,所以無乜經驗,今次有呢個效果都算滿意喇!


 



香脆嘅越南春卷,蘸上魚露汁一齊食,別具風味!


Notes
- 青瓜一定要去瓤,避免水份滲出,令炸脆嘅米紙變腍。


- 用可樂浸米紙,可以令炸後嘅春卷更上色、更脆口。詳情可參考上載到 Youtube
 
開心大發現》片段。


- 魚露汁做法,請 click 越式魚露汁


        你哋亦都可以喺 Facebook Fans Page 度搵我 o架,我間小店叫做 La Cucina di Kestrel 呀,快啲 click 入去做我個 fans


越式魚露汁 Nouc Nam

        唔知大家知唔知有間越南餐廳叫做「碌冧」呢?初時見到個店名覺得好攪笑,完全無乜意思,好似係純粹攞兩個讀音拼湊成餐廳店名,後來發現原來「碌冧」呢個字係有意思 o架!

        「碌冧」係越南文嘅譯音,原文係 nouc nam,即係魚露咁解。如果有去過越南餐廳食嘢的話,一定會試過佢嘅魚露汁,nouc nam 呢個字亦可解作為越式魚露汁,係越南菜中經常會用嚟作蘸汁,特別係食越南春卷時,一定會跟呢個魚露汁。

       早前喺圖書館度借咗本食譜,裡面有教整呢個魚露汁,原來好容易整,而且整出嘅味道同街外所食到嘅味道一模一樣,所以我都想喺度同大家分享呢個蘸汁嘅做法。




2010年11月20日星期六

西式素食

        望出窗外,見到個咁圓嘅月光,就知道今日係舊曆十五。雖然我照舊食齋,但係今日就好唔同,全日兩餐都係西式嘅,印象中今次應該係第一次。




老豆喺農場度拎啲好靚嘅沙律菜返嚟俾我整沙律,雖然我唔知道
呢隻菜叫咩名,但係好好食,好清爽、好清甜。


 



除沙律菜外,其他材料包括:番茄仔、牛油果、溫室青瓜同粟米;
而沙律汁就用咗橄欖油、balsamic vinegar、英式芥末、
蜜糖、黑椒同海鹽。


 



午餐就係呢個清新田園沙律,橙香燕麥包加紅茶一杯。


 



至於晚餐,我就煮法式燴雜菜配扁意粉。當然,今晚呢個 Ratatouille
同上次做法會有啲唔同,因為今日要食齋,所以煮果陣時
就無落到洋蔥、蒜頭同白酒,不過一樣咁好味!


2010年11月18日星期四

急凍橙皮

        唔知大家有冇呢個經驗呢,好多時要用橙皮茸嚟整嘢食時,會專登為咗 "浸" 橙皮而走去買幾個橙;有時食橙時,見到個橙皮好靚,無 "花" 無爛,顏色又靚,但係果一刻又唔需要用到橙皮,就咁掉咗去又覺得好嘥!就係因為咁,所以我開始咗 "儲" 橙皮呢個習慣,到有需要用時就唔駛無端端走去買幾個橙。


2010年11月15日星期一

橙香燕麥包 Orange Oat Bread

        喺屋企閉關兩日,完全無落過街,唔駛出街嘅日子,我一定唔會剃鬚,因為我皮膚唔好,所以要俾佢多啲休息。點知今日 Winnie 要拎嘢過嚟俾我,於是就俾佢見到我個鬍鬚 "lut 突" 嘅頹廢 look!


        講番正題先,正如我之前所講,呢兩日無出過街,無買到嘢整 lunch,又唔想餐餐都煮麵食,晏晝煮飯食就更加少之又少,所以就整個歐陸包,加杯咖啡,咁就攪掂餐晏喇!




2010年11月14日星期日

三色林明頓 Lamington Trio

        she.com she taste 嚟緊會有一個聖誕專輯,希望 she taste bloggers 以「黑色聖誕 Black X'mas」為主題創作食譜。原本我都覺得呢次真係考起,好難想像黑色聖誕係點樣,而且我一向又唔多重視西方節日,完全無 idea。


        後來吓,試吓從顏色方面入手,於是我就諗到黑色、紅色同綠色。咁有乜食物係會有齊以上三種顏色,而且又做到應節呢?最後我突然間諗到整 lamington,因為簡單易做之餘,又容許我將蛋糕染上不同顏色,perfect!!




