2010年5月31日星期一

全麥胚芽麵包 Wholewheat & Wheat Germ Loaf

        好耐都無自己整包包喇,上次用剩咗放喺冰格嘅酵母要盡快用埋佢喇,如果唔係過咗期就嘥喇,最驚都仲係搓好哂麵糰後先發覺酵母失效,發唔起,咁就真係嘥心機兼嘥材料喇




材料:
高筋麵粉      175 克
全麥麵粉      75 克
小麥胚芽      10 克
即用酵母      4 克
水                  125 毫升
鹽                  2 克
糖                  25 克
固體菜油      15 克


以上材料份量可做 450 克長形吐司一條。


- 除水及固體菜油之外,將其餘所有材料放入不銹鋼兜內混合好。


- 加水搓成光滑麵糰,之後包入固體菜油,繼續搓揉及摔打麵糰。



我自己就用 food processor 搓麵粉,慳番啲力。


 



- 當麵糰拉開時能夠形成薄膜,就可以將麵糰滾圓,封好收口位置。


- 不銹鋼兜內撲上少少粉,放入麵糰,收口向下,冚好保鮮紙作第一次發酵。



- 約 30 - 45 分鐘後,當麵糰發酵到兩倍大時,即代表第一次發酵已經完成。


- 之後用拳頭壓下麵糰 3 - 4 次,將麵糰排氣,並分割成兩個麵糰,滾圓後再次
  上保鮮紙,鬆弛 10 分鐘


- 麵糰再次滾圓,之後放入吐司模內,冚上保鮮紙作最後發酵。


- 當麵糰發酵到吐司模嘅九成滿時,就可以放上烤盤,放入已預熱至 200 °C 嘅焗
  爐內焗約 3
0 - 35 分鐘即成。



嘩,做乜無端端發到爆開咗 o架,激死人!


 



- 出爐後立即脫模,放上架上攤凍。


 



麵包質地好鬆軟呀!


 



搽上花生醬同朱古力醬嘅多士,特別好食!



Notes:
- 固體菜油可用牛油或液體油代替。


- 小麥胚芽可隨個人喜好增減。

- 加水時,最好逐少加入,唔好一次過全部倒哂落去,因為唔同牌子麵粉
同天氣
  濕度都會影響水份用量。


- 麵糰第一次發酵後,可用手指沾上少少粉,然後插入麵糰內,若麵糰無即時收
  縮,即代表發酵完成。



 


- 出爐後要即刻脫模,以防熱空氣遇冷形成水氣,影響麵包質感。


 


        你哋亦都可以喺 Facebook Fans Page 度搵我 o架,我間小店叫做 La Cucina di Kestrel 呀,快啲 click 入去做我個 fans


2010年5月29日星期六

絲瓜雲耳洋蔥炒肉片

        絲瓜係我嘅 "賣飛佛" 之一,鍾意佢夠清甜爽脆,好食到呢 …………


        噚日喺街市見到啲絲瓜好靚,咁我就梗係即買啦!跟住就再買埋洋蔥同豬肉,整番碟媽咪以前成日都會煮嘅絲瓜雲耳洋蔥炒肉片,好味到震呀!絲瓜好食就唔在講啦,加埋洋蔥嘅甜、肉片嘅鮮,正!但雲耳都唔輸蝕,雖然佢係無味嘅食材,但係佢會索哂成碟精華,變得更加好味,炒嘅時候加少少辣椒乾,清甜中帶刺激,諗起都流哂口水啦!




