抹茶 granola

        又要多謝老友喺日本帶返嚟嘅手信呀！！

 

 

多謝！！

        Ernest 媽咪今日送咗本食譜俾我，係仙姐嘅《點點我心》。

 

        一向都好鍾意仙姐嘅食譜，尤其係中式點心，做出嚟成品特別合心水，各方面都恰到好處，因為仙姐通常都習慣將個食譜整 N 次咁多，邊做邊調整食材份量，直到自己完全滿意為止先將食譜公諸於世，所以佢嘅食譜一定信得過，而且一定可以成功整到，唔似得有啲食譜咁整幾次都唔成功，根本就係個食譜有問題，又或者係刻意將所謂嘅 "秘方"、"秘訣"、"秘技" 收埋，唔係完完整整咁跟大家分享，用咁嘅心態去出食譜，不如唔好出好過啦，我自己就覺得同扼錢都無乜大分別！！

 

 

海藻糖

        早前 Ernest 媽咪送咗包海藻糖俾我，佢話用佢嚟整 muffin，個 texture 會相對鬆軟濕潤，我自己都試過好幾次，發覺效果都真係唔錯，所以都想同大家分享一下呢隻糕餅嘅 moisturizer！！

 

 

回禮

        好耐之前表姐送咗兩樽榛子朱古力醬俾我，我應承佢用個醬整番個西米布甸俾佢做回禮，不過因為早前不在狀態，乜都唔想做，所以一直都無行動。

 

        上個禮拜大表哥見到我因為藥物副作用關係，攪到依家又熱又濕嘅天氣手指都乾到爆拆，所以佢就送咗枝 "隱形手套" 俾我，等我成日濕水做嘢都唔使咁傷！

 

        趁依家狀態唔錯，整個西米布甸一次過做回禮算喇，懶得就懶嘛，哈哈！！

 

 

 

多謝素友

      早前素友 Alice 去開大埔，順道去埋「樹記」入貨，仲專登打個電話俾我問我有咩要買，順便幫我買埋返嚟。

 

      真係好多謝佢咁有我心，唔使我搭車由西到東去買！

 

 

惠州梅菜

        上次素友 Alice 過嚟學做阿茂時，專登送我一包惠州梅菜，惠州嘅梅菜就夠哂出名，真係要多謝呢位朋友嘅心意！

 

 

心意

        前幾日收到 ex 個 whatsapp，話買咗份 XX 禮物俾我，問我幾時得閒喺屋企，佢拎上嚟俾我。咦，我咪已經同身邊所有人講好咗，呢日唔好再對我有任何動作，亦唔好旨意我會對你哋有咩表示，唔通到佢老人癡呆！？

 

        之後我哋傾咗一輪偈，佢離開時同我講，叫我自己多啲聽吓音樂啦！呢一刻我終於明白點解佢今年又突然重提呢一日，仲送禮物俾我，原來係別有用心，希望我可以聽多啲音樂舒緩情緒，早日康復。

 

 

 

泰國手信

        其實我一直都唔多朋友，因為我一向都好揀擇、好小心，宗旨係寧缺莫濫，重質不重量，好嘅話一個已經好足夠！尤其係當知道自己原來係有病之後，就更加懂得點去選擇人溝通，溝通唔到嘅，避得就避，以免影響自己，要學識自保！

 

        我依家嘅朋友，大部份都係由學生或學生家長關係開始，大家相處耐咗，溝通得到之餘又能夠彼此了解及關心的話，大家就會變為好朋友。之前收到嗰份驚喜加感動嘅禮物，送俾我嘅人就係由學生變成好友；今次送俾我呢份手信嘅人，就係由學生家長變成好朋友，佢每次去旅行都必定會買一份手信送俾我，真係好有我心！而呢位好友本身係一位護士，由我媽咪當年發病，到今時今日自己有事，佢都有俾到我合適意見同幫到我好大忙呢，真心要感激呢位好朋友！！

 

 

超級驚喜、超級感動！！

        有日中心同事 whatsapp 我，叫我得閒就上去拎個郵件，我心諗，點解會有人知我工作地點同地址嘅呢，唔通我有資料俾人盜用咗嚟做犯法嘢！？

 

 

