糖漬橙皮 (簡易版)

        呢個禮拜又試忙到嘔，完全無時間寫 blog 同睇 blog ，要快手啲追番哂至得喇！

 

        冰格雪咗好多橙皮喺度，趁噚日 dayoff 得閒喺屋企，就用咗佢嚟整糖漬橙皮啦，咁就可以隨時拎嚟整嘢食。

 

材料：

橙皮
黃糖      5 份
砂糖      4 份
蜂蜜      2 份
水         適量
 

- 橙皮洗乾淨，索乾水份，然後盡量切去內層白色部份。

 

- 處理好之後，切成細粒備用。

 

- 將其餘材料放入煲內煮滾，加入橙皮粒，轉慢火繼續煮。

- 當橙皮煮至半透明狀後就熄火。

 
- 糖漬橙皮過篩，瀝乾多餘糖漿即成。

盡可能將橙皮內層白色部份切去，減低苦澀味道。

 
 
 
 

煮好嘅橙皮甜中帶少少苦，加上橙香味，是一種百搭乾果材料。

 

剩餘嘅糖漿可留作下次煮橙皮用，或於糕餅製作中用以代替蜜糖。

 


Notes：

- 橙皮內層白色部份帶苦澀味，所以需盡量切去。

- 煮橙皮時切勿用大火，以免煮成焦糖，令橙皮黏成一糰，難以分開。

 

- 若糖漿再用時發覺過於濃稠甚至變硬，可預先座熱水回軟，之後再加入少量熱水煮
  開即可。