懶得就懶

        自從買咗麵包機之後，真係懶得就懶，反正我對食都唔係太講究，所以少咗整包放入爐焗，預校時間等部機整嚿多士出嚟填飽個肚就算！

 

        睇番隨機附送嘅食譜，原來如果由搓麵糰、發酵到烤焗，全程都用機整的話，最好就係跟足隨機食譜材料份量，否則會有失敗情況出現。最近就跟食譜試整咗個米飯麵包。

 

 

 

由於我係習慣食三色米，所以飯粒比較易食得出，尤其係

紅米飯粒，焗完之後變得好煙韌，好有口感，

而麵包表面嘅紅米飯粒就焗得比較乾身，

食落有少少似果仁，幾特別。

 

一片搽咗南瓜橙醬嘅多士，一碗新鮮蔬果沙律，

再加一杯咖啡，已經係一份豐富午餐！