2011年12月26日星期一

迷迭香紅莓乾意式果仁脆餅 Rosemary & Cranberry Biscotti

        之前整嘅 cupcake 都有送俾 Aaron Bill,咁送得俾佢哋倆個,無理由唔送嘢俾 Miss Cheng !既然佢一向都鍾意飲咖啡,咁就整啲 biscotti 送俾佢啦!

        原本諗住用番上次整過嗰個食譜就算,但係突然間又好想 search 吓有冇其他方法,後尾睇到有唔少食譜都係用菜油而唔用牛油,對我嚟講已經係一個天大喜訊,點知搵搵吓,發現原來最傳統、最正宗嘅 biscotti 係完全唔用任何油脂!嘩嘩嘩,唔得掂喇,簡直開心到飛起啦!!!

        我唔係怕食油怕到呢個地步,而係喺呢個咁凍嘅天氣之下,真係唔係好想成日濕水洗嘢囉!清洗植物性油脂都好啲喇,掂過牛油嘅用具,都真係唔用熱水洗都唔掂,最弊係洗完熱水之後,我對手真係變到
血肉模糊囉!!


節日 cupcake

        我一向對聖誕節呢個節日都無乜太大感覺,從來都唔會 瘋狂慶祝,最多都係以前同家人一齊去睇燈飾,自從皈依咗之後就更加無感覺,就當係平日一樣。

        不過,呢個始終係一個普羅大眾嘅節日,尤其係小朋友,就更加鍾意呢個節日,所以我都特別整咗一啲小 cupcake 送俾我啲小朋友學生,氹吓佢哋開心啦!




三無健康鬆餅 Triple "NO" Healthy Muffin

    最近同 Winnie 一齊夾份買咗幾款乾果,包括杏甫、紅莓乾同提子乾,講講吓,佢突然問我有冇興趣整 Motonako. A health muffin,於是我就同佢講,我之所以搵佢夾份買咁多乾果,咪就係想整呢個 muffin 囉!!我噚日整定糖漬橙皮都係為咗今日整呢個 muffin 咋! 


 


    Motonako. A health muffin 主打無蛋黃、無糖同埋無牛油,但我呢個就更加健康,連蛋白同菜油都冇落,莫非我要同佢鬥過!?非乜,皆因今日係初一嘛,所以咪連蛋白都唔用囉!





材料:


自發粉  200
全麥粉
  40
梳打粉  1 茶匙

肉桂粉  1 茶匙
  1 茶匙
橙皮茸  2 個橙份量
香蕉          1
鮮榨橙汁    250 毫升 ( 連果肉 )
鮮橙乳酪     100
原片燕麥
     100
乾果、果仁  135


 


- 所有粉類過篩 3 次,加鹽及橙皮茸混合均勻;香蕉用叉壓成香蕉蓉。



-
香蕉蓉、橙汁及乳酪拌勻,之後拌入燕麥片。



-
將燕麥混合物一次過倒入粉料內,用膠刮略拌。



-
加埋乾果及果仁,拌勻後將麵糊倒入紙杯內約 8 分滿。



-
喺麵糊表面灑上少量肉桂粉,放入已預熱至 180 °C 嘅焗爐內焗約 25 分鐘。即成


 


以上材料份量可做大 size 鬆餅 8 個。


 






雖然個 muffin 既無糖又無油,但食落不單只夠甜,
仲唔會嚡口
o添喎,成功!







一杯西茶,一個鬆餅,簡簡單單已經好滿足!





今日用咗上次 Ernest 媽咪送俾我嗰盒聖誕紅茶嚟沖茶,
香氣四溢,久久不散,超正!






有咁健康嘅 muffin 同咁香濃嘅西茶,梗要同媽咪一齊分享啦!


Notes


- 如果無自發粉的話,可以等量低筋麵粉加 2 茶匙泡打粉代替。



-
原片燕麥即 rolled oat,並非快熟麥片 oat meal



-
果仁需預先放入焗爐,用140 °C 15 分鐘至香味出。


 


你哋亦都可以喺 Facebook Fans Page 度搵我 o架,我間小店叫做 La Cucina di Kestrel 呀,快啲 click 入去做我個 fans 啦!


2011年12月25日星期日

糖漬橙皮 (簡易版)

        呢個禮拜又試忙到嘔,完全無時間寫 blog 同睇 blog ,要快手啲追番哂至得喇!
 
