2013年1月29日星期二

新居入伙蛋糕


新居入伙,當然唔係我呢個窮鬼啦,係我個御用調音師傅搬新屋啫!





咗個 Gâteau classique au chocolat 送俾佢一家,祝賀佢新居入伙。
蛋糕只係
簡單裝飾,杏仁、合桃同芝麻瓦片,再加塊
oregano 就攪掂,都唔會太差啩!


2013年1月28日星期一

關東煮


關東煮都已經整過兩次,不過兩次都係味噌關東煮,今次就參考咗著名料理師傅盧悅基師傅嘅食譜用醬油整關東煮,自己再加加減減啦!





材料:
雞蛋
豆腐
白蘿蔔
黑蒟蒻
竹輪卷


 


湯底材料:


日式木魚湯包
昆布
濃縮雞汁
日本醬油
味醂


- 雞蛋烚熟,剝殼備用;豆腐放滾油內炸至金黃香脆,盛起後再汆水、過冷河。



-
蘿蔔刨皮後切件,用清水煮至腍身;蒟蒻切件,放滾水內煮 2 分鐘。



-
湯包同昆布凍水落煲,大火煲滾後轉中火煮 10 分鐘,然後將湯包及昆布拎出。



-
加入濃縮雞汁、醬油及味醂拌勻,除竹輪卷外,所有材料放入湯底內用中火煮半個鐘。



-
熄火後等到整煲完全攤凍,加入竹輪卷,用中火煮至材料入味即成。







呢包係加入咗海草類食材製成嘅黑蒟蒻。








唔係講笑,真係超好味,個湯底超清甜,連無味無道嘅蒟蒻
都入哂蘿蔔嘅清甜味,食剩嗰啲連埋個湯底
一齊煮烏冬肯定勁正呀!










加埋自家製辣椒油一齊食,唔單只正到無朋友,
簡直係好味到阿媽都唔認得呀!!







 


Notes
-
原食譜係用木魚花及雞髀骨去煮湯底,其份量為:


木魚花 100
   
昆布
   15
   
雞髀骨 1

  
600 毫升
   
醬油   30毫升
   
味醂   30毫升


雞髀骨同昆布凍水落煲,大火煲滾後將昆布拎出,加入木魚花轉中火煮 10 分鐘,然後將木魚
    花同雞髀骨拎出,然後再加入醬油同味醂。。



-
想方便的話,可買現成炸豆腐。


-
由於竹輪卷比較易煮腍,所以第一次煮時唔會加入一齊煮。

- 熄火攤凍後再煮可令材料更加入味。

2013年1月27日星期日

Mini Savory Muffin


Miss Cheng 早排勁忙,好耐無正正式式咁坐低同佢傾偈,難得聽日佢約咗我同 Winnie、仲有其他老師一齊開會,咁就整小小嘢食同大家分享啦!印象中好似次次都係整甜食,今次一於整啲 mini savory muffin 啦!況且最近先知原來中心其中一位同事係唔鍾意甜食,所以之前都應承咗佢整一次鹹點。





一次過整咗兩款口味,你哋睇唔睇得出分別用咩材料呢?










呢個係油浸番茄乾配西班牙肉腸。








至於呢個就係粟米煙三文魚,麵糊都溝咗玉米粉㗎!



2013年1月26日星期六

忌廉蘑菇雜蔬燴豆腐

因為今日係十五,所以晚要煮齋,點解要早—日煮定?哈,你唔記得咗我幾點食夜晚嗰餐嗎?


 


呢個又係一個懶人餸,因為噚日一早買完餸返屋企就開始做嘢,先係煲落湯,跟住就整 biscotti,再跟住就整定幾個 muffin 今日做早餐,整好之後抖一陣,做埋晚課之後就要清潔佛壇,之後先食我個 lunch,無幾耐又要煮夜晚嗰餐俾老竇食喇,全日都真係無乜點停手,所以夜晚嗰餐唔想再攪咁複雜喇!求其有得食就算囉!









