試做 doughnut

        以前未識整麵包嗰陣，去麵包店買麵包時，間中都會買個朱古力 doughnut 食，不過有時會食到好油，嚴重的話重會即係去痾，所以都唔會經常食。

 

       記得好耐之前跟 Louisa 一齊整過一次，非常好食，除咗係因為新鮮即整即食之外，個 texture 都好唔同，而且完全唔會有油膩感覺，比起街賣嗰啲清爽好多，所以我都決定點都要自己試吓整一次！

 

 

第一次整真係整得唔好，得呢兩個見得吓人咋！其實喺

麵包機度拎個麵糰出嚟時都發覺唔多對路，個麵糰

好軟身，唔夠挺，所以好難保持到個形狀。

個 doughnut 模已經買咗好耐，一直都無的起心肝去整，

因為我好怕開油鑊炸嘢！個模係喺「吉之島 $10 店」

度買嘅，當時都仲係賣緊 $10，9 折後即係

$9 個咋，你話係咪已經買咗好幾年呢！

呢個就仲抵死！！因為個麵糰真係好軟，仲濕濕哋㖭，所以

黐到實張牛油紙都唔願落油鑊，到整得甩時，一下子

就扭曲咗，落咗油鑊度都無得救啦，搵吳剛師傅嚟

都攪佢唔掂，咪變咗炸出個 8 字包囉！

下次都係要試吓另一個食譜至得！！