噚日約咗牙醫洗牙，無記錯的話，應該今次先至係我第二次去洗牙咋！對上果次應該係十幾年前喇，果時都係媽咪叫我同埋佢一齊去洗牙先會去洗。
我諗個牙醫都係第一次見到啲咁緊張嘅病人呀！坦白講，雖然我係一個比較緊張嘅人，但係都不至於醫生所講，我緊張度成個人 "抆" 緊哂，佢仲話：「先生，你如果唔放鬆，我好難同你洗牙 o架噃！！我都知你會覺得啲牙好痺，但係我已經開到最細 o架喇，你忍吓啦，放鬆啲個人。」
但係我其實好想話俾醫生聽，唔係痺咁簡單，係痛到黐線囉！！不過洗緊牙講唔到嘢咋！
離開診所之後，我發覺我條頸有少少緊緊哋，於是輕輕力一扭，哇，個頸骨關節勁響囉！咁我就知道之前我啲肌肉真係扯到好犀利呀！！我由細到大都唔係好識得 "放鬆"，全身所有肌肉都好易收緊，所以我成日都唔係呢度痛就果度痛，咁呢次洗牙咁鬼死痛，咁啲肌肉就更加本能反應咁收到好緊啦！醫生，我都唔想 o架，我控制唔到呀 ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~！！！！
嘩.....你十幾年先洗一次牙？冇牙周病巳經偷笑架喇！ 其實洗牙边樹痛吖...連少爺仔都一年洗兩次喇！ 我哋全家都冇人話痛架！你流咁多血可能係有牙錫呀！你真係要好好保護啲牙至得喇！我好緊張兩個細路啲牙架....因為買小見小...甩咗就冇架喇！我仲教佢哋每日用牙線嚟清港添呀！
回覆刪除[版主回覆05/06/2010 22:50:00] 其實可能就係已經係牙周病 嘅 早期，所以咪痛 啩！ 我都有試過用牙線，但真係好煩，要好有時間、心機同耐性呀！
其實洗牙都唔係好痛啫...可能因為你好少洗牙, 你keep住每年洗一次, 你就會習慣架喇~
回覆刪除[版主回覆05/06/2010 22:51:00] 係啦！醫生都係咁講，希望下次唔好咁痛啦！真係想死呀！
你條友超級唔係路啦 ,一年要洗一次 ,你十幾年先一次 ,你冇野呀 .....
回覆刪除你去私家牙醫定公立家 ,私家完全唔痛家, 好好呢......
[版主回覆05/06/2010 22:56:00] 妳無留意衛生處近日成日推行 "愛牙運動" 咩？咪就係要 嚟 教育我呢類人囉！！ 我係去私家 o架，洗一次都成 $300，真係越窮越見鬼！
聽o左幾年 你終於都去洗牙 每年洗一次你就會慣 只會痺痹地 慢慢習慣啦
回覆刪除[版主回覆05/06/2010 22:59:00] 哈哈，最了解我都係妳喇！ 就係成日聽到人話去見牙醫好恐怖，又知道自己係個緊張大師，咪所以拖 吓拖 吓，遲遲都唔行動囉！點知一行動，真係滋味囉！！ 最慘仲係有種貼錢買難受感覺！
我就一至兩年洗一次, 我個醫生手勢幾好, 唔多覺痛, 少少梗有, 試下轉醫生啦. 有d醫生係特別痛
回覆刪除[版主回覆05/07/2010 23:47:00] 嗯，咁即係未必完全係因為我自己 嘅問題喎！
我每年都會洗牙一次, 又唔覺痛喎.
回覆刪除[版主回覆05/07/2010 23:50:00] 可能因為妳乖，定期洗牙，所以咪無痛囉！又或者好似 A moon 咁講，妳個醫生手勢好呢！
：「 先生 ，你如果唔放鬆，我好難同你洗牙 o 架噃！！
回覆刪除乜你唔係女仔咩 ?
[版主回覆05/09/2010 17:38:00] 吓，做乜無啦啦問個咁 嘅問題！？
頭兩隻字消失左:
回覆刪除：「 先生 ，你如果唔放鬆，我好難同你洗牙 o架 噃！！
乜你係男仔咩 ?
[版主回覆01/03/2012 22:10:48]當然有啦，佢係我精神支柱及寄托呀！……妳梗係五行欠打定喇！
[Haidee回覆01/03/2012 18:02:38]乜你仲有update個卜, 我已經放棄左好耐lu. 你個feel係似女人, 哈哈~
[版主回覆01/03/2012 16:49:36]作死囉，我喺個 blog 度成日都要變做女人，哈哈！！
[Ghosy Lei回覆12/30/2011 21:26:57]我一直都以為你係女仔黎架....=.="
先生~~~^^
[版主回覆05/12/2010 18:57:00] 我不 嬲都有 post 相出 嚟 "見人" o架喎，況且妳睇我個 blog 個 banner，我媽咪抱住果個細路似女仔咩？