樽日式芝麻醬其實已經食哂好耐，但係一直都唔願郁手整，因為覺得洗芝麻同花生去衣好鬼死煩！
上次同 Li Kien 去探陳老師時，喺佢屋企食埋 lunch，其中有碟茄子 Li Kien 一食就話非常好食，但原來其實超簡單，工人只係將茄子蒸熟，之後再撈個日式芝麻醬就攪掂，食過之後，覺得又真係幾好味喎！於是就令到我 “的” 起心肝去整芝麻醬喇！
夏天有日式芝麻醬好方便，因為整好多涼拌菜式都可以用到佢。
今次好有心機同耐性咁去打芝麻同花生，你睇，真係完全打到變成糊狀呀！
哈哈，學識咗呢個懶人餸之後，放工返到屋企無乜時間煮餸的話，就靠佢喇！
唔係懶只係你下班時間太趕而已,那學懂了就方便多,但係我要考慮下整唔整芝麻醬先,要咁樣打法......但總比在外買回來好多喎,自家整有保證
回覆刪除[緊張大師-小女人回覆07/22/2013 16:05:09]哦,明白啦,知道了
[版主回覆07/07/2013 19:33:06]查實買現成方便好多，而且味道其實係無咁好味，因為唔係用日本芝麻整，如果用日本芝麻整的話，成本貴好多，不如買好過囉！
真係乜鬼都自家製架喎 勁!
回覆刪除[版主回覆07/07/2013 19:32:06]唔知點解，如果嗰樣嘢我識整的話，就提唔起勁去買現成！唔係勁嘅，係脾氣怪囉！