煎紅豆糕

        今年親朋好友都送我年糕及蘿蔔糕，既然都有得食喇，我當然懶得就懶啦，唔自己整喇！不過我都整咗個紅豆糕，貪佢易做又好食嘛！

 

 

 紅豆糕其實蒸好就咁食都得，不過煎香咗

嚟食又係另一番風味，比較香口。

 

 

 

 

 

 

由細到大，媽咪喺初七人日都會煲粥煎糕，我都唔知點解

會咁做，可能取其意頭豐衣足食啩，所以就算

媽咪唔喺度咁多年我都會照樣咁做。

 

反正都開鑊煎開糕，一次過煎兩餐份量，第二日食時

“叮” 番熱就攪掂，唔使又再煎多次。

 

自從學識咗用雪到結冰嘅米嚟煲粥，真係快手好多，

煲約十分鐘度已經爆哂米花，之後熄火冚蓋

焗一段時間就有好綿嘅靚粥食喇！

紅豆糕做法請參閱《紅豆糕》。