樽日式芝麻醬其實已經食哂好耐,但係一直都唔願郁手整,因為覺得洗芝麻同花生去衣好鬼死煩!
夏天有日式芝麻醬好方便,因為整好多涼拌菜式都可以用到佢。
今次好有心機同耐性咁去打芝麻同花生,你睇,真係完全打到變成糊狀呀!
哈哈,學識咗呢個懶人餸之後,放工返到屋企無乜時間煮餸的話,就靠佢喇!
鍾意食杏仁同豆腐嘅我,理應會鍾意食杏仁豆腐,呢個係理所當然㗎啦!但係偏偏我又好怕食,點解?因為喺街外食嗰啲真係太難食喇,味道假到呢 ……… 同細個嗰陣時食過又紅又綠嘅糖漬車厘子不相伯仲,一樣咁恐怖!!所以我一直都幾抗拒杏仁豆腐呢樣嘢!
材料:
黃豆 80 克
南杏 80 克
北杏 10 克
水 500 毫升
糖 適量
魚膠粉 8 克
- 黃豆同南北杏洗淨,用清水浸過夜,第二日再過一次水。
- 將黃豆、南北杏放入攪拌機內,加水攪打成杏仁豆漿。
- 豆漿隔渣倒入煲內煮滾熟透。
- 加糖攪拌至完全溶解,熄火攤凍。
- 魚膠粉逐少加入 80 毫升豆漿內,攪拌均勻後座熱水至完全溶解。
- 將混合有魚膠溶液嘅豆漿倒回煲內,拌勻後即可倒入模內。
- 放入雪櫃雪凍至凝固即可。
以上材料份量可做 9 厘米 X 13 厘米 X 3 厘米杏仁豆腐 1 件。
雖然成功做到 “真” 嘅杏仁豆腐,但都係有點美中不足,因為我一向都會用番
啲豆渣,所以我唔敢落北杏一齊打,啲人成日話北杏有輕微毒素,
唔可以多食,所以我咪唔敢加埋一齊打囉!最終個杏仁豆腐
食落都有濃郁杏仁味,但杏仁嘅香味就差咁啲囉!
加埋西瓜、奇異果同熱帶雜果,就成為一款美味消暑甜品喇!
Notes:
- 如果想做到豆腐花嘅質感,魚膠粉用量可減至 5 – 6 克。
- 豆漿一定要徹底煮至熟透先可以飲用,詳見《自製豆漿煮法》。
做我呢行,成日都會穿房入舍,除咗會見到大廳同放鋼琴嘅地方之外,可以的話,好多時我都會𥄫吓人家個廚房。
發覺原來好多家庭都會用到碗碟瀝水架,因為我屋企一向都無用呢樣嘢,所以我亦唔知道點解要用,因為我哋習慣洗乾淨哂啲碗碟之後就即刻抹乾,放番入櫃,覺得如果洗淨哂又就咁放番喺個架度就鋪番哂塵,即係一樣唔乾淨!但最近發覺,原來佢對我嚟講都好有用!
依家啲毛巾都唔知做乜鬼,抹得一、兩隻碗碟就已經索滿哂水,一定要扭乾先可以再抹下一隻,以前都成日聽到媽咪投訴呢個情況,但因為當時只係間中幫吓手,唔覺情況咁惡劣,到依家自己一個人落手落腳去做就知道煩,煮一餐會用到幾多廚具碗碟至得㗎,真係扭毛巾都扭到暈,而且我又係要求塊布要好乾好乾先用,所以呢幾年間,不經不覺已經扭到兩隻手起哂繭,所以我就打算買個瀝水架返嚟,等啲碗碟廚具都 "擎" 水 "擎" 到七七八八先抹,睇吓會唔會好少少。
因為係第一次用,求其買個平平哋試吓用住先,睇吓效果好唔好,點知俾我
發現「AEON Living Plaza」有得買喎,我仲等到做九折先買,
只係 $10.8,真係抵玩!
初初見到左手咁樣,仲以為係起水泡,摸落去超硬,先知道原來係繭。
右手都唔好得去邊,依家仲厚到硬皮開始脫落呀!
俾著以前,要抹乾哂呢堆嘢,閒閒哋要扭十幾廿次毛巾先抹得乾哂,淨係抹隻鑊
都要扭幾次啦!依家好好多喇,扭幾次都已經攪掂,如果相對濕度低的話,
好多時擺一陣間都已經乾哂,根本唔使再抹就已經可以放入櫃喇!
希望可以緩和一下對手啦,再係咁扭落去,
份份鐘風濕關節炎㖭呀!
