回禮

        好耐之前表姐送咗兩樽榛子朱古力醬俾我，我應承佢用個醬整番個西米布甸俾佢做回禮，不過因為早前不在狀態，乜都唔想做，所以一直都無行動。

 

        上個禮拜大表哥見到我因為藥物副作用關係，攪到依家又熱又濕嘅天氣手指都乾到爆拆，所以佢就送咗枝 "隱形手套" 俾我，等我成日濕水做嘢都唔使咁傷！

 

        趁依家狀態唔錯，整個西米布甸一次過做回禮算喇，懶得就懶嘛，哈哈！！

 

 

 

呢樽榛子朱古力醬好好味，搽麵包真係一流！

 

 

 

 

 

 

呢隻 barrier cream 只需搽好少好少份量，

就可以喺皮膚表面形成一層保護

膜，原本係醫護人員用㗎！

 

個布甸餡係朱古力醬溝栗子蓉，因為表姐係好鍾意食栗子呢！

 

原本我係諗住用火槍將焗好布甸個表面燒燶少少，

但唔知係我唔識用枝火槍定係枝 gas 用哂呢，

試過好幾次都唔得，最終都係放棄喇！