2014年12月29日星期一

送給表姐銀婚紀念的栗子蛋糕

        早前表姐喺 Facebook 度留 message,邀請我出席佢同表姐夫銀婚紀念晚宴,原來佢哋當年係正正年尾最後一日結婚,25 年前嘅事,我真係一啲印象都無,所以佢話當晚順便一齊倒數㗎喇!
 
        唔知係咪心有靈犀,我發覺自己咁耐都無試過整栗子蛋糕,諗住今次試吓整,送俾表姐同表姐夫做賀禮,趁老表入嚟學琴時同佢傾過,點知佢話原來佢家姐係超愛栗子蛋糕,嘩,咁唔整都唔得啦!!
  
 

2014年12月25日星期四

黑椒雜菜豆腐伴菜飯

        天氣凍都唔緊要,但就唔好落雨囉,攪到又凍、又濕、又寒,匿喺屋企都懶到唔願郁,乜都唔想做,不過始終都要攪掂好基本三餐。求求其其所有材料煮埋一碟就算,之前食剩幾條菜,用嚟做菜飯啦!
 
 

2014年12月24日星期三

迷迭香

        見到 blog Allie 成功種到羅勒,而且仲生長得好好,好茂盛,可以用嚟整麵包同 Pesto 醬,真係戥佢開心。我自己就無呢個福份去種 basil 喇,種嚫都死,無論係用種籽種定係現成盆栽買返嚟都一樣唔掂,可能都係因為間屋實在太熱喇!!
 
        啲咁熱嘅環境,最適宜種迷迭香,因為佢係屬於罕生植物,唔需要咁多水都可以生長到,最重要係唔怕熱嘛!仲記得之前我喺「一田」買到嘅 rosemary 嗎?雖然佢係放雪櫃賣,但居然生命力都幾頑強,種可以繼續生長哦!
 
 
 

東南亞風味

        冬蔭功、青咖喱雜菜同西米布甸都唔係第一次整,以前都已經整過,呢幾日分別又再整多次,不過今次有啲特別,原來三樣嘢都不約而同係用咗親朋好友送俾我嘅手信去整哦!
 
 

2014年12月18日星期四

薑餅風合桃鬆餅 Gingerbread Walnut Muffin

        我自己一向都唔多鍾意整曲奇類餅乾,覺得好麻煩、好多功夫,整好個麵糰之後又要切、又要搓、又要吸模、又要用匙羹逐少勺上烤盤、又要唧、又要 ……,之後又要分好幾盤入爐焗幾廿轉,真係用好多時間,最慘都仲係清洗工作,全部用具都油到不得了,洗都洗到隻手爛,依家天氣咁鬼凍,油脂凝固咗仲難洗!!
 
        其實我本身都幾鍾意食薑餅人嗰款薑餅,因為覺得香料味好吸引,不過就真係唔係人人都頂得順!之但係想食又唔想整,咁點好呢?將個食譜作少少更改,應用到 muffin 上,咁咪做起上嚟輕鬆得多囉,仲可以滿足到味蕾㖭!
 
 

全麥粉 biscotti

        上星期老表不斷打電話俾我,又問呢樣又問嗰樣,原來條友仔鬼死咁勤力喺度玩烘焙,一係唔整,一整就整成三樣嘢,包括 muffinscone 同麵包,由晏晝兩點幾整到天黑,呢位懶惰姑娘真係估佢唔到。雖然佢好少整,但呢次三樣嘢都算不過不失,起碼食落口都唔難食,個 scone 仲係第一次整㖭,合格有餘喇!
 
        見佢整得咁開心,我嗰日放工返到屋企都仲要做幾粒鐘清潔,即使個人已經好攰,都要開爐玩吓,整個至簡單 biscotti 就最啱喇!
 
 

2014年12月10日星期三

乾燒伊麵 & 麥米番薯湯水

         天氣轉冷,最啱就係食勁薑番薯糖水,真係名符其實甜在心,暖入心!!

        啲草菇越賣越貴,上年賣開 $6 / 4 $7,呢次買仲犀利,賣到 $9,即係維起 $36 / 斤!!咁攪法,真係買斤菜抵好多囉,起碼可以填得飽個肚!!


Focaccia Sandwich

        短時間內已經做過幾次 focaccia,皆因 Gennaro 個食譜真係好得,既簡單又效果好,唔使整乜種物種,又唔使低溫發酵過夜,包質都一樣咁好,而且我自己又好 buy 有香草嘅麵包。


2014年12月9日星期二

檸檬粟粉蛋糕 Lemon Sand Cake

        雪櫃有兩個檸檬擺咗喺度好耐,要諗辦法用咗佢!突然間《我愛和風洋菓子》裡面有個主要用片栗粉整嘅檸檬蛋糕,不妨一試,睇吓效果係點。
 
        我自己就無專登走去買包片栗粉返嚟整,只係用粟粉代替咋,反正都係澱粉。外國人都有用澱粉整蛋糕,稱為 sand cake,因為澱粉本身係無筋性,所以成品個 texture 會比較鬆散,真係糕如其名,質地食落真係好似食到成口鬆散沙,而且仲會有入口即溶嘅感覺㖭!不過我自已就唔係咁喜歡個 texture,試過就算喇!
 
 

2014年12月2日星期二

橙醬龍眼甜酸麵筋

        唔知係咪因為自家製果醬無落防腐劑嘅關係,樽 marmalade 個樽口居然有一細嚿 喺度,趁仲未波及到果醬,快手食埋佢,用嚟代替糖去煮餸就最快手清哂佢!