湯種
材料:
高筋麵粉 9 克
水 45 毫升
- 先將水倒入小煲內,再加入高麵粉,用打蛋器拌勻。
- 用慢火加熱,邊煮邊用打蛋器攪拌。
- 當加熱到 65 °C 時就可以離火,麵糊變得濃稠兼攪拌時留有紋路。
- 煮好湯種後冚好煲蓋,攤凍備用。
主麵糰
材料:
杞子 15 克
高筋麵粉 175 克
薑粉 5 克
糖 15 克
鹽 3 克
即用酵母 5 克
雞蛋 1 隻
水 約 45 毫升
橄欖油 20 克
- 杞子洗淨後用水浸軟,瀝乾水備用;雞蛋拂打成蛋液。
- 將麵粉、薑粉、酵母、鹽、糖、湯種及 42 克蛋液混合,逐少加水搓至起筋。
- 加油繼續搓成麵糰,放上已灑粉嘅枱面,繼續搓揉及摔打成光滑麵糰。
- 將麵糰滾圓,放入已灑粉嘅兜內,用保鮮紙封好,發酵 45 分鐘。
- 麵糰排氣後平均分割成 2 份,分別滾圓,靜置鬆弛 15 分鐘。
- 將麵糰壓平,然後用擀麵棍擀開至長度與模長度相約。
- 反轉麵糰,將麵糰慢慢捲成長條形,捏緊收口。
- 兩條麵糰放入模內,發酵至麵糰稍微高出模邊。
- 將剩餘嘅蛋液掃於麵糰表面,放入已預熱至 170 ℃ 嘅焗爐內,焗約 25 分鐘即成。
- 出爐後立即移至架上攤凍。-
以上材料份量可做 9 厘米 X 18 厘米 X 6 厘米麵包 1 條。
未焗嘅麵糰有種白裡透紅嘅感覺,好可愛哦!
見到呢片麵包,你哋諗起咩呢?我諗到「嘉頓」個 logo 喎!
食到有薑味,不過可能因為我一向都食得比較辣,所以覺得
薑粉可以再落多啲,味道再濃啲會更啱我胃口呀!
之前喺圖書館借過一本法國「藍帶」出版嘅西點其礎製作食譜,對我嚟講非常有用,因為我好鍾意呢一類嘅 “工具書”,跟住個 basic recipe 就可以自己變化出不同口味。我覺得 Ernest 媽咪都應該會鍾意,所以未還之前都借俾佢𥄫一𥄫,點知佢有一日同我講佢已經買咗本書,咁我既然都咁鍾意,就搭佢訂開書時就幫我再買多一半,咁就方便好多,隨時隨地都可以揭嚟睇睇,參考一下。
查實天熱拎住個 mousse cake 周街走都真係幾危險,所以個 mousse cake
一早放咗上冰格,雪到成嚿 "硬掘掘" 咁先拎出街,喺個保溫袋入面
放嚿超大型冰種,再提早出門口去接 Ernest 放學搭順風車,
咁就可以避免喺街等巴士時遇熱溶化,所以上到
佢屋企時仲可以完整無缺,完全無事!
如果唔灑上防潮朱古力粉,你哋話似唔似一板豆腐呀?
Blog 友們交換嘅禮物,都不外乎食材同烘焙用具呢!
我成日都會整定啲muffin 放入冷宮,隨時隨地解凍後就做早餐或帶出街頂肚,
有咗一個真正屬於自己嘅模之後就可以將依家用緊嗰個還番俾老友喇!
我係一個唔可以徒手畫直線嘅人,所以呢把 "上方寶劍" 就非常
啱我用,其實諗咗買唔買好耐,但係又唔係成日用,
所以一直都未有行動,咁依家就解決問題啦!
記得以前都有一個呢款粉篩,但係好似爛咗之後就無再買到,依家多一個用都好,
方便阿茂聚會時分工。自從要整雙色雪芳之後就發覺唔夠兜用,
正在物色期間妳就出現,實在太好喇,又慳番筆!
睇得我個 blog 多就估到我會鍾意飲呢隻茶,妳都幾犀利喎!
仲有妳嘅得意之作,最拿手嘅卷蛋,果然捲得好靚,
好睇又好食呀! 又再一次印證,
正宗日本抹茶顏色真係夠哂綠,
但就真係無乜味囉!
好彩我都買咗個知妳一定啱用嘅蛋糕模,整咗妳期待已久嘅西點,同埋請妳食咗餐勁 cheap 嘅 lunch,如果唔係我都真係非常唔好意思呀!下次再見妳時應該再無存貨喇啩!?