材料:
三色椒
翠玉瓜
雞髀菇
豆腐
罐頭忌廉蘑菇湯
混合香草


 


調味料:


鮮醬油
黑椒粉


 


- 所有材料洗乾淨,三色椒去蒂去籽,然後全部切粗粒;豆腐汆水後瀝乾備用。


 


- 燒熱油,爆香三色椒,之後加入翠玉瓜及雞髀菇兜炒至半熟,盛起。


 


- 將忌廉蘑菇湯落鑊,加適量水煮開。


 


- 所有材料回鑊,加入調味料及香草,兜勻後即可上碟。






色、香、味都有齊嘅素菜,真係絕對唔會唔吸引、唔好食囉!







唔單只可以做餸,用嚟煮意粉都一樣得!


2013年1月24日星期四

甜酸醃菜

最近學識咗整醃酸菜,原來勁簡單,幾乎可以話係無乜功夫可言,只係洗洗切切。整呢個甜酸醃菜最緊要就係校啱個醃汁材料份量比例,絕對係零失敗!

對於我呢個每餐不可缺菜嘅人嚟講,識整醃菜真係好方便,如果放咗工返到屋企無時間煮飯,之前又無煮落隔夜餸的話,開罐罐頭,加碟醃菜就攪掂,雖然唔係新鮮蔬菜,總好過無菜食呀!都係一餐半餐係咁啫,將就吓啦!










材料:
白醋   8
糖   6 份
鹽  1 份

- 將以上材料攪拌直至糖同鹽都完全溶解即可。

- 之後將自己鍾意用嘅蔬菜洗乾淨,再用乾淨飲用水過一過水、瀝乾。

- 將蔬菜放入醃料內攪拌均勻,然後倒入一個密氣玻璃樽內。

- 一個鐘頭後再攪拌一次,確保所有材料均勻入味。

- 醃一至兩日後就可以食用。





喺密氣樽內,可以長時間保存,唔需要放入雪櫃。








呢次我就用嚟炒雞柳,又係追尋兒時味道哦!以前去嚫舅父屋企
食飯,舅母都一定會煮呢味餸,唔知係咪因為諗住味道
甜甜酸酸,實啱細路食呢!








Notes
- 適宜選用較少水份蔬菜嚟做醃菜,可避免過多水份滲出溝淡醃料。

- 如果鍾意的話,可先將蔬菜用小量鹽略醃,逼出多餘水份後再清洗去鹹,之後再放入醃料內。

- 鍾意食辣嘅朋友可以加入紅辣椒。

2013年1月23日星期三

乾花裝飾


天氣乾燥嘅時候最啱整乜呢?曲奇、餅乾、marcaron、批?除咗整嘢食之外,仲可以整乾花。

自從學識咗點整乾花之後,每次供完佛之後嘅花,如果唔係太殘的話,我都會即刻將佢整成乾花。




剪去枝葉,放上碟後就可以用嚟裝飾屋企。








當然,我都會為媽咪裝飾一番啦!


埋門幾腳!!!

年頭嗰陣 Winnie 已經同我講,我哋個生肖今年流年麻麻哋,叫我自己小心注意。我諗番轉頭都算托賴,一齊算係平平,點知臨到年尾幾個月先至嚟破財兼勁黑仔,真係多到要列表出嚟呻吓呀!!

- 早一、兩個月個電視畫面突然變紅,心知都唔捱得耐喇,率之有一日開機後完全睇唔到嘢,一
  定要換過個,好彩 Louisa 間接識人賣電器,以超平價 $1,900 買過部新,都算啦,反正部「大
  牛龜」都已經用咗好耐喇,俾著其他人一早已經換咗高清囉!


- 跟住就到客廳個掛牆鐘時準時唔準,天氣潮濕時就更加嚴重,到依家都未物色到一個嘅,我
  已經上「淘寶」睇過,我要嗰類款都要過 $200 呀!


- 天氣凍咗之後,老竇就將把風扇洗乾淨兼包好,可能因為用咗一段時間兼長期受到西斜嘅「關
  照」,膠框外殼硬化變脆,攪到老竇一拆就幾乎粉碎,反正依家都唔會開風扇,暫時唔買住。


- 之前已經同大家講過買咗個新書櫃啦,cheap cheap 「宜家」貨色都成 $1,800 㗎!

