2014年9月30日星期二

久未露面的班蘭雪芳

        葉太又返嚟香港,今次返港目的同上次剛好相反,係辦喜事哦!噚日約咗佢見面飲茶,當然要送份見面禮啦!
       
        雪芳蛋糕都整個好多次,亦試過好多款食譜,但始終都係《好吃戚風蛋糕輕鬆上手》最掂,最靠得住,所以今次整班蘭雪芳都係 base on 嘅原味雪芳食譜變化出來。
 
 

2014年9月26日星期五

希臘乳酪製作方法 Homemade Greek Yoghurt

        之前整豆漿乳酪時,咪話明白點解有啲食譜會加粟粉,而且絕大部份人都會加工成希臘乳酪,都係因為成品比較稀,質感欠奉,所以我都嘗試將佢製成希臘乳酪。
 
       呢個希臘乳酪製作方法並非只係適合用豆漿整乳酪,傳統用牛奶嚟整乳酪都可以同樣加工㗎!
 
 

盛放玫瑰

        前日 Winnie 嚟我家做交收,佢真係好有心,特意買了兩紮玫瑰花俾我媽咪,而且仲開得好靚㖭!
 
 

2014年9月24日星期三

沖繩手信

        Lily 早前去咗沖繩玩,返港之後就打電話俾我約時間學琴,佢一開口就問我有無事,我問佢我會有咩事,佢話見我呢個禮拜咁靜,Facebook 又無動靜喎,咁我就問佢係咪驚我自殺!?佢話以為得我一個人喺屋企暈咗都無人知!
 
        聽到老表嘅關心真係夠哂窩心,仲好過自己家人!!
 

又中又西

        上次整麵包俾 Ernest,由於時間關係,朝早唔夠時間整好兼出爐攤凍,所以試吓前一晚整好個麵糰,放雪櫃過夜低溫發酵,第二朝起身就處理埋餘下步驟,可以慳番啲時間。但係Ernest 媽咪話番俾我聽,個包唔掂,一切就散開!由於低溫發酵都係第一次嘗試,我自己都未試過,所以前晚就再試多次,睇睇情況點樣。
 
 
 

2014年9月19日星期五

豆漿乳酪 Soy Yoghurt

        上網搵 vegan 食譜及奶類製品代替品時,無意中發現原來用豆漿都可自製乳酪,唔一定要用牛奶,咁就又一天大喜訊哦!而且製作方法都好簡單,所以我又趁高興玩吓先。
 
       自家製作乳酪,最重要係控制好溫度,40 - 50 之間係最理想,最適合乳酸菌發酵。噚晚煮完飯之後,用溫度計度吓電飯煲個溫度,啱餘溫正正就係 40 ,咁我就索性放入去發酵過夜。因為呢次係第一次實驗,所以無自己煮豆漿,免得失敗時浪費我啲時間同功夫,買咗盒原味「鈣思寶」嚟做試驗。結果係點?係成功嘅,不過效果唔太理想,都幾稀!可能自己煮豆漿會好啲,商業產品就梗係水份多過黃豆㗎喇!之但係咁,我就從中明白到兩樣嘢:點解好多食譜都會落粟粉去整,同埋好多時整 homemade yoghurt 都會做多重功夫,將佢整成 Greek yoghurt 囉,唔係自己落手落腳整過都唔會知箇中因由!
 
 

2014年9月14日星期日

老友榮升做老闆

        噚日係老友 Li Kien studio 新張之喜,前兩日趁有少少時間,整咗個雪芳蛋糕送俾佢做賀禮,雖然唔係啲咩名貴禮物,但都係叫做自己嘅小小心意喇!
 

2014年9月8日星期一

中計!!

        暑假尾聲時,Ryan 一家同朋友去泰國旅行,作開學前最後衝刺,Ada 問我係咪鍾意食辣嘢,我已經好醒目咁話:「係呀,不過唔好買嘢俾我喇,真係唔好客氣呀!」佢無再追問落去,轉咗話題講佢班 friend 會過去狂入貨,咁我就話俾個網友個 blog 佢睇,可以參考一下有咩吃喝玩樂好主意,所以就將 blog 友鬼嫁個 blog send 俾佢睇。
 
 

再戰 Gennaro's Focaccia

        近排都好似好耐無試過瞓到自然醒,難得今日有機會,而之後幾日都無可能,所以噚晚就好安心咁瞓,今朝起身已經十二點幾。
 
        攪掂好哂之後落街買嘢煲湯,返到嚟見好似無乜嘢要做,於是又再試多次整 Gennaro focaccia,睇吓今次有無改善。
 

味噌涼瓜

       十五中秋當然要煮齋啦,買咗苦瓜今晚做餸,但買完先至後悔!
 
       屋企幾乎所有嘅醬料都唔可以用嚟煮齋,因為大部份生產商都一定會用五辛做材料,增加醬料香味之餘,食落更加惹味。清炒又唔多掂,同樣唔落得蒜頭同乾蔥頭,真係要名符其實 清炒至得囉!唔通要用茄汁嚟煮苦瓜,又或者好似整關東煮咁齋用豉油去煮!?提到關東煮,即刻諗到解決方法,就係用白味噌,應該係屋企唯一可以煮齋嘅醬料,即管一試吧!
 

再整多 round

        之前整嘅冰皮全數都送哂出去,自己都無份,不過都食咗啲下欄嘅!星期四出去教琴前都有啲時間,再整多轉啦,咁就自己都有月餅過節喇!而且因為材料全部都係純素,正日十五仲可以供佛㖭!!
 
        小弟祝各位    開心團圓過中秋呀!
 
 

2014年9月2日星期二

椰絲麻蓉冰皮月餅

        長期性都唔知過時過節係幾時,只係知道就快到某個節日,正確日子都唔太清楚,到將近殺到埋身先 驚覺要過節!
 
        得番一個禮拜時間,乜都無預備,無買到材料整月餅,所以求求其快手整幾個冰皮叫做應吓節啦!仙姐早前出咗五仁月食譜,下年一定要整呀!!
 

殲滅難食雪梨

        上次咪話買咗啲超難食嘅雪梨,又酸又有渣,後尾用嚟整 fruit crumble。仲有三個剩落嚟,要嚟煲糖水就最啱,肯定唔會再食到有渣,仲一定唔會覺得酸!!
 

簡單快手又一餐

        今日要早啲出門,但又瞓晏咗,所以無時間食第一餐就要即刻出門口。返到屋企已經五點幾,應該係食第二餐嘅時間就變成今日嘅第一餐!!要快快手整個沙律祭五臟廟。