做我呢行，成日都會穿房入舍，除咗會見到大廳同放鋼琴嘅地方之外，可以的話，好多時我都會𥄫吓人家個廚房。
發覺原來好多家庭都會用到碗碟瀝水架，因為我屋企一向都無用呢樣嘢，所以我亦唔知道點解要用，因為我哋習慣洗乾淨哂啲碗碟之後就即刻抹乾，放番入櫃，覺得如果洗淨哂又就咁放番喺個架度就鋪番哂塵，即係一樣唔乾淨！但最近發覺，原來佢對我嚟講都好有用！
依家啲毛巾都唔知做乜鬼，抹得一、兩隻碗碟就已經索滿哂水，一定要扭乾先可以再抹下一隻，以前都成日聽到媽咪投訴呢個情況，但因為當時只係間中幫吓手，唔覺情況咁惡劣，到依家自己一個人落手落腳去做就知道煩，煮一餐會用到幾多廚具碗碟至得㗎，真係扭毛巾都扭到暈，而且我又係要求塊布要好乾好乾先用，所以呢幾年間，不經不覺已經扭到兩隻手起哂繭，所以我就打算買個瀝水架返嚟，等啲碗碟廚具都 "擎" 水 "擎" 到七七八八先抹，睇吓會唔會好少少。
因為係第一次用，求其買個平平哋試吓用住先，睇吓效果好唔好，點知俾我
發現「AEON Living Plaza」有得買喎，我仲等到做九折先買，
只係 $10.8，真係抵玩！
初初見到左手咁樣，仲以為係起水泡，摸落去超硬，先知道原來係繭。
右手都唔好得去邊，依家仲厚到硬皮開始脫落呀！
俾著以前，要抹乾哂呢堆嘢，閒閒哋要扭十幾廿次毛巾先抹得乾哂，淨係抹隻鑊
都要扭幾次啦！依家好好多喇，扭幾次都已經攪掂，如果相對濕度低的話，
好多時擺一陣間都已經乾哂，根本唔使再抹就已經可以放入櫃喇！
希望可以緩和一下對手啦，再係咁扭落去，
份份鐘風濕關節炎㖭呀！
有些放入碗盒會發毛
回覆刪除香港太濕了
[版主回覆06/25/2013 01:25:14]係呀，所以一定要好乾身至得囉！
我反而係抹完先 "擎" 水
回覆刪除[版主回覆06/25/2013 01:25:59]抹完先 "擎" 水！？ 都已經抹乾囉！
我地一向都咁郎乾的碗碟架
回覆刪除[版主回覆06/25/2013 01:26:48]我屋企無呢個習慣，所以我之前完全唔知道佢嘅作用。
我都係用碗碟架等佢自然風乾！
回覆刪除[版主回覆06/26/2013 01:15:42]我見好多家庭都係咁做，但我屋企真係無呢個習慣。
扭毛巾扭到起繭
回覆刪除[版主回覆06/26/2013 01:14:23]勁呢！前無古人呀！
乜你條巾咁得意既,你買一些吸水力強少少的巾用啦,我家都係用這些放碗碟的,但下面仲有個盆可以去水的.你隻手都幾.......繭喎
回覆刪除[緊張大師-小女人回覆08/06/2013 09:45:25]
[版主回覆08/05/2013 20:00:44]咁妳又唔睇吓無錫骨、bagel 同 kimchi，咪得一個人囉！
[緊張大師-小女人回覆08/05/2013 15:31:13]我先生試過咁,咪就搞到出血,因高速公路返大埔無可能半路停比你,但第一站佢要下車都搞出血了,你都要小心,你看今篇你有九位訪客呀,誰說無人睇你寫野呀
[版主回覆08/04/2013 15:16:58]淨係嗰日有事，之後又無喇！
所以我真係好少喺街食，食完出事又正正搭長途車返屋企都唔知幾難頂，一個鐘車程都好似搭一年咁耐！！！
[緊張大師-小女人回覆08/03/2013 09:25:57]啊,太肥膩令你瀉呀,咁你一定唔可以食咁油既食品,一食會出事,今日見點呀.
[版主回覆08/02/2013 02:32:13]昨晚又痾喇，不過呢次我預計到，因為無錫骨實在太肥喇！
[緊張大師-小女人回覆08/01/2013 17:51:45]咁證實係你當天身體情況差少少所以才有此機會.因為無其他理由
[版主回覆07/30/2013 19:51:12]同妳食完飯之後嗰晚飲埋啲隔夜湯，又係無事！！
[緊張大師-小女人回覆07/25/2013 11:31:46]拿拿拿,你之前食過不代於你今次食係會無事,體質係一個問題,你身體當時強弱又係另一問題,食物又係第三因素所以好難一句講得到話你早前食無事點解今次會有事
[版主回覆07/24/2013 03:26:16]今晚食冷面、飲隔夜素湯加朱古力布甸，3 樣嘢之前食開都無事，唔知做乜今晚食完就痾！
[緊張大師-小女人回覆07/22/2013 16:15:42]我試過一次唔會再買貴我巾啦,無鬼用既,我只怕你老來又無油脂係身上保護你,你會容易出問題,所以你要吃少少,一點點肥的肉,好少啦,起碼不會一點油都沒有
[版主回覆07/02/2013 02:56:53]所以其實買貴毛巾都無用！
我廚房個鋅盆不嬲都有個膠盆用嚟接啲乾淨水，我將個架放上去咪得囉！之後盆水就可以用嚟洗碗。
基本上我搽咩都無用，因為皮膚唔識吸收潤膚霜，只會長期留喺表面！
[緊張大師-小女人回覆06/30/2013 08:08:30]你都係咁講呀,我爸爸出Show有個歌迷送上二條好貴好靚的我巾,爸爸送了給我先生點知,用了一個月唔夠爛晒,我好似有post出來但好耐以前既事要有排搵,所以唔可以信,對有下面那盤貴好多,所以有無都一樣不一定要買.你用下手霜啦..勤力仔.
[版主回覆06/26/2013 01:14:03]用過無數款式的毛巾都係咁，連喺加拿大返嚟嘅 auntie 都係咁講，證明根本係依家啲毛巾質素差！
我之前周圍去睇時，大多數都係連底盤，一來價錢相對貴好多，二來又多一件要存放，所以最後無買到。
無法啦，我好力嘛！
大哥~~你又真係跨咗少少嘅...我反而唔鐘意用毛巾抹...幾乾淨都覺得有陣味咁囉!
回覆刪除[版主回覆06/27/2013 13:31:47]點解會有陣味呢？
hahaha....我一定唔會用布呀!!!
回覆刪除好晒時間呢~~
[版主回覆07/02/2013 15:05:26]因為屋企不嬲習慣洗淨後即刻放番入櫃，所以咪會用布抹乾囉！
咦~吉之島十二蚊店幾時有九折呀?要會員先有的嗎?
回覆刪除你令我都想買番個哈哈
[版主回覆08/05/2013 19:55:26]度叔同節儉咪又係一樣，不過叫法唔同咋嘛！！
[緊張大師-小女人回覆08/05/2013 15:32:34]你唔咪度叔你係節儉,這是美德,我媽咪話架,做人唔好浪費呀.
[hon amy回覆07/15/2013 02:13:14]haha
[版主回覆07/04/2013 12:57:32]唔係會員日嚟㗎，依家佢久唔久失驚無神就做九折，所以要間唔中就走去𥄫住佢做特價至得呢！
買啦，咁平，即使係原價 $12 都抵啦，呢個價錢，食個快餐 tea 或搭程長途車都唔得啦！係我咁 "度縮" 先至等到做九折先買啫！！