2012年8月30日星期四

芝麻猶太麵包 Sesame Bagel

好耐都無整 bagel 喇,今次又係用番《麵包教科書》個食譜嚟整,不過今次加多啲黑芝麻,想個包食落多種口感層次之外,仲多咗份芝麻香㖭!

今次個麵包就夾埋生菜、番茄、煎火腿同煎蛋,好豐富哦!









個個都焗到金金黃黃,可惜好似老人家咁縐哂皮呢!






加一碗周打蜆湯,就係我
dinner 喇!








食譜可參考《猶太麵包配蜜糖藍莓忌廉芝士醬》,高筋麵粉改為法國麵包粉,另加炒香黑芝麻 10


2012年8月26日星期日

飯後甜品 - 西米布甸



講樣恐怖嘢俾大家聽,上次我整芒果 mousse cake 時咪要專登清冰格嚟雪個蛋糕嘅,點知執執吓個冰格,居然俾我搵到上年整冰皮月餅時用剩嘅吉士餡,原來仲有少量未食哂,一路將佢越推越入,完全睇唔到佢,唔係要清冰格都摷唔到佢出嚟重見天日!



 



反正用剩
嘅份量都唔多,即刻拎出嚟解凍,跟住就煮熟西米,然後加水落吉士餡度煮開,之後再將西米倒入拌勻就攪掂,一個字:快!!



啱好夠整三盅布甸。今次用新買兩個疏乎里盅嚟焗。





出爐後就用火槍將個面略為燒焦。





一如既往,裡面加入紅豆餡,味道唔駛咁單調。





哋記得留意一下聽日報紙頭條,有冇報導到:昨晚一對父子享用完自家製西米布甸後,跟手就入紙移民局申請移居西方極樂世界!!



 



想由零開始一手一腳整呢個布甸
嘅朋友,可以睇番《焗紅豆西米布甸》。

2012年8月24日星期五

黑森林蛋糕



又試感冒失聲喇,雖然今次唔係太嚴重,但係就成身 “lai lai”,周身唔自在,仲要接老竇個 friend order 整黑森林蛋糕㖭!



 



今日整蛋糕真係心不在焉,加上天氣又熱到爆,

cream
一路抹一路瀉,真係嬲到我呢
~ ~ ~ ~ ~ ~
!!




後尾求求其其咁抹
咗一 ” cream 先,然後即刻放入雪櫃雪凍,
跟住就走去瞓咗半粒鐘休息,瞓醒之後再抹過,
果然好好多,無咁瀉身喇!





個樣都過得去吧!整咁多次蛋糕,今次係最無心機、最無耐性嘅一次呀!


2012年8月20日星期一

老表的突厥手信

Lily 早前出征番邦,到訪突厥,回歸復課時帶來當地手信。





兩樣手信都係食得嘅,係糖果同香料包。







呢個係著名特產 Turkish Delight,有蜂蜜味同紅石榴味兩種。
酸酸甜甜,仲有開心果仁,味道唔錯唔錯!








個香料包勁 ~ ~ ~ ~ ~ ~ ~ ~ 長哦!!不過好靚,靚到唔捨得用呢!





有辣椒粉、紅椒粉同小茴。










呢個就勁啦,係番紅花,真係無諗過自己都可以擁有
比黃金仲貴
嘅香料呀!








奧勒崗、原粒黑椒同芫荽籽。






仲有百里香、迷迭香同一種整沙律用
嘅香料。

日式雜菜薯餅

前幾日喺某食肆內見到有日式炸薯餅,我又即刻諗番起以前 兒時情景” (唔好意思,又試職業病發作),媽咪第一次買日式薯餅返屋企整食時,我一食就愛上咗,可能因為我係薯癡啩!咁媽咪知我鍾意食,所以簡中都會買返嚟煎。


 



依家已經好耐、好耐無食喇,咁見到食肆個薯餅,又鉤起條筋想整,晚卒之整咗喇!不過一向都好少整煎炸嘅,好明顯呢個薯餅整得好樣衰囉!






材料:

薯仔

青椒

甘荀

洋蔥

急凍粟米粒

日式沙律醬

麵粉

蛋液

日式麵包糠



 



- 薯仔刨皮後切片,隔水蒸至軟身後,趁熱將佢壓爛成薯蓉。




-
青椒洗淨後切細粒;甘荀去皮後切粒,然後放入滾水內烚至稍腍。




-
洋蔥去衣後切細粒;粟米粒解凍後略沖洗,之後尒水,備用。




-
燒熱油,洋蔥同青椒先落鑊爆香,之後加入甘荀同粟米粒。




-
略加鹽、糖調味,兜炒均勻後盛起。




-
將雜菜料倒入薯蓉內,加適量沙律醬,之後攪拌均勻。




-
取適量薯蓉料放於掌心,搓圓後略為壓扁成薯餅。,




-
薯餅沾上麵粉,蘸蛋液後再沾上麵包糠。




-
用半煎炸方式將薯餅煎至金黃即可。
 





將用剩嘅雜菜料,加埋蘋果同日式咖喱磚,煮番個
日式咖喱伴食,正到無朋友啦!




