番茄牛乾菌鹹蛋糕

        基本上，muffin 喺我屋企都可以話係長期無缺，貪佢快手易整，口味變化多。朝早趕時間出門口，快快手 “叮” 番熱，食完就可以走人；放工返到屋企又未可以即時煮飯食時，”叮” 一個嚟頂住肚就最啱。之但係始終食得甜嘢多都係唔係咁好，所以間中都會整鹹 muffin 或者鹹蛋糕。

 

        早排就用油浸番茄乾同牛肝菌嚟整鹹蛋糕。

 

 

味噌薑蔥蠔

        趁得閒繼續追番啲 “舊聞” 先！

 

        冷宮長期塞到爆，唔單只有幾多位佳麗都數唔清，就連個樣都唔記得咁滯，摷摷吓先發現原來仲有啲韓國急凍蠔都唔記得咗！整蠔最緊要係夠快手，如果唔係就縮哂水兼韌到咬唔爛，所以都係揀啲超簡單方法煮穩陣啲。

 

 

菠菜煙肉批 (純素批底) Spinach Pancetta Quiche (Vegan Pie Crust)

        早一、兩個禮拜，老表同我講話佢睇到某藝人教整菠菜煙肉批，俾佢提醒咗我，原來我都好耐無整批喇，而且我一直都好想試試型仔廚師個 vegan pie crust 做法，所以禮拜二嗰日就的起心肝去 take action。

 

        整呢款 pie crust 簡單好多，又唔使雪，因為係第一次試做，所以我都好醒目咁預先留起 10 毫升水作調節，後尾發覺真係有點乾，諗住逐少加水去攪，點知一下子失控倒多咗少少，咪睇拘拘嗰 5 毫升水，咁就真係出事喇！個麵糰濕過頭，但我又唔想額外加粉，於是繼續攪拌，咪攪到個麵糰 over mix，食落口感比較實，有啲地方仲硬硬哋㖭呀，唉！！！！ 

 

 

心思

        前兩日收到 Ex 個 Whats App，佢話買咗樣啱我用嘅嘢俾我，當時睇到個 message 都真係有啲驚，都已經過咗咁多年啦！雖然一直都有跟佢通電郵、Whats App、講電話，喺街撞到都會有嘢講，無乜尷尬，但係專登買嘢俾我，好似有啲唔知點咁 …… 

 

 

山合桃無花果裸麥包 Pecan Fig Rye Bread

        今日呢個裸麥包效果非常好，包質非常軟熟，簡直係撳扁咗都識彈回原形！！應該係我歷來咁多人手做麵包之中最理想的一次哦！

 

        又用老麵，又低溫發酵過夜，跟住又翻麵，加上今日天氣比較潮濕，成功造就出一個超鬆軟麵包。

 

 

泡菜炒韓國粉絲

        剛剛新做好了泡菜，之前剩低嘅泡菜已經發酵咗一段日子，所以味道偏酸，唔太鍾意就咁食，最好就係用嚟炒餸，可以重新調味，就用佢嚟炒韓國粉絲啦！

 

 

值錢的薯角

        早排到快餐店食嘢，叫了個下午茶餐豬扒包，見到加多 $4 配香辣薯角，諗住加多少少錢可以食飽少少，點知到見到個餐時就呻笨囉，幾件薯角仔都唔知夠唔夠攝牙罅呀！！用 $4 自己買薯仔整，食到好多喇！

 

 

黃豆粉紅豆鬆餅 Kinako & Azuki Muffin

        年年入冬都係嗰句：天氣凍有乜好，人都懶啲！今年都仲未講過，但依兩個禮拜呢句說話就大派用場喇，真係懶到唔多願郁，朝早瞓醒之後都唔願落床，攪到一日都無得幾多時間用，就連 blog 都好耐無 update 到，積積埋埋有好多篇都未寫，要加把勁慢慢追番哂至得囉！

 

        先同大家分享今日新鮮熱辣出爐嘅 muffin 先啦！早幾日發覺包日式黃豆粉又過咗期，根據上次經驗，可以變到好濃油膉味，趁佢只係剛剛過咗期個零兩個月，而且味道又完全無變時要快手用埋佢。今早起身之後就煮好日式紅豆餡，加埋黃豆粉一齊整個和風 muffin 啦！

 

 

失魂到爆！！

        前幾日整嗰啲貝殼蛋糕都幾乾身，整好出爐後即食就無乜事，但因為之後要趕住出去教琴，所以就由得佢放室溫攤凍，教完返嚟先再放入密實盒，返到屋企入盒時又食多件，已經發覺比較乾，以為係因為天氣實在太乾燥所致。

 

        到噚晚再整第二輪時，發覺今次用嘅油量點解同上次唔同，check 真啲之後，大鑊！原來上次計錯數，所有材料份量都加大一倍，唯獨係橄欖油份量唔記得加大，即係話只係用咗正確份量嘅一半，你話係咪死得呀，仲拎咗俾人食㖭，真係救命呀！！！！

 

 

兩款蜜糖貝殼蛋糕 Two Flavor of Madeleine

        踏入新一年，話哂都叫做第一次跟學生上課，整咗啲法式貝殼蛋糕作為見面禮，今次仲嘗試加入蜜糖去整。

 

       早前睇到 Gordon Ramsay 教整呢個 madeleine，都係經典檸檬味，不過佢就加埋罌粟籽落去，今次我都又試吓跟佢咁做，而另一隻朱古力味就加咗入爐古力粒去整。

 

 

味菜黑椒煎豆腐

        上次用黑椒醬煮過雜菜豆腐之後，食過番尋味，今次就用嚟煮煎豆腐。

 

抹茶發糕

        今日係十五，咁啱 Charmaine 又約我一早去同佢上堂，一來未必趕得切整嘢食，二來出街食又唔方便，所以噚日就整定幾個發糕，今朝早餐就有著落喇！

 

 

老表整的麵包布甸

        前一個禮拜老表嚟學琴時，佢話我未來表妹夫想食佢整嘅麵包布甸，咁我就略略咁講一講大嘅做法俾佢聽，點知個死嘢聽完之後就話又難又麻煩，跟住我就即刻鬧鬼佢，乜鬼都話難，懶得咁較關，連最易整嘅麵包布甸都話難，咁就真係死得啦！！咁啱冰格又有塊隔夜麵包，所以噚日趁佢未開始上堂前即刻教佢整一次，仲要係由佢一手一腳去做，等佢睇清楚有幾 “難”！！！！

 

        其實為自己心愛嘅人整嘢食，幾艱難都願意同值得啦，係咪咁話呀！！

 

 

表姐銀婚晚宴暨除夕倒數

        個栗子蛋糕就已經提早送咗俾表姐同表姐夫，噚日就同埋阿馳一齊出席佢哋個晚宴，氣氛既開心又感動。