2015年2月26日星期四

一蛋兩用

        噚日打咗隻蛋做蛋液嚟煎年糕,由於年糕係迷你 size,只係蘸咗好少蛋液,所以幾乎全隻蛋都喺番度,今日就用埋佢嚟整雜莓 muffin,無浪費。
 
 

2015年2月25日星期三

煎紅豆糕

        今年親朋好友都送我年糕及蘿蔔糕,既然都有得食喇,我當然懶得就懶啦,唔自己整喇!不過我都整咗個紅豆糕,貪佢易做又好食嘛!
 
 

2015年2月24日星期二

香料紅酒山合桃麵包

        仲記得早前小弟買到平啤梨整法式紅酒燴梨嗎?食哂啲梨之後仲咗好多紅酒,留起咗佢放雪櫃,今日就用咗嚟整麵包。
 
 

2015年2月23日星期一

羊年第一攪作

        好耐之前,Winnie 買咗 pack 煲湯袋返屋企,但佢媽咪見到個質地就話同用開嗰隻唔同,一直都無用到,後來 Winnie 就俾咗我,但我都一樣一直無用到,因為睇真啲個質地真係好 ,好驚煲完湯之後成個袋消失咗!! XD
 
        呢幾日放假喺屋企無所事事,於是又玩吓豆漿乳酪,唏,呢次個煲湯袋大派用場喇!
 
 

2015年2月19日星期四

羊年快樂!

羊年大年初一,祝各位 blog
新年快樂,
身體健康,
事事如意!
 
 

2015年2月11日星期三

買到平啤梨

        早兩個禮拜見到超市啲長啤梨減價,買到好平。
 
 

開花哦!!

        棵迷迭香生命力真係好強,淨係用水養住勁生根都不特只,依家仲開埋花㖭,用泥種嗰兩棵都無開花哦! 
 
 

2015年2月5日星期四

病魔‧折磨

        我成日都講,我真係一啲都唔怕死,對於所有有信仰嘅人嚟講,死亡只係人生嘅結束,脫離娑婆世間的種種痛苦,同時亦係另一 旅程嘅新開始,有乜好驚呢,但係我自己就好怕老、好怕病,睇到當年嘅表舅父;見到幾年前嘅媽咪;如今見到學生的婆婆,好清楚明白到病魔有幾大威力!!
 
        記得半年多前同大家提起學生 Ryan 婆婆得到重病,已知道無得好轉,只係純粹等時間,所以我整開一啲啱婆婆口味嘅菜式同糕餅時,都會送一份給她,為她打打氣,當時 blog 友們仲話我呢個老師夠哂細心,畢竟每個禮拜都會見到學生及其家人,比起自己家人見面仲要多,所以必會培養出一份感情。前幾日 Facebook 度就睇到 Ryan 嘅一大段文字,終於帶來了這個噩耗!!
 
        噚日 Ryan 媽咪打電話俾我,交代今日上課時間之餘,亦有提及到婆婆嘅事,雖然佢無正面好清楚咁講出,但從佢說話內容,字裡行間,我 feel ……… 婆婆應該係自己選擇放棄,想得到解脫之餘,亦唔想成為家人嘅負擔,所以全家人都痛上加痛,無法接受事實。聽到之後真係覺得好唏噓,病魔不但折磨當事人,仲折騰其家人!!!!可幸嘅係,今日見到 Ryan 媽咪心情比我想像中要好,佢清楚知道一家人始終都要收拾心情,要學識放低傷痛,盡快維持正常生活,唯獨係最擔心 Ryan 公公仲未接受到老伴嘅離去,全家人一直輪流輪班咁陪住佢。
 
        無論點都好,Ryan 婆婆作出嘅決定必定有佢自己嘅原因,畢竟每個人做任何動作、作任何決定都必定係依據自己觀點及感受,自己先至最清楚自己想要啲乜,其他人都應該予以尊重、支持同諒解。
 
        希望婆婆安息,得到真正嘅解脫,一路好走,喺另一世界寧靜安詳地生活。