雖然係
啲,但都不至於喺非洲返嚟!不過用半煎炸方法都整到
脆卜卜吉列效果,唔駛我開鑊油炸,我都已經好開心喇!

 






Notes

-
如果鍾意的話,可將部份雜菜料改成免治豬肉或牛肉,但事前必須將肉類炒熟。




-
如果薯蓉水份太多、太軟身的話,可以先放入微波爐內適當加熱以蒸發多餘水份。




-
薯餅亦可直接放油鑊內炸至金黃。

2012年8月17日星期五

綠茶紅豆包 Matcha & Azuki Bread


好耐都無同綠茶紅豆呢對 伉儷合作喇,攪到對佢哋有啲陌生㖭!


 



今日就參考
香軟的誘惑‧麵包》裡面個鬆軟餐包食譜同佢哋倆個一齊整有餡麵包。

 




材料:


高筋麵粉  
280

綠茶粉    
10


即用酵母   2 茶匙


    1 茶匙

    2 1/2 茶匙

    180 毫升

橄欖油    
8

紅豆餡
   
280



-
將麵粉、綠茶粉、酵母、鹽同糖倒入食處理器內混合,逐少加水搓至起筋。



-
之後加油,開機繼續搓成麵糰。




-
將麵糰拎出,放上已灑粉嘅枱面,繼續搓揉及摔打成光滑麵糰。




-
將麵糰滾圓,放入已灑粉嘅兜內,用保鮮紙封好,發酵 45 分鐘。




-
麵糰排氣後平均分割成 8 份,分別滾圓,靜置鬆弛 10 分鐘。




-
將麵糰壓平,然後包入 35




-
放上已墊入爐防黏蓆嘅烤盤上,發酵 45 - 60 分鐘至兩倍大。




-
喺麵糰表面灑上少量高筋粉,放入已預熱至 190
嘅焗爐內,焗約 20 分鐘即成。



-
出爐後立即移至架上攤凍。


以上材料份量可做直徑約
7 厘米麵包 8 個。




顏色已經合哂心水,但係綠茶味就唔係太濃。







綠茶麵包加蜂蜜綠茶就至夾啦!








呢個鬆軟餐包食譜果然靠得住,老竇都讚個包好鬆軟,但個紅豆餡
就過甜,梗係啦,今次呢
啲紅豆餡唔係自己煮,係佢個
friend 送俾佢㗎嘛,現成貨色實係勁甜!





適逢今日係初一,要孝敬一下媽咪哦!





Notes

-
綠茶粉用量可依個人喜好增減。



- 包餡時應將麵糰盡量壓平、壓薄,會比較容易將餡包入。




-
可參考《日式紅豆餡》自家製作紅豆餡。

自製咖啡濃縮液 Extrait de Café

        喺圖書館度搵到本《基礎糕點大全》, 非常實用,裡面教授好多基本烘焙資料、工具、方法、以及食材運用,由最基本嘅篩粉、打發、擠花等講起,介紹各式麵糊、麵糰、餡料做法,以至朱古力、堅果等食材嘅應用,最後更介紹糖漬及果醬做法,非常詳盡,簡直就係一本烘焙工具書。
 
        書內介紹咗一樣自製材料,係其他書好少會講到,就係自製濃縮咖啡喇。我一睇到就即刻好有興趣喇,因為好多時整西點都會用到咖啡香精先會有明顯咖啡味,但大家都知道,呢啲化學嘢食得多無益,而且呢個咖啡濃縮液做法非常簡單,所以即管一試吧!
 
 

自製咖啡濃縮液 Extrait de Café

        喺圖書館度搵到本《基礎糕點大全》, 非常實用,裡面教授好多基本烘焙資料、工具、方法、以及食材運用,由最基本嘅篩粉、打發、擠花等講起,介紹各式麵糊、麵糰、餡料做法,以至朱古力、堅果等食材嘅應用,最後更介紹糖漬及果醬做法,非常詳盡,簡直就係一本烘焙工具書。
 
        書內介紹咗一樣自製材料,係其他書好少會講到,就係自製濃縮咖啡喇。我一睇到就即刻好有興趣喇,因為好多時整西點都會用到咖啡香精先會有明顯咖啡味,但大家都知道,呢啲化學嘢食得多無益,而且呢個咖啡濃縮液做法非常簡單,所以即管一試吧!