- 早一個禮拜叫老竇換過個新濾水芯,大同細兩個都一次過換,點知大嗰個整極都出唔到水,後
  尾換過另外一個雖然正常無事出到水,但係個細濾水芯就攪到成個黑哂,好似發霉咁樣,即使
  係新換都要報銷啦!!之後拎番去「永安」換,佢哋話濕咗水之後就唔可以換,只係俾個代理
  商個電話我自己打去問,今日打咗去喇,點知唔接聽,只可以留言,到依家都未覆我!分分鐘
  $2XX 又無埋

- 上星期四去佐敦間「永安」換濾水芯時,諗住喺新設嘅屯門轉車站轉車過去會平啲兼快啲,慳
  錢兼慳時間,點知企喺巴士門等落車時,個司機完全唔記得咗駛入去轉車站,繼續喺屯門公路
  前進,過後先至抓抓頭話唔記得咗,猛 say sorry,唉, say sorry 又點呀,攪到我出到荃灣後
  要轉搭地鐵,搭貴車之餘又用多咗時間。

- 逢星期六都要一早 9:00am 去到京士柏教琴,次次都係捱住眼瞓去教,都唔緊要啦,反正有錢
  收就頂硬上啦,點知
上個星期六唔知醒起身,一掙開眼見到個天已經光哂,即刻嚇到彈起身,
  立即打電話俾個家長講聲唔好意思兼搵過個時間上番堂,點知個家長都係一貫作風,唔肯調時
  間、唔肯補堂、後加 15 分鐘都唔肯,咁都無辦法㗎,唔通𠼱地咩!咁咪唯有接受無咗幾百蚊
  呢個事實,當買個教訓囉!

- 噚日瞓醒起身時發覺條頸鍊個扣擘開,就斷就斷咁款,點知噚晚沖沖吓涼時卒之斷埋,成條
  鍊跌咗落嚟,好彩無跌落去水位沖走咋,咁即係又要拎去整啦,唉!想問問大家,係咪拎番去
  買嗰間金舖度整會平啲呀?

哋就話埋門一腳,我就埋門幾腳,你話死唔死呀!!好彩今年仲有半個月多啲就過,之前搭地鐵時見到某堪輿學家幫佢自己本生肖運程書賣廣告,預告來年各生肖主要運程,話我屬生肖來年旺偏財喎,睇嚟我都要出擊狂買六合彩、買馬、買波、過大海先得喇,補番哂呢個年尾蝕啲嘛!!


2013年1月20日星期日

伴手禮 - 橙皮果醬

就快農曆新年喇,Ernest 婆婆都要返家過年,所以今日就專登整咗樽 marmalade 送俾佢作為伴手禮,皆因橙皮果醬係婆婆嘅至愛哦!





小小心意,希望 Ernest 婆婆鍾意啦!








都係用番我一貫嘅果醬包裝手法啦,因為我對呢方面都無乜心得同天份!


杏脯雜果仁 biscotti


今日又整 biscotti,皆因 Lily 自從屋企有咗光波爐之後都開始試玩烘焙,之前已經試過用預拌粉整 muffin,跟住又話要整佢嘅至愛 biscotti。大家都知我一向都咁好人㗎啦,當然會先 guide 住呢位自稱為地獄廚神嘅老表實習一次啦!





哋睇,成品賣相都唔差㗎!








麵糰做形時就差少少喇!







哈,估唔到做起嚟都有板有眼喎!







今次用咗好多料呀,包括橙酒浸杏脯、杏仁、合桃、腰果同山合桃,
仲有橙皮茸、檸檬皮茸同迷迭香。









今次又係用番意大利傳統無油配方嚟整哦!






食譜請參考《迷迭香紅莓乾意式果仁脆餅》。


2013年1月18日星期五

貝殼蛋糕模 & 玉子燒煎 pan

以前媽咪成日都話,無事出街小破財,尤其係好似我哋呢啲住新界嘅鄉下仔出城,車費都真係唔小㗎!

