味菜黑椒煎豆腐

        上次用黑椒醬煮過雜菜豆腐之後，食過番尋味，今次就用嚟煮煎豆腐。

 

材料：
鹹酸菜
實豆腐
洋蔥

調味料：
黑椒醬

紹酒
糖

- 鹹酸菜洗乾淨後切件，用清水浸一個鐘後，榨乾水份，加適量糖醃好。

- 實豆腐切細件；洋蔥去衣，略沖洗後切件。

- 燒熱油，將豆腐落鑊煎至金黃，盛起備用。

- 爆香洋蔥至微焦黃，加入鹹酸菜及黑椒醬，灒酒，兜炒片刻。

- 加適量水煮滾，將煎豆腐放入煮至汁乾，加糖調味後即可上碟。

豆腐味道清淡，用呢個煮法

最啱，非常惹味。

雖然唔係懶人菜式，但都簡單易煮，

係煎豆腐時要比較有耐性。