2012年8月13日星期一

焦糖南瓜雪糕 Caramel Pumpkin Ice-Cream



每年一踏入夏天,我就好想整雪糕。雖然我一向好少飲同食凍嘢,但係雪糕就好多時都會食,行行吓街,想食嘅時候就會走入「麥記」買杯新地食。

 



今年遲遲都未整雪糕,皆因個冰格成日都 常滿” ( 如果荷包係咁就好囉 ),根本無位放雪糕。咁啱之前要整芒果 mousse cake
咁就迫住要清倉,騰空個位出嚟雪個蛋糕。



 



趁個冰格依家都仲有個 窿,仲未回復爆棚狀態,快快手整咗我一直好想整嘅焦糖南瓜雪糕先!





 





南瓜雪糕




材料:

南瓜肉  
450

 
160
毫升


蛋黃    
4


  100

淡忌廉  
350




-
先將 100 南瓜肉切成細粒,之後隔水蒸至剛好腍身,攤凍後放入雪櫃保存。




- 剩餘嘅南瓜肉蒸至完全腍身,之後用叉壓爛成南瓜蓉,備用。




- 蛋黃加糖,用電動打蛋器打至發白濃稠;與此同時,將水煲至就快水滾嘅狀態。




-
將熱水逐少加入蛋糖混合物內,邊倒邊攪拌,之後兩倒回煲內,用慢火加熱煮至濃稠。




-
煮好之後略為攤凍,之後拌入南瓜蓉,當完全冷卻後就放入雪櫃雪約 4 個鐘或過夜。




-
淡忌廉座冰水打發至 9 成企身,然後將南瓜蓉混合物倒入,完全混合後就放入冰格。




-
2 個鐘之後,雪糕開始雪硬,用電動打蛋器打鬆,然後放番入冰格內,再雪約 1 個鐘。




-
當雪糕再次就快變硬時,再一次打鬆,放回冰格。




-
約半個鐘後,再次打鬆,之後再重覆做多一次即可。



 

 



焦糖漿



材料:

  120

  2 茶匙


熱水     4 湯匙




-
將糖同水放入煲內加熱,邊煮邊搖動煲身,令糖水均勻受熱。




當煮到自己鍾意嘅焦糖色澤時就可以熄火,立即倒入熱水拌勻,攤凍備用。



 

組合

- 先將南瓜粒加入雪糕內,用膠刮拌勻。



-
之後倒入焦糖漿,大致拌勻就可以停止。



-
將雪糕倒入容器內,放番入冰格雪到完全硬身即成。



本身南瓜味唔係太出,但當一食到南瓜粒時就即刻知道,
反而個焦糖味就好突出。




你話依家天氣幾熱呢,一路影相,個雪糕就一路影一路溶!







Notes

-
如果想雪糕食落更加順滑的話,可以將蒸熟南瓜肉放入攪拌機內打成南瓜蓉。




-
煮蛋糖混合物時,一定要用慢火耐心地煮,否則蛋黃好易被煮熟並凝固成粒狀。




-
若果大部份蛋糖混合物真係煮到凝固的話,可以先離火,稍為攤凍後倒入攪拌機內攪打,之後倒番入煲內再次煮至濃稠即可。




-
由於焦糖溫度非常高,倒入熱水時一定要小心,避免被焦糖液濺到身上。




-
若果用雪糕機整的話,可以將淡忌廉同南瓜蓉混合物直接倒入機內製作,完成後再拌入南瓜粒同焦糖漿。




- 將焦糖漿倒出後,煲內仍會留著一層已凝固焦糖,你可以倒入適量水或奶,再次加熱至焦糖完全溶解,之後用嚟沖咖啡,就能夠做出一杯焦糖咖啡喇!

2012年8月12日星期日

菠蘿吞拿魚通粉沙律

雖然我真係好少食凍嘢,但係一踏入夏天,我就最鍾意整通粉沙律食,貪佢清新、清涼又清爽,仲夠哂飽肚。

聽晚要教到好夜先返屋企開餐,趁今日得閒就整定個沙律,聽晚晚餐就有著落喇!




