呢排天氣勁乾燥，好彩對手都唔係裂到慘不忍睹！
鍾意食甜嘢嘅我，喺呢個時候當然係會煲番個糖水潤一潤啦！( 查實係搵個藉口，好冠冕堂皇咁去食整甜嘢食啫，哈哈！！
材料：
雪耳
無花果
南杏
北杏
雪梨
木瓜
冰糖
- 雪耳用清水浸發，洗淨、剪去硬蒂，汆水後過冷河；無花果用清水浸一個鐘，洗淨後開邊。
- 南北杏洗淨後用清水浸一個鐘，之後放入攪拌機內，加適量清水攪打成杏汁，隔渣待用。
- 雪梨去皮、去芯後切粒；木瓜去皮，開邊後去瓤去核，切粒。
- 煲滾水後將所有材料 (冰糖除外) 落煲，翻滾後轉中慢火煲至材料出味軟身。
- 冰糖加適量水煲成糖水，之後倒入主材料內，拌勻即可享用。
見到奶白色嘅杏汁已經覺得好滋潤，再食埋木瓜同雪梨，
加埋豐富膠質嘅雪耳，真係想唔潤都難啦！
噚晚除咗滋潤糖水，仲整咗沙茶豉椒青口炒烏冬做晚餐哦！
Notes：
- 南杏與北杏用量比例為 4：1。
- 可用蘋果代替雪梨。
糖水好滋潤呀
回覆刪除[版主回覆01/20/2013 01:26:35]係呀，冬天天氣乾燥時飲最正！
[BK回覆01/18/2013 23:59:47]好滋潤好啱呢個寒冬飲今日記得要買雪梨!
[版主回覆01/18/2013 22:13:12]又話多工，點知我都未得閒睇妳第一個留言已經整好兼飲埋㖭！！妳得㗎喇妳！！
其實我都有考慮偷懶唔隔渣㗎，不過驚自己接受唔到好嚡口呀！
[BK回覆01/16/2013 16:05:45]呵呵⋯啱啱整咗飮埋連渣都吞埋
我好鍾意杏汁, 杏仁茶..., 真係好正
回覆刪除[版主回覆01/18/2013 22:14:15]杏仁茶直頭正到無朋友啦！之前整過一次加蛋白同 cream，發覺都係原裝齋用南北杏好味好多！
我只用了木瓜雪耳燉沒有你那多花心思添你比好多女仕細心呀,我吃了幾碗超級潤呀
回覆刪除[緊張大師-小女人回覆01/21/2013 11:58:49]好呀,
[版主回覆01/21/2013 11:39:16]咁當然啦，做正經事要一絲不茍哦！
好，新年後見面再慢慢傾。
[緊張大師-小女人回覆01/21/2013 09:06:21]哈哈,長篇啦,要見面同你分享一下,佢的是旦,簡直氣死我,但我又要算免大家唔開心,只是有時候看做乜野,重要既野唔可以是旦架...氣壞
[版主回覆01/20/2013 01:37:42]妳先生有幾 "是但" 呀？
[緊張大師-小女人回覆01/19/2013 12:00:38]你真係好細心其實係好既,好過我個:是蛋老公,真係怕了他.我燉了現在飲十分合適
[版主回覆01/18/2013 22:16:47]妳都整咗呀！加埋杏仁香好多、潤好多呀！
我由細到大，無論係媽咪、老師、同學定朋友，都話我仲細心過女仔，呢啲咪就係我哋呢種人嘅特質囉！
我對手就真係爆到七彩喇...要睇醫生開cream至得呀!
回覆刪除睇見都潤呀...可惜我唔好甜呢!
[版主回覆01/20/2013 01:36:40]妳對手都會爆得咁嚴重呀？做廚房嘢都好難避免囉！
其實妳可以唔使落糖呀，我未落冰糖前試過味，都有番一定甜度㗎，但係最緊要係個木瓜同雪梨夠甜。