海綿蛋糕
料:
雞蛋              4
糖                  100 克
低筋麵粉      100 克
橄欖油          20

- 先將麵粉過篩 3 次。


- 雞蛋同糖拌勻後,座於 43°C 溫水上,用電動打蛋器打至發白及企身。


- 麵粉篩入蛋糊內,輕手用切拌方式將麵粉均勻拌入蛋糊內。


- 將少量麵糊與油混合好,再倒番入麵糊內拌勻。


- 麵糊倒入 7 吋方形蛋糕模內,之後放入已預熱至 180 °C 焗爐內焗約 20 分鐘
  至熟。


- 出爐後立即倒扣於放涼架上,攤凍後將蛋糕脫模。



朱古力糖漿
材料:
朱古力


朱古力與水嘅比例為 2:1。


- 先將朱古力放入微波爐 "叮" 溶。


- 加入水,攪拌至完全混合即成。



士多啤梨糖漿

材料:
士多啤梨

士多啤梨與糖嘅比例:每100士多啤梨就加入30克糖。


- 士多啤梨洗乾淨後切去蒂及葉。


- 將士多啤梨同糖放入攪拌機內打成果蓉。


- 放入微波爐 "叮"至半透明,攤凍備用。



薄荷朱古力糖漿

材料:
白朱古力
薄荷酒

白朱古力與薄荷酒嘅比例為 2:1。


- 先將朱古力放入微波爐 "叮" 溶。


- 加入薄荷酒,攪拌至完全混合即成。



組合
- 蛋糕平均切成十六件,並將焗到金黃嘅表皮切去。


- 將蛋糕件每面均蘸上糖漿,然後放入裝有椰絲碟內。


- 將蛋糕每一面都黐滿椰絲即可。



有聖誕花嘅紅色;聖誕樹嘅綠色;當然仲有以黑色聖誕為主題嘅啡色啦!
加埋白色嘅椰絲,似唔似聖誕雪花呢?夠哂切題喇啩!


 



三隻味道跟顏色都完全唔同,各自各精彩!

Notes
- 無微波爐的話,朱古力可用熱水座溶;而士多啤梨就可以直接上火煮至半透明。


- 朱古力糖漿可用奶或淡忌廉代替水混合。


- 將蛋糕蘸糖漿時切忌浸太耐,否則蛋糕會因吸收太多糖漿而變得過腍。



        你哋亦都可以喺
Facebook Fans Page 度搵我 o架,我間小店叫做 La Cucina di Kestrel 呀,快啲 click 入去做我個 fans


2010年11月10日星期三

北芪黨參姬松茸螺頭湯

        正式步入冬天喇,雖然呢個禮拜見番陽光,氣溫暖番啲,但比起之前真係涼咗好多。


        天氣一轉涼,我就會煲番啲滋陰、溫補嘅湯水,等我同老豆都做好準備迎接寒冬。



材料:
姬松茸
北芪
黨參
淮山
茨實
杞子
蜜棗
螺頭
瘦肉


- 北芪、黨參、淮山同茨實用熱水浸一個鐘,之後洗乾淨。


- 姬松茸同杞子用凍水浸軟後洗淨,蜜棗略沖水洗淨。


- 螺頭切去吸管及清除腸臟後洗淨;瘦肉洗乾淨備用。


- 煲滾水,加入薑片,之後分別將螺頭同瘦肉汆水,之後沖凍水,螺頭切片。


- 所有材料凍水落煲,煲好之後加鹽調味即可。


Notes
-藥材需用熱水浸一個鐘,方便化學物質溶於水內。


-螺頭表面黑色物質可用牙刷刷乾淨。


-瘦肉可用豬腱或雞肉代替。



       
你哋亦都可以喺 Facebook Fans Page 度搵我 o架,我間小店叫做 La Cucina di Kestrel 呀,快啲 click 入去做我個 fans


《母親》

        Youtube 度聽到一首歌,只係聽頭幾句歌詞,我已經忍唔住 ……… !每一句歌詞都好到肉,就好似喺度講緊我同媽咪相處時嘅生活片段,相信呢個亦都會係作者自己嘅心聲。


        媽咪,究竟我哋幾時可以再見呀! 



