晏晝明仔出到嚟銅鑼灣，見佢心情都唔係太差，都好番好多喇，不過係間唔中又 "病發" 囉，係都要去 "撩" 吓個 "傷口" 嘅！希望佢可以盡快忙記一切唔開心嘅嘢啦！陪佢行咗一陣，買咗啲嘢，之後就去咗「泰式食」度食 lunch。
環境都唔錯，坐低靜靜哋傾吓偈都幾舒服。
有兩款餐湯任舀，我就當然揀冬蔭功啦，我好辣嘛！明仔就揀咗雞湯。
同樣任舀嘅沙律，不過味道就麻麻喇。記住，係出自我口嘅 "麻麻" 呀！！
我嘅紅咖喱雞扒飯，味道唔錯，雞扒唔太肥，汁又夠濃，
仲有茄子同金不換，好味！
明仔 order 嘅黃咖喱雞飯，睇落都好似好正咁喎！
最後上嘅咖啡，滿足！
間中發病, 不過都好得7788家啦 ,要不停拍醒佢 , 唔好再俾佢沉迷落去 , 冇意思啦.....
回覆刪除人要向前望 ,過左既野就由佢啦 ......呢餐你應該叫十級辣野佢食嘛 , 辣到佢連痛都唔覺就0岩啦......
[版主回覆05/12/2010 18:54:00] " 呢餐你應該叫十級辣野佢食嘛 , 辣到佢連痛都唔覺就0岩啦 " 我怕俾人告我謀殺呀，佢連冬蔭功都嫌辣呀！！ 不過佢都應該好快無事喇，facebook 度都掛住食 buffet 囉！