買到筍嘢

        做完阿茂，食過包、飲完咖啡之後，就去咗「AEON」超市入貨，因為紅假呢幾日又做會員九折優惠呀！

 

        次次做會員特價時，最鬼憎就係喺番屯門店買嘢，真係幾乎買乜無乜，好多貨架都係 “吉” 嘅，以為淨係我先至會咁黑仔啦，但其實一路行都不斷聽到其他人話：「唔係嘛，賣到無哂！」喺銅鑼灣店都好少會咁，樣樣想買嘅都買得到。所以其實今晚都唔係有太多收鑊！

 

 

        最筍就係買到呢兩 pack 香茅，原來咁啱呢期做緊泰國食品節，$12.9 任揀兩包泰國蔬菜包，包括青紅辣椒、小圓茄、角豆、迷你苦瓜同青瓜等等，我自己就揀咗兩包香茅，夾埋有成廿幾枝，真係抵到爛，而且最好就係前端綠色部份一早切走哂，反正都係唔要㗎喇，做少啲仲好！一次過掟哂入冷宮慢慢用。