老表整的麵包布甸

        前一個禮拜老表嚟學琴時，佢話我未來表妹夫想食佢整嘅麵包布甸，咁我就略略咁講一講大嘅做法俾佢聽，點知個死嘢聽完之後就話又難又麻煩，跟住我就即刻鬧鬼佢，乜鬼都話難，懶得咁較關，連最易整嘅麵包布甸都話難，咁就真係死得啦！！咁啱冰格又有塊隔夜麵包，所以噚日趁佢未開始上堂前即刻教佢整一次，仲要係由佢一手一腳去做，等佢睇清楚有幾 “難”！！！！

 

        其實為自己心愛嘅人整嘢食，幾艱難都願意同值得啦，係咪咁話呀！！

 

 

條友仔整過之後就話原來真係好容易，

咪係囉，未試過就話難，啍！！

今次好簡單，只係用咗雞蛋同豆漿，再加幾粒

紅莓乾就攪掂，真係易過借火！

食譜及做法請參巧《焦糖蘋果麵包布甸》。