但係我依家就會話,無事入 JUSCO Living Plaza 小破財囉!每次感謝日如果咁啱行過有間,都會走入去睇一睇,打個 round,諗住都係得個睇字啫,點知幾乎次次都總有一、兩件拎走。咪睇佢平平$12 件,買十件已經  $120 㗎喇,即使九五折後都要過百蚊!!




貝殼蛋糕模 & 玉子燒煎 pan 01y

今次就買咗個玉子燒煎 pan 同 madeleine 蛋糕模,大家即管拭目以待,
吓我幾時先會同佢哋剪彩喇!


新書櫃

呢排好忙,無時間 update blog、無時間探 blog 友、更加無時間巡 blog,皆因天氣凍,朝早唔多願起身,攪到時間唔好使,而且新書櫃上星期已經送咗嚟,老竇當日裝好之後我就開始要執嘢、搬嘢、丟嘢,一得閒唔使返工煮飯就係咁執、係咁移,所以完全無時間寫 blog。其實呢段時間都有好多嘢想同大家分享㗎,不過睇嚟都要慢慢後補囉!



呢個就係新書櫃喇!居然俾我買到個同舊嗰個
差唔多色同款,真係犀利!








你睇,兩個係咪好似呢!難得十幾年後都可以喺唔同公司
買到差唔多款,不過新嗰個就無咗幾個櫃桶,
啲唔方便囉!








舊嗰個櫃塊背板已經離開哂。









櫃門又凹陷,而且櫃桶仲甩底㖭呀,老竇用封箱膠紙
黐住佢,暫時頂住先咋!









攪足幾日,今日卒之都執好哂喇!!


2013年1月14日星期一

杏汁雙雪木瓜糖水


呢排天氣勁乾燥,好彩對手都唔係裂到慘不忍睹!

鍾意食甜嘢嘅我,喺呢個時候當然係會煲番個糖水潤一潤啦!( 查實係搵個藉口,好冠冕堂皇咁去食整甜嘢食啫,哈哈!! )

 

 


 




 


材料:
雪耳
無花果
南杏
北杏
雪梨
木瓜
冰糖


 


- 雪耳用清水浸發,洗淨、剪去硬蒂,汆水後過冷河;無花果用清水浸一個鐘,洗淨後開邊。



-
南北杏洗淨後用清水浸一個鐘,之後放入攪拌機內,加適量清水攪打成杏汁,隔渣待用。



-
雪梨去皮、去芯後切粒;木瓜去皮,開邊後去瓤去核,切粒。



-
煲滾水後將所有材料 (冰糖除外) 落煲,翻滾後轉中慢火煲至材料出味軟身。



- 冰糖加適量水煲成糖水,之後倒入主材料內,拌勻即可享用。




見到奶白色嘅杏汁已經覺得好滋潤,再食埋木瓜同雪梨,
加埋豐富膠質嘅雪耳,真係想唔潤都難啦!










噚晚除咗滋潤糖水,仲整咗沙茶豉椒青口炒烏冬做晚餐哦!






Notes
-
南杏與北杏用量比例為 41



- 可用蘋果代替雪梨。

2013年1月9日星期三

杏仁橙皮朱古力

整完 biscotti 之後用剩咗啲朱古力,當然唔會嘥啦,凝固咗之後咪當普通朱古力食囉!不過一向不甘平凡嘅我,當然又要攪番個小動作至安樂啦!就將之前整好嘅糖漬橙皮同杏仁片加埋入去啦!




好友們食過之後都讚好食,大家都不約而同覺得橙味好香濃哦!






將橙皮切成幼絲,而杏仁片就預先放入焗爐焗至香脆。







將朱古力重新調好溫之後,拌入橙皮絲及杏仁片,倒入模內,
等到完全凝固就可以切件享用啦!







詳細製作方法,大家可參考《糖漬橙皮》及《軟心朱古力 (咖啡味)》。

橙香榛子朱古力意式脆餅 Orange, Hazel Nut & Chocolate Biscotti


Biscotti 啱就係用嚟配咖啡,皆因可以蘸一蘸咖啡,等餅略為軟身先至食,否則真係硬到牙都會咬崩!


