2015年8月30日星期日

焗爐烤彩椒 Oven Roasted Capsicum

        除咗嘗試用真空煲慢煮三文魚之外,仲試埋用焗爐整烤燈籠椒,結果當然同樣理想啦,最重要係大熱天時唔使對住個爐火 "BBQ",攪到身水身汗嘛!!
 
 

慢煮三文魚 Slow Cook Salmon

        近年興起慢煮 (slow cook) 食物,好處係可以保存食材營養成份之外,口感亦會比較腍、軟、滑同潤。食肆會用到抽真空機及恆溫 water bath 等專業器材去處理慢煮,自家製作其實都可以做到,唯一比較麻煩嘅係保持水溫。
 
        前幾日又試吓做實驗,用真空煲保溫去慢煮三文魚柳,效果都唔錯喎!
 
 

2015年8月27日星期四

麵包與鬆餅

        Ryan Rylie 兩兄妹呢兩個禮拜去咗旅行,所以連續兩個禮拜四都 dayoff,趁今日比較得閒,開爐焗包又焗 muffin 先!
 
 

2015年8月23日星期日

IKEA 入貨

        我好多時都同人講,去「Pizza Hut」食意粉唔食 pizza;去「Spaghetti House」就唔食意粉食 pizza,呢個係我真實感覺,唔係講笑㗎,不過已經 N 世無去呢兩間食肆,依家仲係咪咁情況就唔知喇!!我啱啱去完「IKEA」入貨,不過就完全唔係買傢俬傢具囉,居然全部都係食嘢! :P
 
        前兩日 Facebook 度見到素友話去「IKEA」買 marzipan,仲要係做緊特價,$15 減到 $10 ,超抵呀,喺烘焙店買都唔平㗎。咁啱睇完本新 catalogue 都有嘢想睇睇實物係點,又咁啱禮拜五去銅鑼灣教琴喎,於是收工之後就走去咗兜個圈喇。
 
 

最細數額的支票

        早前搭巴士去老友屋企時,無端端被扣咗車費,不嬲都有接駁轉乘優惠,唔使額外再扣車費㗎嘛,於是走去八達通讀卡機度 check 清楚,發覺都無超出規定時限,所以返到屋企即刻 send e-mail 去巴士公司查清楚及跟進,萬一係我張卡出問題的話,就趁八達通公司呢排開始換新卡,走去換過咗新卡。
 
        後尾巴士公司回覆,原來係車長當日攪錯咗行車方向,收費機撳錯了回程方向,所以我就享用唔到個轉乘優惠,巴士公司最終將收多車費出支票補番俾我。
 

2015年8月16日星期日

為老表預備的早餐

        噚日老表一早大駕蒞臨入嚟學琴,基本上如果時間許可的話,我都會為佢預備定份早餐,大家可以一邊食一邊傾偈之餘,亦都希望佢可以 relax 啲、舒服啲,皆因佢份人係做乜都會好緊張,大家識咗三、四十年,對住我彈琴都仲係緊張都要死呢!!
 
 

焗素扒飯

       今個禮拜買咗紅菜頭煲素雜菜湯,呢次好好彩,買到嘅紅菜頭好靚,煲完湯都仲係好甜,正!
 
       預備材料煲湯時,刻意每樣都留番起少少,噚晚就用嚟整焗素扒飯。
 
 

2015年8月12日星期三

韓式青瓜沙律 Oi-muchim (오이무침)

        每年夏天都會狂食青瓜,而且多數都係生食,夠哂清涼、清新兼消暑,好彩我生食青瓜又無事喎!
 
        前兩個禮拜試過跟 Maangchi 姨整韓式青瓜沙律,學佢話齋真係超簡單但又超好食,真係估唔到用豉油撈青瓜味道係咁夾,所以今日要再 encore 兼同大家分享。
 
 

2015年8月10日星期一

人生中真真正正的第一份義務工作

        踏入 2015,正正式式人到中年喇,如果根據我嘅家族史嚟睇,人生已經行咗三份之二㖭!到目前為止,雖然不至於一事無成,但都真係無乜特別成就,事業一直都唔多穩定、唔多暢順,有點崎嶇。身邊都有唔少人叫我轉行,其實我都唔係磨爛蓆唔想轉行㗎,不過自己年紀大,對其他行業又毫無認識同經驗,鬼請你做嘢咩!學生又建議我讀僱員再培訓計劃,起碼有工作轉介,好過自己搵,本來都已經揀到心水課程,點鬼知自己又學歷太高,無資格讀!!所以近呢一年嚟都非常清閑,即使好努力咁去拍烏蠅同量地之後,都仲係有好多時間剩,而且亦開始發現自己有點做慣乞兒懶做官嘅心態出現,為咗唔想再繼續懶落去,所以決定將退休後先做義工嘅計劃提早實行,用空閒時間去幫助有需要嘅人,令生活變得更有意義之餘,亦唔會淪為媽咪口中所講嘅 "嘥咗上天俾個人身我"!
 
        要搵義工做,我即刻諗起上年喺《星期二檔案》中介紹過嘅「WeWah 音樂家」,一來可以用番我自己嘅專業去幫人,但更重要嘅係,我可以繼續坐喺冷氣房,唔使出氣出力、日曬雨淋!!:D  WeWah 音樂家」係一個幫助基層家庭小朋友實現學琴夢想嘅慈善團體,小朋友學琴係完全唔使出一分一毫,而所有鋼琴導師同 committee 職員都係義工,而且個個都好 nice,主席跟我聯絡分配學生時,知道我最近卒之搵到新工,佢都同我講其實係完全無壓力,唔需要一定要教,因為佢唔想影響到我的正職及收入。因此「WeWah」俾到我一個好舒服嘅開始,我應該都會一直做落去。
 
 

2015年8月6日星期四

朱古力甘筍蛋糕

        前兩日買咗條紅蘿蔔煲湯,用唔哂成條咁多,所以就切起咗小部份,留番今日整甘筍蛋糕。
 
 

2015年8月3日星期一

粉蒸南瓜 & 糖醋麵筋伴菜飯

        雖然我自己好少煮肉食,但有樣葷菜我都幾鍾意食,就係糖醋排骨,可能因為味道酸酸甜甜,豬肉入口會無咁膩同無咁
 
        不過今次就用咗麵筋代替排骨去整呢個餸,因為到我食飯時已經係觀音誕喇,所以要食齋哦!