2015年9月27日星期日

肉桂薑味猶太麵包 Cinnamaon & Ginger Bagel

        老友最近做老闆開 bakery 學校,打頭陣課程係整 bagel,原本佢都叫我一齊去上堂,但可惜當日要教琴,所以無去到。不過唔緊要啦,自己匿喺個私家廚房度玩個夠吧!
 
 

齋人食齋醬

        又要多謝 Ernest 媽咪送我呢樽齋醬料,係明符其實嘅齋,無蔥蒜,食齋嗰日都食得,真係好!
 
 
 

超級月光

        噚晚睇《晚間新聞》時知道,原來噚晚個月光係超級月光,即係月球位置最接近地球,所以望到個月光 size 係最大,報導話可惜噚晚多雲,要睇的話就要喺雲層罅隙先睇到。
 
 

2015年9月24日星期四

2015年9月23日星期三

純素蜂蜜抹茶鬆餅 Vegan Honey Maccha Muffin

        其實我都跟過好幾個唔同食譜整 vegan muffin,但始終發覺無加雞蛋落去整的話,個 texture 入口係會比較黏口,中式發糕情況都一樣,但好多人又話唔覺,唔通係我要求太高!? :-w
 
         呢個 muffin 都係參考自型仔廚師 Ryoya 嘅 Matcha & Adzuki beans Muffin (vegan) 食譜,算係我整過咁多 vegan muffin 之中 texture 最好,相對叫做無咁黏口,但我覺得始終都係唔及加咗雞蛋般清爽。
 
 

日式醬油燒飯糰

        依家天氣熱,我好多時第二餐都會整壽司食,但係整壽司都幾麻煩,要預備好幾種材料,之後又要捲到唔散,都有一定功夫,如果時間唔夠的話都真係唔好攪喇!
 
        呢次又試吓跟型仔廚師 Ryoya 整個功夫少得多嘅醬油燒飯糰,不過第一次整毫無經驗,真係有超大進步空間呢! :P
 
 

2015年9月22日星期二

義工禮品

        Pinkdot 當日,有贊助商贈送禮品俾每一位義工。
 
        其實整個活動能夠做到免費入場,免費任飲任食,又提供所有音響器材作音樂會用,都係多得各大商業機構支持及贊助,當然,大部份都係外資大行、投行、銀行等,華人企業就只係佔少數啦!
 
 

2015年9月21日星期一

繼續做義工

        既然都已經提早開始咗做義工嘅計劃,咁就唔好俾佢停。
 
        由於自己喺工作同生活上,某程度上有好幾方面都屬於少眾,所以好清楚當中被人誤解,甚至係歧視的感受,所以我一直以嚟都希望做義工嘅服務對象係一啲易被忽略及誤解嘅少眾。加入「WeWah 音樂家」係幫基層家庭嘅小朋友圓夢,打破只有相當經濟能力家庭嘅小朋友先至可以學鋼琴,而今次呢份義工嘅對象就係 LGBT community,所以噚日由朝企到晚,攰到爆之餘仲曬到變咗隻燒豬。
 
        Pinkdot 原本係由新加坡發起嘅一個活動,提倡建構「平等互愛、多元共融」嘅社會,活動係一個大型戶外露天嘉年華會,LGBT community 邀請自己家人及朋友一齊出席,與一家大細及朋友一齊野餐,大家開開心心一齊玩。2014 年就引入到香港,所以今年已經係第二屆。
 
 

2015年9月16日星期三

瑞士手信

        啲嘢擺埋一邊擺得耐的話,真係好容易會無咗件事,自己又老人癡呆嚴重喎,老表幾個月前去瑞士買俾我嘅手信,今日先至重見天日呢!!
 
 

2015年9月14日星期一

素食晚餐

        之前用罐頭番茄煮咗個茄醬嚟整 pizza,當然用唔哂咁多啦,所以就將用剩嘅打入冷宮,今日解凍後就用嚟煮意粉。
 
 

2015年9月13日星期日

南乳粉葛蘿蔔燜豆腐

        早前買到個超靚、超粉嘅粉葛煲湯,雖然平時我都會食幾件煲過湯嘅粉葛,但呢次啲粉葛真係好食到停唔到口,又粉又糯,口感仲粉過食燜蓮藕呀!所以我就將所有粉葛留起放入冰格,趁今日食齋,就解凍咗佢嚟用南乳燜。
 
 

烤焗茄子 Oven Roasted Eggplant

        今日係初一,當然係我嘅食齋日啦!晏晝試咗用焗爐嚟整烤焗茄子,焗好之後就加上蜜糖芥末醬,口感都唔錯,不過個皮就有少少韌呢。
 
 

有機蔬菜

        上次咪話 Ernest 媽咪送我麵包、醬料同有機蔬菜嘅,今日繼續睇埋啲蔬菜啦!
 
 

又上一課

        早兩個禮拜做清潔,抹到電腦枱時就發現電腦螢幕個火牛凹咗,形成一個氹形狀,當時只係覺得奇怪,但並無注意到問題。直到禮拜四晚上網,好友喺 Facebook 錄音留口訊俾我,因為太細聲嘅關係,一定要將個 speaker 貼近耳邊先聽得清楚,正當我拎起個 speaker 時,個螢幕突然斷電熄咗,我知道一定係郁咗條電線,所以諗住移番好條電線啦,點知一郁就出事喇,睇住個火牛爆火光,跟住間屋就漆黑一片,全屋啲 fuse 都跳哂掣!!
 
        因為其實當時係仲有其他嘢正在做緊,所以必須要嘗試開番部電腦登入自己 account,再接駁手機上網繼續完成工作。喺無咗電腦螢幕之下,居然我都可以摸住個 mouseclick 入自己 acoount 之後再輸入 passwork 成功登入,我都真係服咗我自己!! :P
 
 

2015年9月10日星期四

為您而煮

        自從得番個超細臨時街市之後,買嘢真係好唔方便,不單只每樣種類只得一、兩檔,有啲檔口好似衣紙、凍肉、賣花等根本一檔都無,所以如果真係要買的話就迫住要行到老遠嘅街市先可以買到!
 
        往年都係習慣買花,但今年就無喇,其實新屋嗰邊個商場最近都開咗間花店,但係就賣得幾貴。其實貴都唔緊要,又唔係成日買,但係又貴又唔靚兼又無乜選擇的話,真係唔多願意幫嚫囉!所以今年就改咗煮齋俾您。
 
 

2015年9月9日星期三

多謝哦!!

        多謝老友送嘅厚禮,有麵包、醬料同有機蔬菜,一日三餐都有著落喇!!
 
 

2015年9月8日星期二

姬松茸豬骨煲節瓜湯

        見到我煲肉湯係咪覺得好出奇呢!?真係 N 世都唔會煲一次,因為怕麻煩嘛,又要洗肉,又要汆水,汆完水之後又要洗多個煲,煲完湯之後個煲又一定要用洗潔精洗先洗得乾淨,比起煲素湯真係多好多功夫,不過因為今日無太多時間留喺屋企預備餸菜,所以就用豬骨煲湯,有瓜又有肉食,可以煮少碟餸
 
 

2015年9月6日星期日

IKEA 又入貨

        發覺同「IKEA」個八字真係唔多夾,鋪鋪都係呢頭買完哂嘢,嗰頭就嚟做特價,上次買 LED 燈膽係咁,早兩個禮拜去買食品又係咁,呢幾日食品部全線做特價八五折,你話係咪玩嘢呀!! :(