入爐玻璃煲

        老友屋企真係好掂，次次都可以儲夠超市印花換嘢，對我嚟講，儲個印花都拍得住增肥咁艱難，依家仲連米都唔係超市買，真係幾乎無可能會有印花。

 

        老友今次仲犀利，印花多到換完個超大 mixing bowl 同量杯後，都仲有好多剩，問我有冇嘢想換，既然係咁，我都唔客氣喇，就換個玻璃煲啦！

 

執平貨！

        依家用緊隻平底鑊個易潔塗層開始唔多掂，連煎 pancake 都有啲黐，所以一早已向素友打聽一下行情，睇吓佢有咩好介紹。素友因為知我要買鑊，所以有次佢行百貨公司時，見到平底鑊大特價即刻通知我兼影埋相俾我睇㖭，真係要多謝素友咁有我心呢！

 

        隻鑊唔單只平，而且仲係我依家用開嘅牌子，更重要嘅係同我一向用開個 size 一樣，咁我就可以繼續用番個舊玻璃蓋，唔使嘥錢再買喇！

 

 

又上一課

        早兩個禮拜做清潔，抹到電腦枱時就發現電腦螢幕個火牛凹咗，形成一個氹嘅形狀，當時只係覺得奇怪，但並無注意到問題。直到禮拜四晚上網，好友喺 Facebook 錄音留口訊俾我，因為太細聲嘅關係，一定要將個 speaker 貼近耳邊先聽得清楚，正當我拎起個 speaker 時，個螢幕突然斷電熄咗，我知道一定係郁咗條電線，所以諗住移番好條電線啦，點知一郁就出事喇，睇住個火牛爆火光，跟住間屋就漆黑一片，全屋啲 fuse 都跳哂掣！！

 

        因為其實當時係仲有其他嘢正在做緊，所以必須要嘗試開番部電腦登入自己 account，再接駁手機上網繼續完成工作。喺無咗電腦螢幕之下，居然我都可以摸住個 mouse、click 入自己 acoount 之後再輸入 passwork 成功登入，我都真係服咗我自己！！ :P

 

 

IKEA 又入貨

        發覺同「IKEA」個八字真係唔多夾，鋪鋪都係呢頭買完哂嘢，嗰頭就嚟做特價，上次買 LED 燈膽係咁，早兩個禮拜去買食品又係咁，呢幾日食品部全線做特價八五折，你話係咪玩嘢呀！！ :(

 

 

IKEA 入貨

        我好多時都同人講，去「Pizza Hut」食意粉唔食 pizza；去「Spaghetti House」就唔食意粉食 pizza，呢個係我真實感覺，唔係講笑㗎，不過已經 N 世無去呢兩間食肆，依家仲係咪咁情況就唔知喇！！我啱啱去完「IKEA」入貨，不過就完全唔係買傢俬傢具囉，居然全部都係食嘢！ :P

 

        前兩日喺 Facebook 度見到素友話去「IKEA」買 marzipan，仲要係做緊特價，$15 減到 $10 ，超抵呀，喺烘焙店買都唔平㗎。咁啱睇完本新 catalogue 都有嘢想睇睇實物係點，又咁啱禮拜五去銅鑼灣教琴喎，於是收工之後就走去咗兜個圈喇。

 

 

部腦終於有救喇！！

        部電腦個 hard disk 容量不嬲都唔多夠用，因為係好耐之前買落，只得 100 GB，當時仲係用緊 Windows XP 就梗係夠用啦，但自從壞機之後，幫我砌機個師傅就順手幫我 upgrade 到 Windows 7，咁就出事喇！！

 

        本來個 OS upgrade 咗當然係好啦，但係相對於我個舊 hard disk，新嘅 OS size 簡直係大笨象，裝咗之後就只係得番幾 GB 空間可以用，跟住 Windows、Antivirus 及其他程式又不斷自動更新，越嚟越多嘢塞入去，攪到近排得番幾百 MB 可以用咋，連開個 Photoshop 用都唔夠容量去運作，唯有邊用電腦邊不斷清空記憶體，超麻煩！！

 

       早前請教咗我一位 IT 專業嘅舊學生有關外置 hard disk 嘅資料，佢就介紹我用呢隻牌子：

 

 

老將終於要退役喇！

        真係越窮就越見鬼！

 

