涼伴青瓜雞髀菇

        雖然我一向都唔係太喜歡食同飲凍嘢，但天氣咁熱，我都會整冷盤食嘅！呢次就將涼伴雞絲粉皮變成素食，用雞髀菇代替雞肉。

 

 

材料：
青瓜
雞髀菇
粗粉絲
炒香芝麻

 

涼伴汁：
生抽
味醂
麻油
鎮江醋
辣豆瓣醬

- 青瓜洗淨後去頭尾，之後切片。

- 雞髀菇略沖洗後切粗絲；粉絲用水浸發後過水。

- 煲滾水，將雞髀菇快手汆水，盛起瀝乾水份。

- 粉絲放滾水內煮至適合腍度，盛起瀝乾水份。

- 涼伴汁所有材料拌勻，與青瓜、雞髀菇及粉絲拌勻即可。

- 食時再灑上芝麻。

呢款粗粉絲都唔錯，完全可以當粉皮咁用。

 

清涼、清新、惹味，唔使怕無胃口食飯啦！