見到 blog 友 Allie 成功種到羅勒，而且仲生長得好好，好茂盛，可以用嚟整麵包同 Pesto 醬，真係戥佢開心。我自己就無呢個福份去種 basil 喇，種嚫都死，無論係用種籽種定係現成盆栽買返嚟都一樣唔掂，可能都係因為間屋實在太熱喇！！
呢啲咁熱嘅環境，最適宜種迷迭香，因為佢係屬於罕生植物，唔需要咁多水都可以生長到，最重要係唔怕熱嘛！仲記得之前我喺「一田」買到嘅 rosemary 嗎？雖然佢係放雪櫃賣，但居然生命力都幾頑強，種可以繼續生長哦！
你睇，佢依家都不斷咁有橫枝生長緊。
起初先將迷迭香用水種至生根，然後先至移到花盆用泥種，
但因為怕唔成功，所以留番兩枝繼續用水養住。
一直到依家都無理佢，繼續用水養，啲根
越生城多，多到形成一個桶狀！
即使剪過幾次用嚟整 focaccia，佢都依然
唔死得，仲有嫩葉出緊呀！
哇～你的rosemary好勁，好多根！
回覆刪除我都試過用插皮法種rosemary，種到有嫩葉生出來添...
但係後來我發現佢有白色蟲仔，好細隻一點點的，我嚇到成盆掉左...>"<
見你種得咁好，我又想再試..:P
吓，有蟲咁驚！！！^^" 好可惜哦！
刪除快啲種啦，我都種得到，妳實無問題啦，連 basil 都種得咁成功！
Kestrel, 你啲rosemary勁多根，我都想試吓自家種
回覆刪除手快快，唔記得同你講聖誕節愉快!
刪除Cici，我都祝妳聖誕快樂呀！
刪除妳都試吓種啦，應該唔難種。
用水養都咁靚，我都想試吓，我好怕用泥種嘢，怕有昆蟲。
回覆刪除我屋企都有好幾盆盆栽，包括呢個 rosemary 同 oregano，但種咁耐都無蟲喎！我估最緊要唔好長期太濕。
刪除係呀，估唔到用水種啲入過雪櫃嘅香草都可以咁靚，但妳有無留意，只可以維持住生命唔死得，但就唔會好似用泥種嗰兩棵咁生出橫枝喎！！
聖誕快樂！rosemary 好粗生， 如果種落地，好快種到棵樹出來呀。
回覆刪除Samwei，Merry Christmas！！
刪除嘩，種到成棵樹咁勁！？
Kestrel ～聖誕快樂♡(^ω^)♡
回覆刪除謙盈媽媽，Merry Christmas！！
刪除