材料:
絲瓜
洋蔥
雲耳
豬肉
辣椒乾


醃料:


生抽
紹酒
粟粉


調味料:


蠔油
紹酒
麻油


- 豬肉洗乾淨、切片,參考【醃肉基本法】用醃料醃好。


- 雲耳先用水浸發,剪去底部、洗乾淨,之後汆水,瀝乾備用;辣椒乾沖洗後切粒。


- 絲瓜刨去粗糙外表,沖洗後用滾刀切件;洋蔥去皮,略沖洗後切片。


- 燒熱油,爆香洋蔥,兜炒一陣,之後將肉片落鑊炒至六成熟,灒酒,盛起。


- 爆香辣椒乾後,加入絲瓜一齊炒,再加入雲耳,灒酒,將洋蔥同肉片回鑊。


- 加適量水及調味料,兜炒均勻後,冚上鑊蓋,用中慢火煮至肉片全熟。


- 最後灑上麻油即可上碟。




近排發覺原來用呢隻 "林肉" 嚟炒好正呀,不單之夠瘦,無脢頭咁肥,
炒完之後都仲係好似佢個名咁 "腍",一啲都唔韌 o架!


 



呢兩條絲瓜真係好靚、好嫩,連「惠康」個收銀姐姐見到都即刻
"搭嗲",話我買呢兩條絲瓜好靚呀!



Notes:
- 揀絲瓜時,最好揀啲顏色比較青綠,唔好揀超深綠色果隻,如果將佢拎上手輕輕一
  搖已經
feel
到好軟身的話,即代表絲瓜肉夠嫩,裡面亦唔會有太多硬核。


- 雲耳一定要汆水,以去除 "" 味。


- 辣椒乾可用油爆紅辣椒代替,或者用薑片都得。


- 如果煮好之後仲有大量水份的話,可以校大火將汁煮乾少少,再用粟粉水埋薄芡。



 


        你哋亦都可以喺 Facebook Fans Page 度搵我 o架,我間小店叫做 La Cucina di Kestrel 呀,快啲 click 入去做我個 fans


2010年5月26日星期三

黑椒韭菜煎魚餅

        之前都無諗住會整呢個餸 o架,因為早前老豆話雪櫃有扎韭菜,叫我煮嚟食,唔知點解,我第一時間就諗到配煎鯪魚餅,再加埋黑椒汁一定會好好味,所以就試吓囉


        呢個黑椒韭菜煎魚餅材料簡單,既易煮,又惹味,真係唔覺唔覺食多碗飯都唔知呀!



材料:
鯪魚肉
韭菜
粟粉


醃料:


胡椒粉
生抽


調味料:

黑椒汁
紹酒
麻油


- 先處理鯪魚肉,醃約半個鐘;韭菜洗乾淨,切段備用。


- 燒熱油鑊,將魚肉煎香,煎到兩面金黃色即可盛起,切件。


- 韭菜落鑊、灒酒,兜炒至五成熟即可盛起。


- 將黑椒汁略爆香,加水煮開。


- 將韭菜同煎香魚肉回鑊,加少少糖調味,兜炒均勻。


- 用少量粟粉水埋芡,最後灑上麻油,兜均即可上碟。




Notes
- 韭菜勿炒得過熟,除失去爽口感覺外,亦會變韌。


- 黑椒汁濃度可依個人口味調校。


- 落調味前最好先試一試味,因為黑椒醬本身都已經有一定鹹味。


- 個人覺得「李錦記」黑椒汁味道比較好。




        你哋亦都可以喺 Facebook Fans Page 度搵我 o架,我間小店叫做 La Cucina di Kestrel 呀,快啲 click 入去做我個 fans


與明仔、Gordon晚餐@韓屋

        屯門公園影完相之後,我哋就喺屯門市廣場行咗一陣,food court 坐低傾咗一陣偈,之後就去咗「韓屋」度食 dinner。



之前同老豆、Lily 都已經嚟過一次,食都 OK 好食。


 



仍舊鍾意呢套有顏色花圖案嘅韓式不銹鋼餐具。


 



因為我同明仔係叫套餐,所以先上配菜,係白菜仔一 "大" 碟。


 



呢個係 Gordon 嘅烤豚肉飯,我試食啲豬肉,味道都唔錯。


 



明仔嘅烤牛肉飯,呢個我唔試,盛惠喇!