        呢季開始電費同差響都無咗政府補貼，要自己交番，一下子又多成千蚊支出；上個月好友結婚，買禮物又用過千；呢個禮拜部洗衣機漏水情況越見嚴重，睇住呢頭入水，嗰頭就流番出嚟，水位根本都未達指定標準，都唔緊要，最弊係我要不斷拖地索水！！一個人一個禮拜先開一次機洗衫，仲要係低水位都俾多咗佢，咁你話我有得幾多件衫要晾呀！？所以呢幾個月基本上用嚟拖地索水嘅時間仲多過晾衫嘅時間，前幾日情況仲突然加劇，想唔換機都唔得啦，咁又唔見咗 $3000 喇！！

 

 

抵！！

        最近去「佳寶」買嘢，可以以 $29.9 換購「Glasslock」1100ml 密實玻璃盒，真係超抵，呢個 size原價應該賣開 $5X - $6X，依家即係大約半價就買到喇！

 

IKEA 執平貨

        放喺琴頂盞座枱燈都用咗起碼有十幾廿年，雖然仲未壞，但係啲 "關節" 已經衰弱到無哂力，完全抬唔起頭做 "燈"，都係時間要退休喇！喺「IKEA」度睇中咗盞座枱燈好耐，諗住等吓會唔會有機會做特價，我不嬲買嘢都好忍得手，相對貴嘅嘢好多時都會俾我等到減價！當然，好多時都會係換季貨色或過期款式啦，不過無所謂啦，我都唔多介意，依家先開始用智能手機都係咁啦！

 

       早兩個禮拜教完琴之後，去搭車返屋企途中，途經鴨寮街，發現原來都有好幾檔賣 LED 燈膽，但價錢睇落都唔平得過「IKEA」幾多，不過其實我唔係太清楚要買乜型號、火數，對 LED 燈更加係完全無認識，見到覺得貴嘅燈膽型號喺「IKEA」買可能更加貴都唔定，趁今朝一早喺銅鑼灣教完琴，順便走過去「IKEA」度做吓功課先！

 

 

紅米 1s

        一直以為身邊得我一個仲未轉用智能手機，但原來都仲有好幾人都同我一樣，有啲甚至仲係用緊 keyboard 機，相比起上嚟，我用 touch screen 都已經唔太 out，哈哈！

 

        依家用緊部手機都開始出問題，無端端會自動轉做離線模式，又或者由路線 1 轉為路線 2，我都唔知發生咩事，淨係知道打唔出又打唔入；有陣時又會無啦啦自動關機；試過有次仲差啲俾部手機累死！如果我要比平時早好多起身的話，除咗校床頭鬧鐘之外，我仲會校埋手機個鬧鐘，保險啲嘛。俾床頭鬧鐘嘈醒之後，當然唔願起身啦，同自己講，瞓到手機鬧鐘都響埋先起身啦，點知一路瞓一路等，等等吓發覺唔多對路，無理由隔咁耐都仲未響，於是起身一睇，原來個手機係有自動開啟到，但入到個 logo 畫面就 hang 咗機，定哂格，好彩我無真係完全瞓著咋，如果唔係就出事喇！到最近發覺兩嚿電池都開始老化，都唔知買唔買新電池好，最怕呢頭買咗新電池，嗰頭就即刻壞機，咁就真係多得佢唔少！
 

        阿馳同 Lily 都知我對手機要求唔高，只要有最基本功能就得，所以佢兩個都建議我買「小米」部紅米手機，因為夠平嘛！於是我都上過官方網站睇資料，發覺唔係隨時隨地上網就買到，原來係要𥄫住佢公佈幾時開賣先可以同其他人一齊搶貨，亦睇到好多網友都話試過幾次都買唔到，見咁啱 24 Jun 首次在港公開賣紅米 1s，於是就登記預約。自己一向都咁黑仔，諗住都唔會買到，純粹只係想實習一吓個購買流程，畢竟我都完全無網上購物嘅經驗，點知又會咁鬼好彩，一擊即中，當堂打個突。其實我都猶疑緊繼唔繼續落去買部機，因為依家真係好積極咁喺度量地同拍烏蠅，會失預算，但啲人又講到咁艱難先買得到，難得我咁好彩又無理由放棄㗎，算啦，買定部機喺度做後備都好，費事依家用緊部機突然間 “certified” 時都無機用。 

 

        有時啲嘢都真係整定㗎，原來手機開賣當日，兩期 iBond 同「中移動」都分別派息，夾埋都有幾千蚊，部新手機咁平，額外買多兩部都唔使入肉哦，呵呵！ ^^ 

 

 

新鮮迷迭香

       禮拜一喺大角嘴教完琴之後，要趕喺八點鐘之前到旺角政府合署交啲文件，落堂時都已經七點零鐘，所以都好趕，一直急急腳無停咁行，加上天氣又熱又濕，真係趕到身水身汗，所以交完文件之後就走咗過去「新世紀」度 “過冷河”！