一直都覺得雪芳蛋糕比較難去做裝飾,當然,如果抹上打發忌廉之後就可以有多啲變化,但查實唔係太多人鍾意食 cream 囉,尤其係送禮,如果對方唔鍾意的話,咁就真係浪費心機,自己白做功夫之餘,對方又未必欣賞。但係自從上次整過抹茶豆腐雙色雪芳之後,發覺效果都唔錯,即使唔抹 cream 都唔算太差,都見得吓人。
材料:
熱水 55 毫升
伯爵紅茶葉 1 湯匙
南瓜 50 克
橙汁 30 毫升
低筋麵粉 80 克
蛋黃 3 個
糖 60 克
橄欖油 35 毫升
橙酒 1 茶匙
橙皮茸 1 個橙份量
蛋白 4 個
- 先將 1/2 湯匙茶葉加入熱水內攪拌,冚蓋焗 3 分鐘,之後用茶隔過濾,攤凍備用。
- 南瓜切粒,隔水蒸至半腍狀態,趁熱用叉壓爛,加入少量橙汁拌成南瓜蓉。
- 用膠刮將蛋黃打散,加入 20 克糖拌勻,加入橄欖油攪拌勻均後平均分成兩份。
- 將剩餘嘅茶葉放入攪拌機內打碎,連同 30 毫升紅茶加入其中一份蛋黃混合物內。
- 另一份則加入南瓜蓉、剩餘橙汁及橙皮茸,攪拌均勻。
- 麵粉過篩 3 次後平均分成兩等份,分別加入兩款蛋黃混合物內,攪拌成麵糊。
- 蛋白用電動打蛋器打至起泡,之後將剩餘嘅糖分 3 次加入,打成八成企身嘅蛋白霜。
- 將蛋白霜平均分成兩份,分別拌入兩款麵糊內。
- 將兩款麵糊交替地倒入模內,然後喺枱面輕敲數下,釋出較大氣泡。
- 放入已預熱至 180 °C 嘅焗爐內焗約 30 分鐘,出爐後立即倒扣攤凍。
- 脫模後即可享用。
激死人喇,偏偏個蛋糕係要嚟送禮,脫模時先至整爛咗個蛋糕面!!
伯爵紅茶味嘅位置完全無事,全部出事都係南瓜麵糊嗰啲位置,
我懷疑可能係因為多咗南瓜蓉會比較吸油,攪到
唔夠油份而黐模,下次再整多次時試吓唔
扣減油用量,睇吓會唔會好啲先!
唉,無理由做完一大輪功夫唔送俾人㗎!唯有遮遮掩掩啦,
希望兩位老師唔好介意喇!
Notes:
- 南瓜勿蒸得過腍,否則會大量出水;而橙汁用量則視乎南瓜蓉嘅濃稠度而調整。
- 若茶葉本身已經好碎的話,可用咖啡濾紙過濾茶液。
- 如果過濾後的紅茶份量太少的話,可加清水至 30 毫升。
之前個燒味三寶飯真係好吸引嗎?好多 blogger 都以為我係喺街買返嚟!個炒飯就仲神奇,post咗喺 facebook 度就勁多好友俾個 “like”,就連仙姐都俾個 “like” 我,真係受寵若驚㖭呀!!間唔中見到仙姐都 like 我啲 “吔吔鳴” 出品,都幾開心呀!!
乾果用拔蘭地浸足兩日,又加埋肉桂粉同雲呢嗱 extract,真係香到呢………
以前焗唔到靚靚爆裂直紋,原來又係因為無發熱線嘅原故,自從
知道咗之後,每次焗pound cake 時,頭 15 分鐘都會先用
grill 模式,開行幾枝石英管,咁就攪掂呢個問題喇!
其他磅蛋糕食譜:
- 咖啡磅蛋糕
- 雜乾果杏仁磅蛋糕
- 橙香杏仁磅蛋糕
- 柚子蜜磅蛋糕
- 抹茶合桃磅蛋糕
- 肉桂焦糖蘋果蛋糕
- 燕麥全麥香蕉蛋糕
- 香蕉蛋糕
將嚿脢頭洗乾淨後就用醃料醃好,夜晚放入爐度焗熟就有叉燒食。
雞翼就仲簡單,洗淨汆水,用現成瑞士汁煮 5 分鐘,
熄火焗熟就攪掂,乾手淨腳。
鹹蛋就不嬲都會不時醃定放雪櫃,無餸開飯又唔想食罐頭時就最啱喇!