        冰格雪咗好多橙皮喺度,趁噚日 dayoff 得閒喺屋企,就用咗佢嚟整糖漬橙皮啦,咁就可以隨時拎嚟整嘢食。

2011年12月19日星期一

暖笠笠晚餐

    呢排係咪成日見我整布甸呢?梗係啦,天氣咁凍,食熱辣辣嘅布甸真係既 sweet warm 呀!今晚又整布甸喇,不過唔係西式布甸,係中式,仲要係鹹嘅 o添!鹹布甸!?想知係咩,睇相咪知囉!




之唔係我嘅至愛,番薯糖水同蒸蘿蔔糕囉!





蘿蔔糕熱辣辣,越食越滋味!




今晚玩嘢,煲咗三色番薯糖水。冬天煲番薯糖水,
最緊要多薑,咁就真正甜在心、暖在心呀!







    食譜請睇番之前嘅《蒸蘿蔔糕》啦!


西梅朱古力麵包 Prune Chocolate Bread


    趁本《古風歐陸麵包》仲未還番去圖書館,再跟食譜整多款麵包,今次就參考咗黑朱古力酸櫻桃麵包嘅做法,做咗呢個西梅朱古力麵包。



 


材料:


高筋麵粉          175
裸麥粉
       30
朱古力粉
      15
橄欖油
          10
即用酵母
      3
           7
       150 毫升
黑朱古力粒   35
西梅
  35

-
將所有粉類、酵母、鹽及水放入食物處理器內攪拌成麵糰,後加入橄欖油搓勻。



-
拎出麵糰,放上已灑粉嘅枱上,繼續搓揉及摔打成光滑麵糰。



-
將已剪細嘅西梅同朱古力粒包入,之後將麵糰滾圓。



-
放入已灑粉嘅兜內,用保鮮紙包好,發酵 1 個鐘。



-
將麵糰排氣後再次滾圓,靜置鬆弛 15 分鐘。



-
再次排氣並平均分割成 4 份,滾圓後放上已鋪入爐防黏蓆嘅烤盤上。



-
冚好保鮮紙發酵 90 分鐘;焗爐預熱至 220 °C



-
發酵完成後,麵糰輕輕撲上麵粉,再用利刀割上十字紋。



-
焗爐預熱後將爐溫降至200 °C,放入麵糰焗 30 分鐘。



-
當焗至 15 分鐘時,噴入蒸氣,繼續焗至完成。


 

以上材料份量可做直徑 7 厘米麵包 4 個。




唔知點解,麵包裂口永遠都焗唔到好似食譜咁靚呢!






麵包有少少西梅嘅酸甜味,仲有半溶嘅朱古力,味道唔錯。不過可能因為
食譜無落到糖,加上我又用咗
70% 嘅黑朱古力,所以個包
有少少苦,再整的話,我諗要加番少少糖喇!




你哋亦都可以喺 Facebook Fans Page 度搵我 o架,我間小店叫做 La Cucina di Kestrel 呀,快啲 click 入去做我個 fans 啦!


2011年12月18日星期日

聖誕禮物


    好耐都無收過聖誕禮物喇,大大話話都應該都有成十幾廿年,真係估唔到噚日會一次過收到 3 份禮物,全部都係學生 Ernest 同佢媽咪送 o架!











首先係一個人頭咁大嘅 panettone,未切開都已經聞到勁香,好吸引!







呢盒係「TWG」嘅聖誕紅茶,包裝非常精緻,同樣未開封
都已經聞到好特別嘅香味。






 

呢隻熊仔茶杯套裝係 Ernest 送俾我 o架,我個姓咁多筆劃、咁難寫,
佢都親手寫嚟送俾我,好感動哦!



喺呢度要再次多謝 Ernest 同佢媽咪送禮物,預祝佢喺日本有個開心聖誕假期!

2011年12月17日星期六

橙香肉桂麵包布甸 Orange & Cinnamon Bread Pudding

    唔知點解,逢嚫係教整白麵包多士嘅食譜都多數係用直接法,用直接法整嘅麵包好快趣就會老化,第二日即刻變得又乾、又硬、又嚡,所以我自己整嘅麵包多士多數都只會食一、兩日,之後就會用嚟整西多士,因為索咗蛋液之後又唔會再乾身。


 


    除咗用嚟整西多士之外,我都鍾意用佢嚟整麵包布甸,貪佢好食之餘又容易整,同西多士一樣,索哂布甸液之後就變得濕潤軟綿,簡直有過之而無不及呢!