老表的新年禮物

        以往過年玩 "交換禮物"，大家都係以長輩為目標去買嘢，但呢幾年老表就改咗買嘢俾我，因為知道我老竇都唔知有無機會享用到，與其係咁，倒不如索性買啲我啱用嘅嘢更加實際。

 

 

肩頸按摩器

        長期性頸膊痛真係好困擾，而且亦確確實實咁體會到以前成日聽到老人家所講嘅 "仲準過天文台"，更重要係，頸膊痛亦係其中一個導致到我成日頭痛嘅原因！以前曾經有段時間跟媽咪一齊去做推拿，嗰段時間係成世人覺得最舒服，唔單只少好多頭痛同頸膊痛，成個人都超精神爽利，完全無任何倦意，不過可惜收費極貴，幾百蚊粒鐘，兩個人夾埋做一次就過千喇，所以後來老竇被公司裁員之後，我哋都無再去推拿，因為唔敢亂洗錢，玩唔起！！

 

        老竇都知我長期性頭痛同頸膊痛，所以早前搭個朋友買咗部肩頸按摩器俾我，聽佢講國產貨好似平過韓國貨差唔多一半，超級抵用，但其實講真呀，依家幾多大牌子貨品咪又係 made in China，反而仲要俾好大部份廣告費㖭！！雖然機器始終唔敢人手咁好，但都仲好過無，按摩完之後真係舒服好多，頸膊肌肉都鬆好多。

 

 

黃薑麵包

        Ernest 媽咪買咗條黃薑多士麵包俾我，我真係完全無諗過用黃薑嚟整麵包，黃薑味道非常香濃，切咗少少俾老表試食，佢食第一啖之後就話好有 "摩囉叉" 味道喎，哈哈，真係俾佢激鬼死！！

 

 

齋人食齋醬

        又要多謝 Ernest 媽咪送我呢樽齋醬料，係明符其實嘅齋嚟㗎，無蔥蒜，食齋嗰日都食得，真係好！

 

 

 

瑞士手信

        啲嘢擺埋一邊擺得耐的話，真係好容易會無咗件事，自己又老人癡呆嚴重喎，老表幾個月前去瑞士買俾我嘅手信，今日先至重見天日呢！！

 

 

有機蔬菜

        上次咪話 Ernest 媽咪送我麵包、醬料同有機蔬菜嘅，今日繼續睇埋啲蔬菜啦！

 

 

多謝哦！！

        多謝老友送嘅厚禮，有麵包、醬料同有機蔬菜，一日三餐都有著落喇！！

 

 

鹹蛋？鴨蛋？

        你哋覺得呢隻係鴨蛋定係鹹蛋呢？

 

 

梅州綠豆餅

        原來阿馳剛 join 了短程美食團到梅州玩，我問佢邊度係梅州、喺邊度，佢都講唔到俾我聽，真係激鬼死！！

 

        佢喺梅州時食過一樣叫綠豆餅嘅嘢，覺得好好食，於是就搭個導遊叫商店現成即做。新鮮即製嘅綠豆餅係軟身嘅，有啲似老婆餅，要 20 日內食完。佢話如果唔要即製的話，啲餅係硬嘅，仲可以擺到好耐㖭，聽見都得人驚哦！！

 

 

 

沖繩手信

        Lily 早前去咗沖繩玩，返港之後就打電話俾我約時間學琴，佢一開口就問我有無事，我問佢我會有咩事，佢話見我呢個禮拜咁靜，Facebook 又無動靜喎，咁我就問佢係咪驚我自殺！？佢話以為得我一個人喺屋企暈咗都無人知！

 

        聽到老表嘅關心真係夠哂窩心，仲好過自己家人！！

 

中計！！

        暑假尾聲時，Ryan 一家同朋友去泰國旅行，作開學前最後衝刺，Ada 問我係咪鍾意食辣嘢，我已經好醒目咁話：「係呀，不過唔好買嘢俾我喇，真係唔好客氣呀！」佢無再追問落去，轉咗話題講佢班 friend 會過去狂入貨，咁我就話俾個網友個 blog 佢睇，可以參考一下有咩吃喝玩樂好主意，所以就將 blog 友鬼嫁個 blog send 俾佢睇。