時間真係過得好快，眨吓眼喺 WeWah 已經做咗義務導師一年！上年嘅呢個時候我都有參加畢業禮音樂會，當時係以準導師身份出席，今日嘅我唔單只係正式導師，自己教嘅兩個學生都要上台演奏。
唔知點解，覺得教 WeWah 嘅學生會比較開心，即使係義務性質，甚至連車馬費都無，就連學生嘅資質都未必係好好，但心裡面就相對特別用心去教佢哋，可能係因為學生同家長都會較為懂得珍惜，對導師亦會比較尊重同感激。
我教嘅兩位學生哦！
學生正在 rehearsal。
全體 year 1 嘅學生。
所有師生、家長及借出場地作教學嘅單位代表大合照。
幹事會為各位義務導師頒發感謝狀。
最感到窩心嘅係幹事會主席為我
送上一張貼心嘅心意卡呢！
為香港有一班咁有心嘅人而感到驕傲，亦為小朋友們得到關愛而感恩，祝福你們都身心健康，繼續做福他們，謝謝您！
回覆刪除真係好多謝小月妳咁欣賞我哋一班義務導師及送上嘅祝福呀！ ^^
刪除其實仲有一個樂隊攪咗個 Barter Concert 嘅活動，入場欣賞音樂嘅觀眾係唔使俾錢買門票，而係捐出舊琴書作交換門票，收集到嘅琴書就會全數交俾我哋 WeWah 嘅學生，所以小朋友學琴不單只唔使學費，連琴書都唔使買，我都覺得呢隊樂隊同樣好有善心呀，妳可以睇番呢集電視節目，就係講呢個樂隊同 WeWah：
https://www.youtube.com/watch?v=mGH0cJFikuI
我睇咗都好感動，如果有多Ｄ人咁做，個個都有同理心，香港便有救了。
刪除我就係因為睇咗呢個節目，覺得好有意義，所以主動聯絡幹事會申請做導師囉！
刪除輔導姑娘都話，今時今日香港好似我咁有愛心嘅人已經唔多！
刪除好有意思~~而且最開心就係見佢地用心學習^^
回覆刪除完全認同呀！
刪除