《母親》              作曲:戚建波    作詞:車行


你入學的新書包  有人給你拿
你雨中的花折傘  有人給你打
你愛吃的三鮮餡  有人給你包
你委屈的淚花      有人給你擦


啊  這個人就是娘
啊  這個人就是媽
這個人給了我生命
給我一個家


啊  不管你去多遠
無論你在幹啥
到什麼時候也離不開
咱的媽


你身在他鄉住  有人在牽掛
你回到家裡面  有人沏熱茶
你躺在病床上  有人掉眼淚
你露出笑容時  有人樂開花


啊  這個人就是娘
啊  這個人就是媽
這個人給了我生命
給我一個家


啊  不管你多富有
無論你官多大
到什麼時候也不能忘
咱的媽


2010年11月9日星期二

味噌關東煮

    上次提到,日本料理餐廳「鳥羽名古屋料理嘅味噌關東煮係大廚嘅首本之作,當日無點到呢個菜,有少少可惜,不過今晚我就試吓自己整。


    原本諗住上 tvb.com 度睇番《大廚出馬》,跟大廚教嘅步驟去整呢個關東煮,點鬼知個 myTV 唔知發咩神經,突然間好多舊片都睇唔到,我咁講,當然係包括埋鳥羽」呢集啦,真係嬲死人呀 咁無辦法啦,唯有靠自己摸索一下囉!



材料:
白蘿蔔
雞扒
雞蛋
蒟蒻芋絲


醃料:


胡椒粉
蛋白
粟粉


味噌汁料:
赤味噌
一番汁
味醂
清酒


- 雞扒洗乾淨,去皮後切成小件,放入攪拌機內打成肉醬,加入醃料醃好。


- 雞蛋烚熟後剝殼,待用;芋絲略沖水;蘿蔔刨皮後切件。


- 煲滾一番汁,用手將雞肉醬唧成肉丸,放入湯內烚至定形後盛起。


- 將味噌過篩到湯內,拌勻後加入其餘材料,再加埋味醂同清酒,轉慢火繼續煮。


- 將雞肉丸放回煲內一齊煮,當所有材料煮至入味時即可盛起。


其實本來無諗住整呢個菜 o架,不過噚日老豆喺農場度拎咗好多蘿蔔返嚟,
咁梗係最好趁新鮮煮嚟食啦!放最高果條似唔似人參呀!


 



人生中第一次整自家製雞肉丸,可能落得粟粉唔夠,
所以比較難固定靚靚球形。


 



雞肉丸煮咁耐都仲好嫩滑,蘿蔔非常清甜,連乜味都無嘅芋絲
都煮到入哂味呀!第
一次實驗都已經咁好味,咁「鳥羽」
嘅關東煮咪好食到飛起!?有機會一定要試吓至得!


 



個味噌汁超好味呢,濃縮哂雞肉嘅鮮甜同蘿蔔嘅清甜味道。
嘅汁我已經留番起,下次加番少少水就可以
嚟做湯底煮烏冬,一流呀!!



Notes
- 今次整一番汁時,偷懶無用到木魚花,改為用木魚湯包,咁就唔駛隔渣咁麻
  煩。

- 唔想整一番汁的話,可以用清雞湯代替,但因清雞湯比較鹹,所以要留意味噌
  用量。


- 記得節目內大廚所用嘅係原件蒟蒻,並唔係芋絲。


- 味噌可事先用少量水開勻,之後直接倒入湯汁內。


- 節目中大廚係依日本傳統方式用山薯磨蓉代替粟粉整肉丸。



    你哋亦都可以喺
Facebook Fans Page 度搵我 o架,我間小店叫做 La Cucina di Kestrel 呀,快啲 click 入去做我個 fans