黑椒雜菜豆腐伴菜飯

        天氣凍都唔緊要，但就唔好落雨囉，攪到又凍、又濕、又寒，匿喺屋企都懶到唔願郁，乜都唔想做，不過始終都要攪掂好基本三餐。求求其其所有材料煮埋一碟就算，之前食剩幾條菜，用嚟做菜飯啦！

 

 

材料：
豆腐
翠玉瓜
雞髀菇
蒜片

調味料：
鹽
糖
黑椒醬

- 所有材料洗乾淨後切粒，豆腐放滾水內汆水，盛起瀝乾水份。

- 燒熱油，爆香蒜片，加入翠玉瓜兜炒，然後落黑椒醬及少量水兜勻。

- 翠玉瓜煮至微微軟身後，將豆腐同雞髀菇落鑊，兜炒片刻。

- 加適量鹽、糖調味後即可上碟。

 

咁就攪掂好一個懶人餐喇！

冬天食辣除咗可以 “醒神” 之外，食後仲覺得暖笠笠哦！ ^^

Notes：
- 若果加入豆腐後仍有出水的話，可用生粉水埋芡。

- 菜飯做法，請參考《糖醋排骨菜飯》。