最近學識咗整醃酸菜，原來勁簡單，幾乎可以話係無乜功夫可言，只係洗洗切切啫。整呢個甜酸醃菜最緊要就係校啱個醃汁材料份量比例，絕對係零失敗！
對於我呢個每餐不可缺菜嘅人嚟講，識整醃菜真係好方便，如果放咗工返到屋企無時間煮飯，之前又無煮落隔夜餸的話，開罐罐頭，加碟醃菜就攪掂，雖然唔係新鮮蔬菜，總好過無菜食呀！都係一餐半餐係咁啫，將就吓啦！
對於我呢個每餐不可缺菜嘅人嚟講，識整醃菜真係好方便，如果放咗工返到屋企無時間煮飯，之前又無煮落隔夜餸的話，開罐罐頭，加碟醃菜就攪掂，雖然唔係新鮮蔬菜，總好過無菜食呀！都係一餐半餐係咁啫，將就吓啦！
材料：
白醋 8 份
糖 6 份
鹽 1 份
- 將以上材料攪拌直至糖同鹽都完全溶解即可。
- 之後將自己鍾意用嘅蔬菜洗乾淨，再用乾淨飲用水過一過水、瀝乾。
- 將蔬菜放入醃料內攪拌均勻，然後倒入一個密氣玻璃樽內。
- 一個鐘頭後再攪拌一次，確保所有材料均勻入味。
- 醃一至兩日後就可以食用。
放喺密氣樽內，可以長時間保存，唔需要放入雪櫃。
呢次我就用咗嚟炒雞柳，又係追尋兒時味道哦！以前去嚫舅父屋企
食飯，舅母都一定會煮呢味餸，唔知係咪因為諗住味道
甜甜酸酸，實啱細路食呢！
Notes：
- 適宜選用較少水份嘅蔬菜嚟做醃菜，可避免過多水份滲出溝淡醃料。
- 如果鍾意的話，可先將蔬菜用小量鹽略醃，逼出多餘水份後再清洗去鹹，之後再放入醃料內。
- 鍾意食辣嘅朋友可以加入紅辣椒。
呢個唔啱我呢
回覆刪除[版主回覆01/26/2013 20:30:09]喚！咁整甜菜囉！
我鐘意呀，食左好開胃，而家都流緊口水啦。
回覆刪除[版主回覆01/26/2013 20:31:21]咁妳都試吓整啦！
睇見就開胃 !
回覆刪除[版主回覆01/26/2013 20:30:48]直情口水都即刻流埋呀！
8份...6份...咁即係幾多唧????
回覆刪除[版主回覆01/26/2013 20:35:24]咪即係 8 碗同 6 碗、8 匙羹同 6 匙羹、8 杯同 6 杯、8 克同 6 克、8 oz 同 6 oz、8 斤同 6 斤、8 噸同 6 噸、8 嘜同 6 嘜…………比例咋嘛，睇妳用咩單位囉！
多謝老友我呢排成日見到個個都整你都整了我都唔好客氣啦,我昨天剛做了二樽檸檬醬,現在不但老公愛連我媽媽都讚不了,吃到停唔到昨晚來吃飯又帶一樽食啦.媽媽還買了菠蘿要我整醬比佢食,亞媽好懂食呀,她跟了我老公口味後就十分懂吃...超cool的媽媽,又要多謝你的好介紹要不是我都不可以氹到家人咁開心呢.你呢個醃菜老公未必鐘意但媽媽愛爆啦
回覆刪除[緊張大師-小女人回覆01/28/2013 11:13:26]係呀,lemon curd 最受歡迎,天天焗方包咁可以塗來吃,媽媽大愛呢個甜酸醃菜架
[版主回覆01/28/2013 01:51:20]唔好客氣啦，都係同大家分享啫！
乜妳全家人都咁鍾意個 lemon curd 呀！？
咁妳整呢個甜酸醃菜俾妳媽媽歎啦！
酸酸的醃菜我like
回覆刪除[版主回覆02/17/2013 01:08:12]咁妳有冇試過自家醃製呢？