 

今次整呢個 biscotti,有半條係包上朱古力,諗住唔會蘸咖啡,就咁食,所以落番少少油脂,等佢唔使咁硬。傳統正宗唔用任何油脂嘅已經整過,用牛油嘅都試過,今次就試吓用液體油整啦!







材料:
榛子 適量
低筋麵粉 100
泡打粉 1 茶匙

50
少許

橙皮茸 1個橙份量
橙汁 1 湯匙
雞蛋 1
橄欖油 15


黑朱古力 適量


 


- 榛子放入焗爐用 140 10 15 分鐘,略攤凍後去衣。



-
粉類過篩 3 次,之後加入糖、鹽、橙皮茸及榛子均勻混合。



-
雞蛋拂打成蛋液,與橙汁及油拌勻,之後倒入粉料內,用膠刮攪拌成糰。



-
將麵糰拎出,放上已灑粉嘅牛油紙上,再喺表面灑上適量手粉,堆成長形。



-
放入已預熱至 160 嘅焗爐內,焗約 25 分鐘。



-
出爐略為攤凍後用刀切件,將切面向上,放入爐焗約 9 分鐘至表面金黃。



-
翻轉另一切面,再放入爐焗約 7 – 9 分鐘至金黃即可,出爐置於架上攤凍。



-
將朱古力調溫,然後將餅逐件蘸上適量朱古力,放回牛油紙上,待朱古力凝固即可享用。


 


以上材料份量可做餅約 15 件。






我自己就比較鍾意趁個餅仲係微熱時就切件,因為相對比較軟身,容易切開。







淨食已經覺得好好食,相對傳統無油嘅 biscotti 鬆脆,
當食到有朱古力部份時就更加滋味!



 



Notes
-
糖嘅用量可依據橙汁及朱古力甜度而有所調整。



-
由於麵糰比較濕同黏手,所以會用比較多手粉。


-
朱古力調溫方法,請參閱《軟心朱古力 (咖啡味)》。

2013年1月4日星期五

自家製銀針粉

識得整銀針粉,真係要多謝 blog 友緊張大師 小女人,個食譜係佢 share 俾我㗎!整銀針粉原來一啲都唔難,材料簡單,做法容易,只要有心機就一定得!而且整銀針粉有個好處,就係可以好快手咁清咗包澄麵哦!







材料:
澄麵 112
粘米粉 1 湯匙

木薯粉  1 湯匙
1/4 茶匙
滾水 170 毫升


 


- 粉類加鹽混合均勻,之後將滾水撞入,用膠刮快手攪拌成糰。



-
將粉糰拎出搓至光滑,然後將粉糰搓成長條狀。



-
逐少搣出約指甲大小嘅粉糰,先將其中一端搓長、搓尖,另一端同樣做法。



-
煲滾水,將粉糰放入烚至浮起,盛起後過冷河,瀝乾水後即可煮食。


 


以上材料份量約為 1 人份量。






銀針粉烚好之後都仲係白色,當沖水過冷河時即刻變得晶瑩通透。






 



細個時,媽咪每次煮銀針粉都係會用叉燒、冬菇同雞蛋嚟炒,依家自己
第一次整,當然都係跟番呢個方法啦,尋找回憶嘛!但我自己
就再加埋雞髀菇同沙茶醬一齊炒,仲惹味呀!








因為一直都係食炒銀針粉,所以完全無諗過會用嚟放湯煮,我之所以會
咁整,係因為去到調音師傅屋企同佢個仔上堂時,佢媽咪
好多時都會煮多一碗湯粉俾我做晚餐,咪就係咁
所以知道可以整將銀針粉放湯煮囉!







Notes
-
我自己整時跟足食譜用 170 毫升滾水,但完全不能成糰,最後要加多一倍粉類先至成功,所以
  若果粉類用量不變的話,滾水就要減一半。但之後再請教番緊張大師
小女人,佢話佢跟足食
  譜做完全無問題,我
諗可能係因為唔同牌子嘅澄麵受水性唔同,所以大家整時最好都係先用一
  半水,然後再視乎實際情況酌量加水。

- 有興趣的話,可以去到緊張大師 小女人 blog 度睇睇,佢有圖文並茂教點整哦!