 



我叫咗個泡菜炒飯,賣相好得喎!味道都幾好,泡菜又唔會太辣。
不過都係好似一般炒飯咁,比較油,所以返屋企後即刻 ………


 



個飯係心形嚟 o架,加埋上面果兩片青瓜,其實
哋可能係想 present 一個蘋果!


 




我同明仔個套餐係包一杯飲品,其實我哋兩個果杯都係紅棗蜂蜜綠茶,
不過佢要凍,我就梗係要熱啦!


 


重溫一年前嘅「韓屋」出品,請 click:韓屋@屯門市廣場


屯門公園取景

        今日繼續同大家分享星期一果日嘅節目。


        飲完茶,食飽飽之後,我、Gordon 同埋明仔就去影相,原本明仔諗住去黃金海岸影相嘅,不過因為已經太晏,怕去到都已經太陽落山,影唔到靚相,所以後尾哋就揀咗去屯門公園取景。



入到公園,第一個吸引到我嘅景。


 



因為果日天氣都算熱,所以第一時間入咗公園裡面間爬蟲館 "過冷河"。


 



兩隻蜥蜴都帶咗黑白頸巾 o架!


 



真實見到呢隻蜥蜴嘅顏色好鮮豔、好靚呀!


 



哋睇唔睇到呢條石頭蛇個頭喺邊呢?


 



 

龜龜家族。




我覺得好核突嘅蛇頸龜。


 



游緊水嘅海龜。


 



都係一隻顏色勁靚嘅蜥蜴。


 



呢個 video 係明仔拍 o架!


 



白蛇個好姊妹 — 青蛇。


 



Gordon 覺得呢個騎術雕塑好靚。


 




呢個瀑布我勁鍾意,每次嚟到屯門公園,如果又有開到流水的話,
我一定會走過去睇睇,至身其中,瀑布響聲好澎湃、好震撼!


 




小橋下仍然見到瀑布,瀑布流水到人工湖內。


 


 



人工湖嘅另一面。


 



另一個涼亭同小橋。


 



喺公園後面公屋居民真係勁正!如果係私人樓,望住呢個景,
你話要幾錢先可以買到呢個靚景單位呢?


 



我同明仔都捕捉咗好耐先影到呢對 "小情侶",佢哋好天真、好可愛!


 



影完相,離開公園,就入咗去公園對面嘅屯門時代廣場,
喺「貢茶」度買嘢飲,一人一杯,cheers!!
哋估唔估到邊隻手打邊隻手呢?


 


P.S.  有睇開我個 blog blog 友,有無發覺最近我影啲相質素好咗好多呢?因為我個相機壞咗,Winnie 知道之後就俾咗佢部舊機俾我,可能因為解像度稍高,所以相片質素都好好多,所以都要多謝 Winnie,咁我就可以慳番一筆


2010年5月25日星期二

好友茶聚@新星海鮮酒家

        去完 Li Kien 屋企,我哋一齊去咗碼頭海趣坊間「新星海鮮酒家」飲下午茶,明仔都入埋嚟屯門 join 我哋 o添!



蒸叉燒腸粉


 



上海炒年糕


 



鮮蝦腐皮卷


 



蝦餃


 



呢個唔知咩餃,因為唔係我負責剔點心,所以唔知叫咩名,
不過都唔錯呀!有蝦肉、四季豆等材料。


 



小籠包


 



燒賣


 



酒家招牌流沙包,真係好正 o架!因為其實流沙包喺佢哋首創 o架!


 



脆皮燒腩,皮脆肉瘦,正!


 



芋角 & "菠蘿皮煎糯米" ( 其實又係唔知叫咩名 )


 



明仔點嘅椰皇西米布甸


 



蛋白燉鮮奶


 



食完嘢,BB 都起咗身喇!


 



BB 呢張相幾 "老積 "!


 



大人食完嘢,到 BB 食奶奶喇!


 


        「新星」啲點心幾好食,有一定保證,而且價錢又唔貴,6 個人,每人都只係 $40 ,明仔話未試過飲茶咁平喎!