材料:


麵包多士  2
肉桂牛油   適量
提子乾     適量
橙酒   1 茶匙
雞蛋   3
    40
    150 毫升

淡忌廉     150 毫升
橙皮茸     1 個橙份量


- 麵包多士先均勻搽上肉桂牛油,之後放入已預熱至 200 °C 嘅焗爐內焗約 10 分鐘至香脆
  金黃。



-
用較剪將多士剪成細粒,再次放入爐用180 °C 焗多5 分鐘,備用。



-
提子乾加入橙酒拌勻;雞蛋加糖拂打,直至糖完全溶解為止。



-
加水及淡忌廉入蛋液內,拌勻成布甸液。



-
將多士粒及提子乾放入焗盤內,之後淋上布甸液,靜置 10 分鐘。



-
灑上橙皮茸後,將焗盤放上烤盤上,烤盤內注入凍水。



-
放入已預熱至 200 °C 嘅焗爐內焗約 35 - 40 分鐘即可。






咪睇見顏色咁深,以為我焗咗呀,其實係我之前整麵包時加入咗
麥芽粉,所以顏色本身已經比較深。





布甸表面焗得香脆,內裡軟綿濕潤,熱辣辣即食,好滿足呀!


Notes


- 用隔夜麵包整布甸會比較好,因為乾硬麵包會更容易吸收布甸液。



-
肉桂牛油做法,可參考杏仁提子肉桂卷嘅肉桂糖餡做法。


-
食譜中嘅水可用牛奶代替。



你哋亦都可以喺 Facebook Fans Page 度搵我 o架,我間小店叫做 La Cucina di Kestrel 呀,快啲 click 入去做我個 fans 啦!

2011年12月13日星期二

栗子素雞燜肉排

    之前試過好次都插入唔到啲相入篇 blog 度,攪到今次呢篇 blog 明明原本可以即晚出,都要今晚重新打過!直到依家,我 save 咗入草稿嗰篇都仲係插唔到相呢,真係想死!!

    講番正題,上個星期三嗰日買咗啲栗子嚟煲湯,煲咗廿分鐘之後,就將部份栗子撈起,留番今晚要嚟燜排骨。咁樣做既可以預先將栗子略為煮熟,唔駛怕燜唔腍之餘,又可以令到啲湯有甜味,真係一舉兩得呢! 








材料:

腩排
栗子
素雞
乾蔥頭
沙薑
八角

醃料:


生抽
老抽
玫瑰露
粟粉



調味料:


冰糖
蠔油
老抽
紹酒




 - 腩排洗乾淨,用醃料醃好;栗子去殼去衣,放滾水內烚約二十分鐘。




- 素雞沖洗後用抹手紙索乾水份,然後切件。



-
乾蔥頭去衣後切半;沙薑刮皮,略沖洗後切片,備用。



-
燒熱油,放素雞落鑊兜炒至表面金黃,盛起。



-
將腩排及乾蔥頭爆香,灒酒,之後加入適量水。

-
水煮滾後,素雞回鑊,並放入其餘材料。

- 再次水滾後就加入調味料,拌勻,轉中慢火燜至乾水即可。



 



早幾日老竇個朋友俾咗啲新鮮沙薑我哋,於是我就加埋落去一齊燜,
再加埋八角獨有嘅香味,真係香上加香呀!








今次所有材料都燜得好入味,尤其係啲素雞,好味道呢
………






Notes
- 加入冰糖可以令到個汁更加 身、更加濃稠。

-
落調味料時勿太重手,因為當汁收乾後就會變得濃味。

-
煮到最後時乾蔥頭會完全溶入汁內,若果上碟時想食到乾蔥頭的話,就要預留部份後下。







   你哋亦都可以喺 Facebook Fans Page 度搵我 o架,我間小店叫做 La Cucina di Kestrel 呀,快啲 click 入去做我個 fans 啦!


2011年12月12日星期一

有冇攪錯呀!!!

    有冇攪錯呀,新版嘅 blog 都一樣有問題,寫好哂 blog、上載好哂所有相,居然唔能夠插入 blog 度,已經唔只一次 o架喇,咁攪法咪積埋積埋好多篇 blog 都出唔到囉!!激死人呀 ~ ~ ~ ~ ~ ~ ~ ~ ~ ~ ~ ~ ~ !!!!