       入到商場就直接走去「一田」超市歎冷氣兼睇吓有無米麴賣，其實都預咗佢無得賣，因為旺角店面積都唔係好大。反而行到放蔬菜個雪櫃時，見到有新鮮香草賣，而且仲好新鮮，我立即睇中咗 rosemary，賣 $30 / 100g，比起「City Super」價錢唔算太貴。

 

又執到筍嘢

        話說上次「AEON」會員特價日，去到屯門店想賣嗰樣無嗰樣，買乜無乜，激到爆，但原來又係塞翁失馬哦！禮拜六嗰日早咗到銅鑼灣，又有排都未到時間教琴，於是又走咗去超市打個 round 打發時間。

        味噌係我雪櫃裡面嘅長期住客，最鍾意用去嚟做湯底，無時間煲湯時就大派用場，買些少蔬菜料滾湯，最後加入少量味噌，即刻有啖湯飲。煮麵時又可以用佢嚟做湯底，好過用味精啦！中間第二餐我自己好多時都會煮麵食，而且食得好簡單、好求其，通常都係淨麵一碗，唔會有其他材料，煮好麵後就加入味噌同味醂調味做湯底，又快又方便！

 

又去「缸瓦佬」入貨

        我一個星期只會煮三至四餐飯，每餐份量都係 double 上，一半即食，一半留隔夜，到收工夜返無時間煮飯時都有啖好食嘛。雖然好多人都會覺得食隔夜飯餸無益，但鬼唔知阿媽係女人咩，有邊個唔知新鮮熱辣整好嘅飯餸好食好多喎，夜返都已經夠哂攰兼無時間煮，我總唔信食隔夜飯餸會差得過食罐頭同街外垃圾食物囉！！

 

        要留飯餸，自然會用到好多碗碟同食物盒，有時又要用嚟裝起啲未處理嘅食材，整整吓啲碗碟都唔夠用。早幾日去屋企附近商場間家品店睇過，原來一隻中 size 嘅碟都唔平，閒閒哋都要三、四十蚊隻，而且啲花都唔係咁靚，好鬼死 “娘”！咁啱「AEON」又做會員九折，即刻走去「Living Plaza」度睇，點知原來係無呢個 size 嘅碟賣，真係激鬼死，無平碟買！

 

        咁啱噚日出開旺角，突然醒起 blog 友 Moonmoon 話「缸瓦佬」搬返去旺角，但我又唔記得咗個地址喎，好彩行吓行吓，終於都俾我喺洗衣街搵番佢！

 

買到筍嘢

        做完阿茂，食過包、飲完咖啡之後，就去咗「AEON」超市入貨，因為紅假呢幾日又做會員九折優惠呀！

 

        次次做會員特價時，最鬼憎就係喺番屯門店買嘢，真係幾乎買乜無乜，好多貨架都係 “吉” 嘅，以為淨係我先至會咁黑仔啦，但其實一路行都不斷聽到其他人話：「唔係嘛，賣到無哂！」喺銅鑼灣店都好少會咁，樣樣想買嘅都買得到。所以其實今晚都唔係有太多收鑊！

 

 

麵包機

        卒之都係死死氣買咗部 P 仔呀！

 

        其實一直都掙扎緊買唔買麵包機好耐，因為其實依家用部 food processor 做前期搓麵糰功夫都 OK，只不過係有時麵糰太濕的話就會呢咁 hea，甚至捲入機內，所以如果能夠整唔係太濕嘅麵糰的話，可以唔使買住。但係好多時候都無時間整包，你知啦，整嚫一次包起碼都要預成 3、4 粒鐘，天氣凍的話仲唔只㖭！加上最近頭痛發作頻密咗，有時明明無事，但出氣出力搓完包之後就即刻嚟料，所以都唔敢 “輕舉妄動”。

 

       近排都比較黑仔，好多學生都因為準備中六文憑試、移民外國、大學畢業後出嚟做嘢無時間練琴等原因而停學，所以近呢幾個月都入不敷支，所以即使係要買麵包機的話，都應該係買部本地貨玩住先。但點解突然又會買部咁貴嘅呢！

 

罐頭番茄粒 & 枝裝茄膏

        上星期趁仲係正月，約埋 Winnie 一齊去同老友 Louisa 拜年，每次大家見面都會整吓嘢食，做吓阿茂。除此之外，就係入貨上倉，又買 cream、又 “走” 粉，拎到好似走難咁由新界東大遷徙到新界西！