葉太又返咗嚟香港，今次返港目的同上次剛好相反，係辦喜事哦！噚日約咗佢見面飲茶，當然要送份見面禮啦！
雪芳蛋糕都整個好多次，亦試過好多款食譜，但始終都係《好吃戚風蛋糕輕鬆上手》最掂，最靠得住，所以今次整班蘭雪芳都係 base on 佢嘅原味雪芳食譜變化出來。
材料：
低筋麵粉
蛋黃 3 個
糖
橄欖油 40 毫升
班蘭汁 40毫升
椰漿
蛋白 4 個
- 麵粉過篩 3 次。
- 用膠刮將蛋黃打散，加入 20 克 糖拌勻，之後依序拌入橄欖油、椰漿及班蘭汁。
- 篩入粉類，均勻攪拌成麵糊。
- 蛋白用電動打蛋器打至起泡，之後將剩餘嘅糖分 3 次加入，打成九成企身嘅蛋白霜。
- 先將 1/3 份蛋白霜加入麵糊內，用膠刮拌勻後就將剩低嘅蛋白霜分次輕手拌入。
- 將麵糊倒入模內，然後喺枱面輕敲數下，釋出較大氣泡。
- 放入已預熱至 180
°C 嘅焗爐內焗約 30 分鐘，出爐後立即倒扣攤凍。
- 蛋糕完全冷卻後即可脫模。
以上材料份量可做直徑 17 厘米 蛋糕
1 個。
將蛋白霜打到九成企身，入爐焗嘅時間發得特別好，
望落有啲似中式雞蛋糕哦！
因為見過有網友整班蘭雪芳時唔加椰漿，出嚟效果多數
都會變成螢光綠，好唔靚仔，所以我一定會加椰漿，
但咁樣班蘭汁用量就要相應減少，所以顏色
唔太出，香味都會變得較淡呢！
另外兩款班蘭雪芳蛋糕食譜：
沒有留言:
發佈留言