2011年12月11日星期日

冬菇豆乾肉燥飯

    Lily 早前去台灣時,買咗罐「度小月滷肉燥」俾我做手信,擺埋好耐都唔記得咗食,噚晚卒之用咗佢嚟整肉燥飯喇


 





材料:


冬菇
四季豆
五香豆腐乾
罐頭滷肉燥
蒜茸
薑茸


調味料:




紹酒


 


 


- 冬菇先浸發好,然後去蒂;四季豆洗淨後撕去粗根;豆腐洗乾淨,之後全部材料切粒備用。



-
用蒜茸、薑茸起鑊,加入四季豆兜炒。



-
加入冬菇同豆腐乾,之後灒酒,繼續兜炒。



-
炒至材料半熟時就加入滷肉燥及調味料,拌勻所有材料。



-
肉燥煮熱後即可熄火。



-
將材料勺上飯面即可。



 



就係呢罐滷肉燥喇!







自己加入其他材料,增加不同味道及質感。






肉燥味道唔錯,本身已經有少少辣,不過覺得油太多喇!




 

    你哋亦都可以喺 Facebook Fans Page 度搵我 o架,我間小店叫做 La Cucinadi Kestrel 呀,快啲 click 入去做我個 fans 啦!


 


 

2011年12月10日星期六

新玩具

    「永安」又做 sale 喇喎,你哋有冇去血拼呢?我星期四已經去咗喇,除咗照舊買番兩個濾水芯之外,仲執咗兩個防黏模 o添!





兩個模都係同一英國牌子。

















呢個批模好抵,原價都只係
$357 折之後只需 $ 24.5 咋!







原本想買 450 個,點知一睇個價錢,900 呢個賣 $40
450 個都賣成 $35,咁我梗係揀呢個啦!況且細
牛油蛋糕模我都已經有兩個,不過要自己
墊入爐紙囉!

2011年12月2日星期五

香蕉成熟時……

    一直以嚟我都係去超市買熟香蕉,一來貪佢平好多,但最重要係,買咗返屋企只需擺一、兩日就已經起哂梅花點,隨時可以攞嚟食或整糕餅,唔駛有排等,好方便!

 


   
    前幾日買咗梳蕉都幾熟,我已經精 o架喇,返屋企即刻吊起佢,減慢佢嘅熟成時間,點知老竇前日起身出客廳時,見到有兩隻蕉熟到跌咗落地下,其餘啲都搖搖欲墜,咁咪即刻食都食唔切囉!但係一次過兩個人又點可能食得哂咁多呢?咁我咪用咗嚟整嘢食囉!







 

首先整咗我嘅至愛:香蕉燕麥條。今次焗得非常成功,
又金黃、又唔會散開。











今朝起身就整埋個肉桂香蕉雪芳,清哂所有香蕉喇,安樂哂!




    食譜請參考香蕉乾果仁燕麥條椰子香蕉雪芳蛋糕

2011年11月26日星期六

洛神花裸麥麵包 Light Roselle Rye Boule

買咗 Grégoire Michaud Artisan Bread 包教室 》咁耐都未跟佢整過,因為裡面大部份嘅麵包都要用到發酵麵種去整,預備麵種都唔係咩咁大不了,最煩係佢嘅麵種係要整足幾日,仲要不停加入新粉,你都咪話唔煩呀!


 


早兩個星期喺圖書館度借到佢本新書《古風歐陸麵包》,今次呢本講明係 “baking at home”,所以食譜簡單好多,一般家庭都可以做得到。睇哂成本書之後,我就揀咗洛神花裸麥麵包呢個食譜,因為咁啱屋企有樽洛神花果醬嘛,難得咁特別嘅食材都會有,唔試整都真係對唔住自己啦!






 


材料:
高筋麵粉      150
裸麥粉
           75
即用酵母
       1
發酵麵種
       50
海鹽
       6
洛神花果醬
   50
   
180


- 所有材料放入食物處理器內攪拌混合,逐少加水搓成麵糰。



-
拎出麵糰,放上已灑粉嘅枱上,繼續搓揉及摔打成光滑麵糰。



-
將麵糰滾圓,放入已灑粉嘅兜內,用保鮮紙包好,發酵 2 個鐘。



-
麵糰排氣後再次滾圓,鬆弛 15 分鐘。



-
再次排氣及滾圓,將麵糰倒轉放入已灑粉嘅發酵藤籃內,發酵 90 分鐘。



-
發酵完成後,用刀喺麵糰表面割紋,然後用水噴濕麵糰。



-
放入已預熱至 210 °C 嘅焗爐內焗約 35 分鐘。


-
其間當麵糰開始上色時再噴多一次蒸氣。

食譜出自 Grégoire Michaud 嘅 《古風歐陸麵包》。









今次個紋路做得好滿意,可惜個做形就歪歪哋,
可能因為放個麵糰落藤籃時放得唔夠正中。







唔單只無乜紫紅色睇到,就連食落口都無乜洛神花果醬味,
有少少失望!