全部材料都係屋企存貨,有菠蘿、吞拿魚、青瓜、粟米同薯仔,
加埋千島汁,再加些少糖、鹽同即磨黑椒粉調味,
撈勻哂就攪掂。








近排同個學生傾偈,先知道原來大律師公會係規定所有大律師要自僱執業,
唔可以以僱員身份工作,所以初入行跟師傅工作係無收入
㗎!佢依家
返工搭車、食飯、學琴暫時都係食老本,家人個個都要返工,
屋企無人煮飯,迫住日日三餐都要出街食。唉,見佢
咁鬼慘,整多少少俾佢,等佢聽晚學完琴
之後做晚餐啦




2012年8月10日星期五

花生醬全麥包 Peanut Butter Wholemeal Bun

上次打開本書搵熱狗食譜時,揭揭吓就見到呢個花生醬全麥包好似好吸引,又咁啱得咁橋真係整咗樽花生醬喎,咁仲唔即刻整!?



材料:

高筋麵粉 90

全麥麵粉 40

即用酵母   2

65 毫升

1

15

蛋液  12

橄欖油   5

花生醬   4 茶匙

掃面蛋液   適量



-
將麵粉、酵母、鹽、糖同蛋液倒入食處理器內混合,逐少加水搓至起筋。




-
之後加油,開機繼續搓成麵糰。




- 將麵糰拎出,放上已灑粉嘅枱面,繼續搓揉及摔打成光滑麵糰。




- 將麵糰滾圓,放入已灑粉嘅兜內,用保鮮紙封好,發酵 45 分鐘。




- 麵糰平均分割成 4 份,分別滾圓,靜置鬆弛 10 分鐘。




- 將麵糰壓扁,之後放入 1 茶匙花生醬,包好後捏緊收口。




- 略為壓平麵糰,用較剪喺麵糰四邊剪出開口。




-
放上已墊入爐防黏蓆嘅烤盤上,發酵 45 - 60 分鐘。



-
喺麵糰表面搽上適量蛋液,放入已預熱至 180
嘅焗爐內,焗約 15 分鐘即成。




食譜出自雪媽媽嘅《自家製麵包》。





老竇話個包好軟熟,我自己就仲未食喇。
罌粟籽做裝飾,買相即刻加分呀!






平時入爐前將個麵糰割紋,割深少少都即刻聽到漏氣聲,所以今次
將個麵糰剪開先至發酵,都有啲擔心會失敗,
點知又OK 喎,做形仲好靚仔㖭!







Notes

- 想自己整花生醬的話,可參考《自家製花生醬》。


-
原食譜係用牛油
10

2012年8月4日星期六

雙冬蝦乾湯泡飯


呢幾日真係熱到癡線!!

 



我習慣每朝起身後就會飲杯暖水、粒蜂膠,點知一飲完杯暖水之後就即刻成身汗,其實都唔算係暖水喇,只係微微暖嘅溫水都攪成咁!因為我主要係上門教琴,所以已經習慣哂日曬雨淋,但係呢幾日真係好難頂,尤其星期二嗰日去康樂園,火車到咗太和站之後,車門一開 ……… 嘩,熱到成個蒸籠咁,真係同焗桑拿無乜分別!



 



唔知係咪因為太熱嘅關係,個人好唔舒服,我懷疑自己有少少中暑!喺咁嘅情況下,唔好話入廚房煮飯,就連食都唔係好願食呀,所以今晚就整咗呢個湯飯,一來少
啲功夫,二來易啲入口。一向都唔主張食泡飯嘅我都會整嚟食,咁你話天氣真係熱到呢
………


 



材料:

冬菇

蝦乾

瘦肉

豬膶

冬瓜

薑片



白飯



瘦肉醃料:






生抽

紹酒

粟粉



豬膶醃料:


薑汁

紹酒

胡椒粉





-
冬菇浸發好後去蒂、切粒;蝦乾洗乾淨,放入浸菇水內浸至軟身,之後切細;水留用。




-
瘦肉洗乾淨、切粒,之後用醃料醃好;豬膶洗淨後切粒,用醃料醃好,備用。




-
冬瓜去皮、去瓤,沖洗後切粒。




-
煲內加適量水,放入薑片及浸菇水煲滾。




-
先落冬瓜煲至半腍,然後將豬膶、瘦肉、冬菇同蝦乾一齊加入,煲至出味。




-
煲好之後加適量鹽調味,最後加入白飯,煲至湯翻滾即可。




湯夠清甜,飯粒吸收咗味道之後,濕濕哋真係易入口好多。
本來想買埋夜香花㗎,不過可惜街市無得賣!





Notes

-
豬膶其實可以唔駛醃,不過加入以上醃料可以去除腥臊味。




-
如果想方便的話,可以將已煮好嘅湯直接加入白飯,拌勻即可享用。




-
煮飯用嘅水可以比平時用量少啲,煮成較為乾身嘅飯粒,可以吸收更多湯水之餘,加湯煮
  飯時又唔會變得過腍。