Notes


- 原食譜係用 65 號麵粉

- 發酵麵種可參考燕麥包中嘅老麵製做法。



你哋亦都可以喺 Facebook Fans Page 度搵我 o架,我間小店叫做 La Cucinadi Kestrel 呀,快啲 click 入去做我個 fans 啦!


2011年11月21日星期一

合桃經典朱古力蛋糕 Gâteau classique au chocolat & noix

  今晚整咗個好耐無整嘅蛋糕,就係經典朱古力蛋糕喇!我都幾鍾意食呢款蛋糕,鍾意佢朱古力夠濃、勁 rich,食細細件已經好滿足。

 


    今次呢個經典朱古力蛋糕係一個 cross-over 版,睇唔睇得出佢同邊款蛋糕cross-over 呢?之唔係 brownie囉!






面頭灑滿哂合桃碎,同 brownie 真係有幾分似 o架!






今次個蛋糕除咗灑滿合桃碎之外,仲用咗橄欖油代替牛油 o添,
食落口無咁漏,比較清爽。









蛋糕裡面依舊咁濕潤、咁香濃,正到無朋友呀!!



2011年11月19日星期六

粟米多士 Corn Toast

    以前對食材未係好有認識嘅時候,曾經擺咗個大烏龍!


 


    好耐之前,有次去「山崎」買麵包時,見到有粟米方包賣,於是就好慣性地拎起嚟睇吓個材料成份,睇完之後,發覺所有材料之中唯一同粟米有關嘅就係 粟米粉,當時心諗,有冇搵笨啲呀,加咗 粟粉整就叫做粟米包!!因為當時唔知道粟米粉 ( cornmeal / polenta ) 同粟粉 ( corn starch) 嘅分別,誤以為粟米粉等同粟粉。查實 “corn starch” 譯做粟粉真係唔係好夠傳神,正確應該叫做粟米澱粉,咁就唔會同黃色嘅粗粒粟米粉攪亂喇!






 


材料:


高筋麵粉   200
粟米粉   50
  3
  25
即用酵母
  4
雞蛋   1

  100 毫升
橄欖油   10


- 將雞蛋拂打成蛋液。



-
除橄欖油外,所有材料放入食物處理器內攪拌成麵糰,後加入橄欖油搓勻。



-
拎出麵糰,放上已灑粉嘅枱上,繼續搓揉及摔打成光滑麵糰。



-
將麵糰滾圓,放入已灑粉嘅兜內,用保鮮紙包好,發酵 45 分鐘。



-
將麵糰排氣,平均分割成 2 份後再次滾圓,鬆弛 10 分鐘。



-
再次排氣及滾圓,放入多士模內,冚好蓋並預留一罅隙方便觀察發酵情況。



-
當麵糰發酵至多士模嘅九成滿後,將蓋完全合上。



-
放入已預熱至 210 °C 嘅焗爐內焗約 30 - 35 分鐘。


-
出爐後立即脫模,將麵包放上架上略攤凍後即可切件享用。

以上材料份量可做多士 1 條。





查實包肉顏色係好金黃 o架,不過影相出嚟睇唔到。





咗粟米粉整包會比較紮實同煙韌,配洛神花果醬一齊食,
就係噚日嘅經 lunch!




Notes


- 如果做普通白麵包的話,用同等份量嘅高筋麵粉代替粟米粉即可。



-
雞蛋可用 50 毫升水代替。

- 麵糰發酵至九成滿約需 1 小時 30 分鐘。 


-
天氣凍嘅時候,可以將麵糰放入電飯煲內,按下保溫掣發酵,加快發酵速度,但要留意
  溫度,當溫度達到約 40 °C 時就要立即關掣,以免酵母因溫度過高而死亡。除此之外,
 
亦可將麵糰連同一碗滾水放入焗爐內發酵。


 


你哋亦都可以喺 Facebook Fans Page 度搵我 o架,我間小店叫做 La Cucinadi Kestrel 呀,快啲 click 入去做我個 fans 啦!